Related Articles
Garhwa News : ਸਰਕਾਰੀ ਨਿਵਾਸ ‘ਚ ਪ੍ਰੇਮਿਕਾ ਨਾਲ ਰੰਗੇ ਹੱਥੀਂ ਫੜਿਆ ਗਿਆ CO ,ਪਤਨੀ ਨੇ ਬਾਹਰੋਂ ਲਗਾ ਦਿੱਤਾ ਜਿੰਦਾ
Garhwa News : ਝਾਰਖੰਡ ਦੇ ਗੜ੍ਹਵਾ ਜ਼ਿਲ੍ਹੇ ਦੇ ਮਾਝਿਆਓ ਖੇਤਰ ਦੇ ਸੀਓ ਨੂੰ ਉਸਦੀ ਪਤਨੀ ਨੇ ਸਰਕਾਰੀ ਨਿਵਾਸ ਵਿੱਚ ਪ੍ਰੇਮਿਕਾ ਨਾਲ ਰੰਗੇ ਹੱਥੀਂ ਫੜ ਲਿਆ। ਗੁੱਸੇ ਵਿੱਚ ਆਈ ਪਤਨੀ ਨੇ ਆਪਣੇ ਪਤੀ ਨੂੰ ਘਰ ਦੇ ਅੰਦਰ ਕੈਦ ਕਰ ਲਿਆ। ਸੀਓ ਘਰ ਤੋਂ ਬਾਹਰ ਜਾਣ ਲਈ ਜਿੱਦ ਕਰਦੇ ਰਹੇ ਪਰ ਉਸਦੀ ਪਤਨੀ ਨੇ ਦਰਵਾਜ਼ਾ ਖੋਲ੍ਹਣ ਤੋਂ ਇਨਕਾਰ ਕਰ ਦਿੱਤਾ। ਇਸ ਤੋਂ ਬਾਅਦ ਸੀਓ ਛੱਤ ਤੋਂ ਛਾਲ ਮਾਰ ਕੇ ਹੇਠਾਂ ਆਏ। ਸੀਨੀਅਰ ਅਧਿਕਾਰੀ ਅਤੇ ਪੁਲਿਸ ਅਧਿਕਾਰੀ ਮੌਕੇ ‘ਤੇ ਪਹੁੰਚੇ ਅਤੇ ਸੀਓ ਦੀ ਪ੍ਰੇਮਿਕਾ ਨੂੰ ਪੁਲਿਸ ਦੇ ਹਵਾਲੇ ਕਰ ਦਿੱਤਾ ਗਿਆ।
ਦਰਅਸਲ, ਗੜ੍ਹਵਾ ਜ਼ਿਲ੍ਹੇ ਦੇ ਮਾਝਿਆਓ ਖੇਤਰ ਦੇ ਸੀਓ ਪ੍ਰਮੋਦ ਕੁਮਾਰ ਆਪਣੀ ਪ੍ਰੇਮਿਕਾ ਨਾਲ ਇੱਕ ਹੀ ਕਮਰੇ ਵਿੱਚ ਸੌਂ ਰਹੇ ਸਨ। ਇਹ ਪਤਾ ਲੱਗਣ ‘ਤੇ ਉਸਦੀ ਪਤਨੀ, ਡਾ. ਸ਼ਿਆਮਾ ਰਾਣੀ ਸਵੇਰੇ 4 ਵਜੇ ਸਰਕਾਰੀ ਨਿਵਾਸ ‘ਤੇ ਪਹੁੰਚ ਗਈ। ਫਿਰ ਉਹ ਕੰਧ ਟੱਪ ਕੇ ਚੋਰੀ ਅੰਦਰ ਗਈ ਪਰ ਸੀਓ ਆਪਣੀ ਪ੍ਰੇਮਿਕਾ ਨਾਲ ਸੁੱਤੇ ਪਏ ਸੀ। ਉਸਦੀ ਪਤਨੀ ਨੇ ਤੁਰੰਤ ਬਾਹਰੋਂ ਦਰਵਾਜ਼ਾ ਬੰਦ ਕਰ ਦਿੱਤਾ।
ਪਤਨੀ ਨੇ ਰੰਗੇ ਹੱਥੀਂ ਫੜਨ ਤੋਂ ਬਾਅਦ ਦਰਵਾਜ਼ਾ ਕੀਤਾ ਬੰਦ
ਸੀਓ ਉਸਨੂੰ ਦਰਵਾਜ਼ਾ ਖੋਲ੍ਹਣ ਲਈ ਕਹਿੰਦਾ ਰਿਹਾ ਪਰ ਉਸਦੀ ਪਤਨੀ ਨੇ ਇਨਕਾਰ ਕਰ ਦਿੱਤਾ। ਕਿਉਂਕਿ ਮਾਮਲਾ ਇੱਕ ਸਰਕਾਰੀ ਰਿਹਾਇਸ਼ ਨਾਲ ਸਬੰਧਤ ਸੀ, ਇਸ ਲਈ ਸੀਨੀਅਰ ਪੁਲਿਸ ਅਧਿਕਾਰੀ ਸੂਚਨਾ ਮਿਲਦੇ ਹੀ ਮੌਕੇ ‘ਤੇ ਪਹੁੰਚ ਗਏ ਪਰ ਪਤਨੀ ਨੂੰ ਕੋਈ ਨਹੀਂ ਰੋਕ ਸਕਿਆ। ਅੰਤ ਵਿੱਚ ਥੱਕ ਹਾਰ ਕੇ ਸੀਓ ਛੱਤ ਤੋਂ ਛਾਲ ਮਾਰ ਕੇ ਹੇਠਾਂ ਆਇਆ ਅਤੇ ਹੰਗਾਮਾ ਕਰਨ ਲੱਗਿਆ।
ਇਸ ਦੌਰਾਨ ਮਾਝਿਆਓ ਪੁਲਿਸ ਵੀ ਸੀਓ ਦੇ ਘਰ ਪਹੁੰਚੀ। ਫਿਰ ਉਨ੍ਹਾਂ ਨੇ ਪ੍ਰੇਮਿਕਾ ਨੂੰ ਹਿਰਾਸਤ ਵਿੱਚ ਲੈ ਲਿਆ। ਸੀਓ ਦੀ ਪਤਨੀ ਨੇ ਕਿਹਾ, “ਮੈਨੂੰ ਉਸ ‘ਤੇ ਬਹੁਤ ਸਮੇਂ ਤੋਂ ਸ਼ੱਕ ਸੀ, ਪਰ ਅੱਜ ਉਹ ਰੰਗੇ ਹੱਥੀਂ ਫੜਿਆ ਗਿਆ। ਹੁਣ ਅਸੀਂ ਕਾਨੂੰਨ ਦਾ ਸਹਾਰਾ ਲਵਾਂਗੇ।” ਸੀਓ ਦੀ ਪਤਨੀ ਬਿਹਾਰ ਦੇ ਸਾਬਕਾ ਸੰਸਦ ਮੈਂਬਰ ਸ਼੍ਰੀਰਾਮ ਮਾਂਝੀ ਦੀ ਧੀ ਹੈ।
