Related Articles
Faridabad ਫਰੀਦਾਬਾਦ: ਖੇਡਣ ਦੌਰਾਨ ਧੱਕਾ ਦੇਣ ਨੂੰ ਲੈ ਕੇ ਹੋਏ ਝਗੜੇ ਵਿੱਚ ਨਬਾਲਗ ਵੱਲੋਂ ਨਬਾਲਗ ਬੱਚੇ ਦੀ ਹੱਤਿਆ
ਵਾਰਦਾਤ ਨੂੰ ਅੰਜਾਮ ਦੇਣ ਤੋਂ ਬਾਅਦ ਨਾਬਾਲਗ ਮੌਕੇ ਤੋਂ ਚਾਕੂ ਲੈ ਕੇ ਫਰਾਰ
Faridabad: Minor killed minor child in a fight over pushing during play
ਵਾਰਦਾਤ ਨੂੰ ਅੰਜਾਮ ਦੇਣ ਤੋਂ ਬਾਅਦ ਨਾਬਾਲਗ ਮੌਕੇ ਤੋਂ ਚਾਕੂ ਲੈ ਕੇ ਫਰਾਰ
ਫਰੀਦਾਬਾਦ: ਫਰੀਦਾਬਾਦ ਦੇ ਸੈਕਟਰ 56 ਵਿੱਚ ਖੇਡਣ ਦੌਰਾਨ ਧੱਕਾ ਦੇਣ ਨੂੰ ਲੈ ਕੇ ਹੋਏ ਝਗੜੇ ਵਿੱਚ 15 ਸਾਲ ਦੇ ਬੱਚੇ ਨੇ 13 ਸਾਲ ਦੇ ਬੱਚੇ ਦੀ ਛਾਤੀ ਵਿੱਚ ਚਾਕੂ ਮਾਰ ਕੇ ਹੱਤਿਆ ਕਰ ਦਿੱਤੀ। ਵਾਰਦਾਤ ਨੂੰ ਅੰਜਾਮ ਦੇਣ ਤੋਂ ਬਾਅਦ ਨਾਬਾਲਗ ਮੌਕੇ ਤੋਂ ਚਾਕੂ ਲੈ ਕੇ ਫਰਾਰ ਹੋ ਗਿਆ। ਪਰਿਵਾਰ ਵਾਲੇ ਜ਼ਖ਼ਮੀ ਹਾਲਤ ਵਿੱਚ ਬੱਚੇ ਨੂੰ ਹਸਪਤਾਲ ਲੈ ਕੇ ਪਹੁੰਚੇ, ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਸੈਕਟਰ 58 ਥਾਣਾ ਪੁਲਿਸ ਨੂੰ ਮਾਮਲੇ ਦੀ ਸ਼ਿਕਾਇਤ ਦਿੱਤੀ ਗਈ ਹੈ, ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।
ਤਸਵੀਰਾਂ ਫਰੀਦਾਬਾਦ ਦੇ ਬਾਦਸ਼ਾਹ ਖਾਨ ਸਿਵਲ ਹਸਪਤਾਲ ਦੀਆਂ ਹਨ, ਜਿੱਥੇ ਜ਼ਖ਼ਮੀ ਬੱਚੇ ਨੂੰ ਡਾਕਟਰਾਂ ਨੇ ਦੇਖਦੇ ਹੀ ਮ੍ਰਿਤਕ ਐਲਾਨ ਦਿੱਤਾ। ਦੱਸ ਦੇਈਏ ਕਿ ਸੈਕਟਰ 56 ਆਸ਼ੀਆਨਾ ਫਲੈਟ ਵਿੱਚ ਰਹਿਣ ਵਾਲੇ ਮ੍ਰਿਤਕ ਕੰਨੂ (13) ਦੇ ਚਾਚਾ ਇਕਬਾਲ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਕੰਨੂ ਇੱਕ ਨਿੱਜੀ ਸਕੂਲ ਵਿੱਚ ਤੀਜੀ ਜਮਾਤ ਵਿੱਚ ਪੜ੍ਹਦਾ ਸੀ। ਐਤਵਾਰ ਦੀ ਸ਼ਾਮ ਨੂੰ ਲਗਭਗ 7 ਵਜੇ ਉਹ ਬਲਾਕ ਨੰਬਰ 14 ਵਿੱਚ ਘਰ ਦੇ ਬਾਹਰ ਆਪਣੀ 1 ਸਾਲ ਦੀ ਭੈਣ ਚਾਹਤ ਨੂੰ ਖਿਡਾ ਰਿਹਾ ਸੀ। ਉਦੋਂ ਹੀ ਬਲਾਕ 13 ਵਿੱਚ ਰਹਿਣ ਵਾਲਾ ਕਿਸ਼ੋਰ (15) ਉੱਥੇ ਆਇਆ ਅਤੇ ਦੋਵੇਂ ਮਿਲ ਕੇ ਉੱਥੇ ਹੀ ਖੇਡਣ ਲੱਗੇ।
ਇਕਬਾਲ ਦੇ ਮੁਤਾਬਕ ਦੋਹਾਂ ਵਿਚਕਾਰ ਖੇਡਣ ਦੌਰਾਨ ਧੱਕਾ-ਮੁੱਕੀ ਹੋ ਗਈ, ਜਿਸ ਦੇ ਚੱਲਦੇ ਆਰੋਪੀ ਨੇ ਕੰਨੂ ਦੀ ਛਾਤੀ ਵਿੱਚ ਚਾਕੂ ਮਾਰ ਦਿੱਤਾ। ਇਕਬਾਲ ਦੇ ਮੁਤਾਬਕ ਆਰੋਪੀ ਵੀ ਤੀਜੀ ਜਮਾਤ ਦਾ ਵਿਦਿਆਰਥੀ ਹੈ ਅਤੇ ਅਕਸਰ ਉੱਥੇ ਖੇਡਣ ਲਈ ਆਇਆ ਕਰਦਾ ਸੀ।
ਮ੍ਰਿਤਕ ਕੰਨੂ ਦੇ ਪਿਤਾ ਯਾਮੀਨ ਅਸਲ ਵਿੱਚ ਅਲੀਗੜ੍ਹ (ਯੂ.ਪੀ.) ਦੇ ਰਹਿਣ ਵਾਲੇ ਹਨ। ਪਿਛਲੇ ਕਾਫ਼ੀ ਲੰਬੇ ਸਮੇਂ ਤੋਂ ਉਹ ਫਰੀਦਾਬਾਦ ਵਿੱਚ ਰਹਿ ਰਹੇ ਹਨ। ਯਾਮੀਨ ਇੱਥੇ ਕਬਾੜ ਦੀ ਫੇਰੀ ਲਗਾਉਂਦੇ ਹਨ ਅਤੇ ਲਗਭਗ 5 ਸਾਲ ਪਹਿਲਾਂ ਹੀ ਸੈਕਟਰ 56 ਆਸ਼ੀਆਨਾ ਫਲੈਟ ਵਿੱਚ ਆਪਣਾ ਮਕਾਨ ਖਰੀਦ ਕੇ ਰਹਿਣ ਆਏ ਸਨ। ਉਨ੍ਹਾਂ ਦਾ ਸਭ ਤੋਂ ਵੱਡਾ ਪੁੱਤਰ ਆਮਿਰ ਹੈ, ਜਿਸ ਦਾ ਦੀਵਾਲੀ ਤੋਂ ਬਾਅਦ ਵਿਆਹ ਹੋਣਾ ਹੈ। ਮ੍ਰਿਤਕ ਕੰਨੂ ਤੋਂ ਛੋਟੀ ਉਸ ਦੀ ਇੱਕ ਸਾਲ ਦੀ ਭੈਣ ਹੈ।
ਇਕਬਾਲ ਦੇ ਮੁਤਾਬਕ ਗੁਆਂਢੀਆਂ ਨੇ ਫੋਨ ਕਰਕੇ ਉਨ੍ਹਾਂ ਨੂੰ ਪੂਰੇ ਮਾਮਲੇ ਦੀ ਜਾਣਕਾਰੀ ਦਿੱਤੀ। ਇਸ ਤੋਂ ਬਾਅਦ ਉਹ 7 ਨੰਬਰ ਬਲਾਕ ਤੋਂ ਘਰ ਪਹੁੰਚੇ ਅਤੇ ਕੰਨੂ ਨੂੰ ਜ਼ਖ਼ਮੀ ਹਾਲਤ ਵਿੱਚ ਹਸਪਤਾਲ ਲੈ ਕੇ ਗਏ, ਜਿੱਥੇ ਕੰਨੂ ਨੂੰ ਡਾਕਟਰਾਂ ਨੇ ਮ੍ਰਿਤਕ ਐਲਾਨ ਦਿੱਤਾ।
ਉੱਥੇ ਹੀ 13 ਸਾਲਾ ਨਾਬਾਲਗ ਦੀ ਹੱਤਿਆ ਦੇ ਮਾਮਲੇ ਵਿੱਚ ਪੁਲਿਸ ਨੇ ਮ੍ਰਿਤਕ ਦੇ ਪਰਿਵਾਰ ਵਾਲਿਆਂ ਦੀ ਸ਼ਿਕਾਇਤ ‘ਤੇ ਆਰੋਪੀ ਨਾਬਾਲਗ ਅਤੇ ਉਸ ਦੇ ਮਾਤਾ-ਪਿਤਾ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ ਹੈ। ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਲੰਘੀ ਰਾਤ ਸੂਚਨਾ ਮਿਲੀ ਸੀ ਕਿ ਰਾਜੀਵ ਕਾਲੋਨੀ ਦੇ ਇੱਕ ਨਿੱਜੀ ਹਸਪਤਾਲ ਵਿੱਚ ਇੱਕ ਬੱਚੇ ਨੂੰ ਲਿਆਂਦਾ ਗਿਆ ਹੈ। ਉਸ ਬੱਚੇ ਨੂੰ ਦੂਜੇ ਬੱਚੇ ਨੇ ਕਹਾ-ਸੁਣੀ ਹੋਣ ‘ਤੇ ਚਾਕੂ ਮਾਰ ਦਿੱਤਾ।
ਹਸਪਤਾਲ ਵਿੱਚ ਇਲਾਜ ਦੌਰਾਨ ਬੱਚੇ ਦੀ ਮੌਤ ਹੋ ਗਈ। ਪੁਲਿਸ ਅਧਿਕਾਰੀ ਨੇ ਇਸ ਮਾਮਲੇ ‘ਤੇ ਚਿੰਤਾ ਵੀ ਪ੍ਰਗਟਾਈ ਹੈ ਕਿ ਇਹ ਬਹੁਤ ਗੰਭੀਰ ਮਾਮਲਾ ਹੈ। ਉਨ੍ਹਾਂ ਕਿਹਾ ਕਿ ਮਾਤਾ-ਪਿਤਾ ਨੂੰ ਇਹ ਧਿਆਨ ਰੱਖਣਾ ਚਾਹੀਦਾ ਹੈ ਕਿ ਬੱਚੇ ਦੀ ਪਰਵਰਿਸ਼ ਕਿਵੇਂ ਹੋ ਰਹੀ ਹੈ, ਉਹ ਕਿਸ ਮਾਨਸਿਕਤਾ ਵੱਲ ਜਾ ਰਿਹਾ ਹੈ ਅਤੇ ਬੱਚਾ ਕੀ ਗੇਮ ਖੇਡ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਇਸ ਤਰ੍ਹਾਂ ਦੀ ਵਾਰਦਾਤ ਬੇਹੱਦ ਚਿੰਤਾ ਦਾ ਵਿਸ਼ਾ ਹੈ। ਪੁਲਿਸ ਅਧਿਕਾਰੀ ਨੇ ਕਿਹਾ ਕਿ ਇਸ ਮਾਮਲੇ ਵਿੱਚ ਜਾਂਚ ਕੀਤੀ ਜਾ ਰਹੀ ਹੈ।
