Related Articles
Breaking News: ਟਰੰਪ ਨੂੰ ਵੱਡਾ ਝਟਕਾ! ਡੈਮੋਕ੍ਰੈਟਸ ਨੇ ਹਾਊਸ ਤੇ ਸੈਨੇਟ ਦੋਵਾਂ ਵਿੱਚ ਜਿੱਤਿਆ ਬਹੁਮਤ
ਡੈਮੋਕ੍ਰੇਟਿਕ ਪਾਰਟੀ ਦੇ ਡਾ. ਆਦਮ ਹਾਮਾਵੀ ਨਿਊਜਰਸੀ ਤੋਂ ਜਿੱਤ ਗਏ ਹਨ। ਅਮਰੀਕੀ ਫ਼ੌਜ ਵਿੱਚ ਡਾਕਟਰ ਰਹਿ ਚੁੱਕੇ ਹਾਮਾਵੀ 2024 ਵਿੱਚ ਡਾਕਟਰਾਂ ਦੀ ਇੱਕ ਟੀਮ ਲੈ ਕੇ ਗਾਜ਼ਾ ਗਏ ਸਨ। ਇਜ਼ਰਾਈਲ ਨੇ ਰਫ਼ਾਹ ਸਰਹੱਦ ਬੰਦ ਕਰ ਦਿੱਤੀ ਤਾਂ ਉਨ੍ਹਾਂ ਦਾ ਉੱਥੋਂ ਬਾਹਰ ਨਿਕਲਣਾ ਅਸੰਭਵ ਹੋ ਗਿਆ ਸੀ।
ਜਦੋਂ ਅਮਰੀਕੀ ਡਾਕਟਰਾਂ ਨੂੰ ਬਾਹਰ ਕੱਢਣ ਦਾ ਪ੍ਰਬੰਧ ਕੀਤਾ ਗਿਆ ਤਾਂ ਡਾ. ਹਾਮਾਵੀ ਅਤੇ ਦੋ ਹੋਰ ਡਾਕਟਰਾਂ ਨੇ ਗਾਜ਼ਾ ਛੱਡਣ ਤੋਂ ਇਨਕਾਰ ਕਰ ਦਿੱਤਾ ਸੀ। ਉਨ੍ਹਾਂ ਦੀ ਸ਼ਰਤ ਸੀ ਕਿ ਟੀਮ ਵਿੱਚ ਸ਼ਾਮਲ ਉਨ੍ਹਾਂ ਡਾਕਟਰਾਂ ਨੂੰ ਵੀ ਸੁਰੱਖਿਅਤ ਬਾਹਰ ਕੱਢਣ ਦਾ ਪ੍ਰਬੰਧ ਕੀਤਾ ਜਾਵੇ, ਜੋ ਅਮਰੀਕੀ ਨਾਗਰਿਕ ਨਹੀਂ ਸਨ। ਚੋਣ ਪ੍ਰਚਾਰ ਦੌਰਾਨ ਡਾਕਟਰ ਹਾਮਾਵੀ ਨੂੰ ਬੇਹੱਦ ਮੁਤੱਸਵੀ ਪ੍ਰਚਾਰ ਦਾ ਸਾਹਮਣਾ ਕਰਨਾ ਪਿਆ। ਇਜ਼ਰਾਈਲੀ ਲਾਬੀ ਨੇ ਪ੍ਰਾਇਮਰੀ ਚੋਣਾਂ ਤੋਂ ਲੈ ਕੇ ਆਖ਼ਰੀ ਚੋਣਾਂ ਤੱਕ ਉਨ੍ਹਾਂ ਦੇ ਖ਼ਿਲਾਫ਼ ਖ਼ੂਬ ਪੈਸਾ ਖ਼ਰਚ ਕੀਤਾ।
ਵਾਸ਼ਿੰਗਟਨ, 4 ਨਵੰਬਰ: ਅਮਰੀਕਾ ਦੀਆਂ 2026 ਦੀਆਂ ਮਿਡਟਰਮ ਚੋਣਾਂ ਵਿੱਚ ਡੈਮੋਕ੍ਰੈਟਿਕ ਪਾਰਟੀ ਨੇ ਵੱਡੀ ਜਿੱਤ ਦਰਜ ਕੀਤੀ ਹੈ। ਐਸੋਸੀਏਟਿਡ ਪ੍ਰੈੱਸ ਅਤੇ ਰਾਇਟਰਜ਼ ਮੁਤਾਬਕ ਡੈਮੋਕ੍ਰੈਟਸ ਨੇ ਪ੍ਰਤੀਨਿਧੀ ਸਭਾ, ਯਾਨੀ ਹਾਊਸ ਆਫ਼ ਰਿਪ੍ਰਜ਼ੈਂਟੇਟਿਵਜ਼, ਦੇ ਨਾਲ ਸੈਨੇਟ ਦਾ ਵੀ ਕੰਟਰੋਲ ਹਾਸਲ ਕਰ ਲਿਆ ਹੈ। ਇਹ ਨਤੀਜੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਅਤੇ ਉਨ੍ਹਾਂ ਦੀ ਰਿਪਬਲਿਕਨ ਪਾਰਟੀ ਲਈ ਵੱਡਾ ਸਿਆਸੀ ਝਟਕਾ ਹਨ।
ਮਹਿੰਗਾਈ, ਰੋਜ਼ਾਨਾ ਜੀਵਨ ਦੇ ਵਧਦੇ ਖ਼ਰਚਿਆਂ ਅਤੇ ਸਰਕਾਰ ਵਿੱਚ ਕਥਿਤ ਭ੍ਰਿਸ਼ਟਾਚਾਰ ਨੂੰ ਲੈ ਕੇ ਨਾਰਾਜ਼ਗੀ ਚੋਣ ਮੁਹਿੰਮ ਦੇ ਪ੍ਰਮੁੱਖ ਮੁੱਦੇ ਰਹੇ। ਡੈਮੋਕ੍ਰੈਟਸ ਨੇ ਕਈ ਅਜਿਹੇ ਹਲਕਿਆਂ ਵਿੱਚ ਵੀ ਜਿੱਤ ਦਰਜ ਕੀਤੀ, ਜਿੱਥੇ ਰਿਪਬਲਿਕਨ ਪਾਰਟੀ ਦਾ ਮਜ਼ਬੂਤ ਆਧਾਰ ਮੰਨਿਆ ਜਾਂਦਾ ਸੀ।
ਨਵੀਂ ਕਾਂਗਰਸ ਜਨਵਰੀ 2027 ਵਿੱਚ ਕਾਰਜਭਾਰ ਸੰਭਾਲੇਗੀ। ਦੋਵਾਂ ਸਦਨਾਂ ਵਿੱਚ ਡੈਮੋਕ੍ਰੈਟਿਕ ਬਹੁਮਤ ਹੋਣ ਕਾਰਨ ਟਰੰਪ ਨੂੰ ਆਪਣੇ ਅਹਿਮ ਬਿੱਲ ਪਾਸ ਕਰਵਾਉਣ ਲਈ ਵਿਰੋਧੀ ਧਿਰ ਨਾਲ ਸਮਝੌਤੇ ਕਰਨੇ ਪੈ ਸਕਦੇ ਹਨ। ਡੈਮੋਕ੍ਰੈਟਸ ਕੋਲ ਪ੍ਰਸ਼ਾਸਨ ਦੀਆਂ ਕਾਰਵਾਈਆਂ ਦੀ ਜਾਂਚ ਕਰਨ ਅਤੇ ਸੈਨੇਟ ਵਿੱਚ ਅਹਿਮ ਨਿਯੁਕਤੀਆਂ ਨੂੰ ਰੋਕਣ ਦੀ ਤਾਕਤ ਵੀ ਹੋਵੇਗੀ।
ਕੀ ਟਰੰਪ ਹੁਣ ਰਾਸ਼ਟਰਪਤੀ ਨਹੀਂ ਰਹਿਣਗੇ?
ਇਹ ਰਾਸ਼ਟਰਪਤੀ ਦੀ ਚੋਣ ਨਹੀਂ ਸੀ। ਟਰੰਪ ਰਾਸ਼ਟਰਪਤੀ ਬਣੇ ਰਹਿਣਗੇ, ਪਰ ਕਾਂਗਰਸ ਵਿੱਚ ਵਿਰੋਧੀ ਪਾਰਟੀ ਦਾ ਬਹੁਮਤ ਉਨ੍ਹਾਂ ਦੇ ਬਾਕੀ ਕਾਰਜਕਾਲ ਦੌਰਾਨ ਨੀਤੀਆਂ ਅਤੇ ਫ਼ੈਸਲਿਆਂ ਉੱਤੇ ਵਧੇਰੇ ਨਿਗਰਾਨੀ ਰੱਖੇਗਾ।
