Related Articles
Philippines Plane Crash: ਫਿਲੀਪੀਨਜ਼ ਵਿੱਚ ਦੋ ਜਹਾਜ਼ਾਂ ਦੀ ਟੱਕਰ; ਚਾਰ ਪਾਇਲਟਾਂ ਦੀ ਮੌਤ
ਹਵਾਈ ਫੌਜ ਦੇ ਦੋ ਸਿਖਲਾਈ ਜਹਾਜ਼ ਹੋਏ ਹਾਦਸਾਗ੍ਰਸਤ; ਮਨੀਲਾ ਨੇੜੇ ਵਾਪਰਿਆ ਹਾਦਸਾ; ਜਾਂਚ ਮੁਕੰਮਲ ਹੋਣ ਤੱਕ ਉਡਾਣਾਂ ’ਤੇ ਰੋਕ
Philippines Plane Crash: ਫਿਲੀਪੀਨਜ਼ ਵਿੱਚ ਸਿਖਲਾਈ ਦੌਰਾਨ ਹਵਾਈ ਫੌਜ ਦੇ ਦੋ ਜਹਾਜ਼ ਆਪਸ ਵਿੱਚ ਟਕਰਾ ਗਏ। ਇਸ ਹਾਦਸੇ ਵਿੱਚ ਦੋਵਾਂ ਜਹਾਜ਼ਾਂ ਦੇ ਚਾਰ ਪਾਇਲਟਾਂ ਦੀ ਮੌਤ ਹੋ ਗਈ। ਦੋਵੇਂ ਜਹਾਜ਼ ਮਨੀਲਾ ਦੇ ਦੱਖਣ ਵਿੱਚ ਸਥਿਤ ਲੀਪਾ ਸ਼ਹਿਰ ਦੇ ਫਰਨਾਂਡੋ ਹਵਾਈ ਅੱਡੇ ’ਤੇ ਡਿੱਗ ਪਏ।
ਹਾਦਸੇ ਤੋਂ ਬਾਅਦ ਫਿਲੀਪੀਨਜ਼ ਦੀ ਹਵਾਈ ਸੈਨਾ ਨੇ ਐੱਸ ਐੱਫ-260 ਜਹਾਜ਼ਾਂ ਦੀਆਂ ਉਡਾਣਾਂ ’ਤੇ ਰੋਕ ਲਾ ਦਿੱਤੀ ਹੈ। ਇਹ ਪਾਬੰਦੀ ਜਾਂਚ ਪੂਰੀ ਹੋਣ ਤੱਕ ਜਾਰੀ ਰਹੇਗੀ
Four pilots were killed after two SF-260 aircraft collided and crashed during a training near a base in Lipa City, Philippine. https://t.co/DxVNLeYDyA
— GC24 (@GlobalChannel24) October 24, 2026
ਇਸ ਸਾਲ ਹਵਾ ਵਿੱਚ ਦੋ ਜਹਾਜ਼ਾਂ ਦੀ ਟੱਕਰ ਦਾ ਇਹ ਦੁਨੀਆ ਵਿੱਚ ਪੰਜਵਾਂ ਵੱਡਾ ਹਾਦਸਾ ਹੈ।
ਇੱਕ ਜਹਾਜ਼ ਫ਼ੌਜੀ ਬੈਰਕਾਂ ਨੇੜੇ ਡਿੱਗਿਆ
ਐਸੋਸੀਏਟਿਡ ਪ੍ਰੈੱਸ ਦੀ ਰਿਪੋਰਟ ਮੁਤਾਬਕ ਦੋਵੇਂ ਐੱਸ ਐੱਫ-260 ਜਹਾਜ਼ ਘੱਟ ਉਚਾਈ ’ਤੇ ਉੱਡ ਰਹੇ ਸਨ। ਇਸੇ ਦੌਰਾਨ ਉਹ ਆਪਸ ਵਿੱਚ ਟਕਰਾ ਗਏ। ਇਨ੍ਹਾਂ ਵਿੱਚੋਂ ਇੱਕ ਜਹਾਜ਼ ਫ਼ੌਜੀ ਕਰਮਚਾਰੀਆਂ ਦੀਆਂ ਬੈਰਕਾਂ ਨੇੜੇ ਡਿੱਗਿਆ।
ਇਹ ਜਹਾਜ਼ ਇਟਲੀ ਤੋਂ ਖਰੀਦੇ ਗਏ ਸਨ। ਫਿਲੀਪੀਨਜ਼ ਦੀ ਫ਼ੌਜ ਲੰਮੇ ਸਮੇਂ ਤੋਂ ਪੈਸਿਆਂ ਦੀ ਘਾਟ ਕਾਰਨ ਆਪਣੇ ਲੜਾਕੂ ਜਹਾਜ਼ਾਂ, ਜਲ ਸੈਨਾ ਅਤੇ ਥਲ ਸੈਨਾ ਨੂੰ ਆਧੁਨਿਕ ਬਣਾਉਣ ਵਿੱਚ ਮੁਸ਼ਕਲਾਂ ਦਾ ਸਾਹਮਣਾ ਕਰ ਰਹੀ ਹੈ।
ਐੱਸ ਐੱਫ-260 ਜਹਾਜ਼ਾਂ ਨਾਲ ਪਹਿਲਾਂ ਵੀ ਵਾਪਰ ਚੁੱਕੇ ਹਨ ਹਾਦਸੇ
FOUR PILOTS KILLED IN PHILIPPINES AIR FORCE CRASH
Two SF-260 trainer aircraft crashed during a training flight at Fernando AirBase in Batangas province,south of #Manila. The #Philippine AirForce has grounded its SF-260 fleet pending an investigation into the cause of the accident https://t.co/MxsR4r55SD— Smriti Sharmaa (@SmritiSharma_) October 24, 2026
ਮਈ ਵਿੱਚ ਵੀ ਦੋ ਪਾਇਲਟਾਂ ਦੀ ਹੋਈ ਸੀ ਮੌਤ
ਮਈ ਵਿੱਚ ਉੱਤਰੀ ਫਿਲੀਪੀਨਜ਼ ਦੇ ਪਹਾੜੀ ਇਲਾਕੇ ਵਿੱਚ ਐੱਸ ਐੱਫ-260 ਸਿਖਲਾਈ ਜਹਾਜ਼ ਹਾਦਸਾਗ੍ਰਸਤ ਹੋ ਗਿਆ ਸੀ। ਇਸ ਹਾਦਸੇ ਵਿੱਚ ਦੋ ਪਾਇਲਟਾਂ ਦੀ ਮੌਤ ਹੋ ਗਈ ਸੀ।
2023 ਵਿੱਚ ਵੀ ਹਾਦਸੇ ਦਾ ਸ਼ਿਕਾਰ ਹੋਇਆ ਸੀ ਜਹਾਜ਼
ਸਾਲ 2023 ਵਿੱਚ ਵੀ ਸਿਖਲਾਈ ਉਡਾਣ ਦੌਰਾਨ ਐੱਸ ਐੱਫ-260 ਜਹਾਜ਼ ਹਾਦਸਾਗ੍ਰਸਤ ਹੋ ਗਿਆ ਸੀ। ਉਸ ਹਾਦਸੇ ਵਿੱਚ ਵੀ ਦੋ ਪਾਇਲਟਾਂ ਦੀ ਜਾਨ ਚਲੀ ਗਈ ਸੀ।
