Related Articles
The Targeting of Diljit Dosanjh: Cultural Identity and Political Backlash
ਵਿਰੋਧ ਫਿਲਮ ਦਾ ਨਹੀਂ, ਦਿਲਜੀਤ ਦੀ ਦਸਤਾਰ ਦਾ
ਦਿਲਜੀਤ ਦੁਸਾਂਝ ਤੇ ਨਿਸ਼ਾਨਾ: ਸੱਭਿਆਚਾਰਕ ਪਛਾਣ ਅਤੇ ਸਿਆਸੀ ਵਿਰੋਧ
“ਸਰਦਾਰ ਜੀ 3” ਫਿਲਮ ਵਿੱਚ ਪਾਕਿਸਤਾਨੀ ਅਦਾਕਾਰਾ ਹਾਨੀਆ ਆਮਿਰ ਦੀ ਭੂਮਿਕਾ ਦੇ ਬਹਾਨੇ ਦਿਲਜੀਤ ਇਸ ਵਕਤ ਸੰਘੀ ਟਰੋਲ ਸਿਸਟਮ ਅਤੇ ਫਿਲਮ ਇੰਡਸਟਰੀ ਵਿਚਲੇ ਹਿੰਦੂਤਵੀਆਂ ਦੇ ਨਿਸ਼ਾਨੇ ‘ਤੇ ਹੈ। ਹਾਲਾਂਕਿ ਇਹ ਫਿਲਮ ਤਾਜ਼ਾ ਭਾਰਤ-ਪਾਕਿ ਟਕਰਾਅ ਤੋਂ ਪਹਿਲਾਂ ਦੀ ਬਣੀ ਹੀ ਹੈ ਪਰ ਦਿਲਜੀਤ ਰੜਕ ਰਿਹਾ। ਹਾਲਾਂਕਿ ਇਸ ਫਿਲਮ ‘ਚ ਹੋਰ ਅਦਾਕਾਰ ਵੀ ਹਨ ਪਰ ਨਿਸ਼ਾਨਾ ਦਿਲਜੀਤ ਹੈ।
ਸੰਸਾਰ ਪ੍ਰਸਿੱਧ ਦਸਤਾਰਧਾਰੀ ਗਾਇਕ ਦਿਲਜੀਤ ਦੁਸਾਂਝ ਨੇ ਨੇ ਕਿਸਾਨ ਮੋਰਚੇ ‘ਤੇ ਇੱਕ ਕਰੋੜ ਦਾ ਚੈੱਕ ਦੇ ਕੇ ਹੀ ਸੰਘੀਆਂ ਦੀ ਵਿਰੋਧਤਾ ਸਹੇੜ ਲਈ ਸੀ, ਜੋ ਬਾਅਦ ਵਿੱਚ ਉਸਦੇ “ਪੰਜਾਬੀ ਆ ਗਏ ਓਏ” ਨਾਅਰੇ ਨੇ ਹੋਰ ਵਧਾ ਦਿੱਤੀ ਬਲਕਿ ਆਰੀਆ ਸਮਾਜੀ ਤੇ ਹੋਰ ਪੰਜਾਬ ਵਿਰੋਧੀ ਤੱਤ ਵੀ ਦਿਲਜੀਤ ਖਿਲਾਫ ਖੁੱਲ੍ਹ ਕੇ ਬੋਲਣ ਤੇ ਲਿਖਣ ਲੱਗੇ।
ਸਰਦਾਰ ਖਾਲੜਾ ਦੇ ਜੀਵਨ ‘ਤੇ ਦਸਤਾਵੇਜ਼ੀ ਬਣਾਉਣੀ ਤਾਂ ਕੇਂਦਰੀ ਤੰਤਰ ਤੇ ਫਿਰਕੂ ਨਫਰਤ ਪਾਲਣ ਵਾਲਿਆਂ ਦੀ ਹਿੱਕ ‘ਤੇ ਸੱਪ ਛੱਡਣ ਵਾਂਗ ਸੀ। ਜਿਹੜੇ ਇਹਦੇ ਸਿਰ ‘ਤੇ ਸਜੀ ਗੁਰੂ ਦੀ ਦਸਤਾਰ ਤੋਂ ਅੱਕੇ ਪਏ ਸਨ, ਉਨ੍ਹਾਂ ਨੂੰ ਸਰਦਾਰ ਖਾਲੜਾ ਦੀ ਇਕ ਸ਼ਹੀਦ ਨਾਇਕ ਵਜੋਂ ਪਛਾਣ ਮੁਲਕ ਭਰ ਵਿੱਚ ਜਾਂਦੀ ਕਿੱਥੇ ਜਰ ਹੋਣੀ ਸੀ। ਅਣਪਛਾਤੀਆਂ ਲਾਸ਼ਾਂ ਦੀ ਕਹਾਣੀ ਮੁਲਕ ਭਰ ਵਿੱਚ ਲੋਕਾਂ ਨੂੰ ਪਤਾ ਲੱਗਣੀ, ਉਹ ਕਿਵੇਂ ਸਹਿ ਸਕਦੇ ਨੇ। ਦਸਤਾਰ ਵਾਲਿਆਂ ਦੇ ਸਤਿਕਾਰ ਤੋਂ ਵੀ ਔਖੇ ਨੇ ਤੇ ਉਨ੍ਹਾਂ ਨਾਲ ਲੋਕਾਂ ਦੀ ਹਮਦਰਦੀ ਵੀ ਨਹੀਂ ਝੱਲ ਸਕਦੇ।
ਕੀ ਹੋਇਆ ਜੇ ਸਿੱਖਾਂ ਨੂੰ ਆਪਣੀ ਸੌਫਟ-ਪਾਵਰ ਦੀ ਸਮਰੱਥਾ ਦਾ ਅਹਿਸਾਸ ਨਹੀ, ਅਗਲਿਆਂ ਨੂੰ ਤਾਂ ਹੈ।
ਦਿਲਜੀਤ ਨੇ ਆਪਣੀ ਪੀਆਰ ਟੀਮ ਨਾਲ ਮੋਦੀ ਨੂੰ ਮਿਲ ਕੇ ਤੇ ਸਟੇਜਾਂ ‘ਤੇ ਤਿਰੰਗਾ ਲਹਿਰਾ ਕੇ ਬਚਾਅ ਦੀ ਕੋਸ਼ਿਸ਼ ਕੀਤੀ ਪਰ ਨਫ਼ਰਤੀ ਸੋਚ ਵੈਰ ਨਹੀਂ ਭੁੱਲਦੀ। ਇਨ੍ਹਾਂ ਨੂੰ ਪੰਜਾਬ ਤੇ ਦਸਤਾਰ ਦੀ ਵੱਖਰੀ ਪਛਾਣ ਤੇ ਅਹਿਮੀਅਤ ਬਹੁਤ ਚੁੱਭਦੀ ਤੇ ਉਸਨੂੰ ਖ਼ਤਮ ਕਰਨ ਲਈ ਹੁਣ ਤੱਕ ਬਹੁਤ ਕੁਝ ਕੀਤਾ ਜਾ ਚੁੱਕਾ ਹੈ।
ਦਿਲਜੀਤ ਬਾਲੀਵੁੱਡ ‘ਚ ਫ਼ਿਲਮਾਂ ਨਾ ਕਰੇ ਜਾਂ ਭਾਰਤ ‘ਚ ਸ਼ੋਅ ਨਾ ਕਰੇ, ਇਸ ਨਾਲ ਉਸਦੇ ਸੰਗੀਤ ਨੂੰ ਰੋਕਿਆ ਨਹੀਂ ਜਾ ਸਕਦਾ। ਉਸ ਲਈ ਹਾਲੀਵਿੱਡ ਆਪਣਾ ਰੈੱਡ ਕਾਰਪੈੱਟ ਵਿਛਾ ਚੁੱਕਿਆ।
ਸਵਾਲ ਤਾਂ ਹੁਣ ਬਾਕੀ ਕਲਾਕਾਰਾਂ ਤੇ ਅਦਾਕਾਰਾਂ ਲਈ ਹੋਵੇਗਾ ਕਿ ਕੀ ਹੁਣ ਉਹ ਵਿਦੇਸ਼ੀ ਫਿਲਮਾਂ ਜਾਂ ਵੈੱਬ ਸੀਰੀਜ਼ ਵਿੱਚ ਵੀ ਪਾਕਿਸਤਾਨੀ ਕਲਾਕਾਰਾਂ, ਅਦਾਕਾਰਾਂ ਤੇ ਫ਼ਿਲਮਕਾਰਾਂ ਨਾਲ ਕੰਮ ਨਹੀਂ ਕਰਿਆ ਕਰਨਗੇ? ਉਨ੍ਹਾਂ ਦੀਆਂ ਧੁਨਾਂ, ਗੀਤ, ਕਾਮੇਡੀ ਚੋਰੀ ਨਹੀਂ ਕਰਿਆ ਕਰਨਗੇ?
Unpopular_Opinions
