Related Articles
Balvinder Sahni, an Indian-origin billionaire in Dubai known as “Abu Sabah,” was convicted for money laundering in 2025. The founder of RSG Group of Companies, he was sentenced on May 2, 2025, by Dubai’s Fourth Criminal Court to five years in prison for laundering money through shell companies and forged invoices. He was fined AED 500,000 (₹1.15 crore), with AED 150 million (₹344 crore) in illegal funds confiscated. The case, involving 33 defendants, stemmed from a 2024 fraud investigation alleging he owed UAE banks AED 100 million. Sahni faces deportation after his sentence. His conviction highlights UAE’s stringent financial regulations.
Balvinder Sahni – ਭਾਰਤੀ ਅਰਬਪਤੀ ਬਲਵਿੰਦਰ ਸਾਹਨੀ ਨੂੰ ਦੁਬਈ ‘ਚ ਮਨੀ ਲਾਂਡਰਿੰਗ ਮਾਮਲੇ ਚ ਸੁਣਾਈ ਗਈ 5 ਸਾਲ ਦੀ ਸਜ਼ਾ
ਭਾਰਤੀ ਅਰਬਪਤੀ ਨੂੰ ਮਨੀ ਲਾਂਡਰਿੰਗ ਮਾਮਲੇ ਚ ਸੁਣਾਈ ਗਈ 5 ਸਾਲ ਦੀ ਸਜ਼ਾ
ਦੁਬਈ ਦੀ ਇੱਕ ਅਦਾਲਤ ਨੇ ਭਾਰਤੀ ਅਰਬਪਤੀ ਅਤੇ ਪ੍ਰਾਪਰਟੀ ਮੈਨੇਜਮੈਂਟ ਫਰਮ ਦੇ ਸੰਸਥਾਪਕ ਬਲਵਿੰਦਰ ਸਿੰਘ ਸਾਹਨੀ ਨੂੰ ਮਨੀ ਲਾਂਡਰਿੰਗ ਦੇ ਇੱਕ ਮਾਮਲੇ ਵਿੱਚ ਦੋਸ਼ੀ ਪਾਏ ਜਾਣ ਤੋਂ ਬਾਅਦ 5 ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ ਹੈ।
ਇਸ ਤੋਂ ਇਲਾਵਾ, ਉਸਨੂੰ 150 ਮਿਲੀਅਨ dirhams (ਲਗਭਗ ₹344 ਕਰੋੜ) ਦੀ ਰਕਮ ਜ਼ਬਤ ਕਰਨ ਅਤੇ 5 ਲੱਖ dirhams (ਲਗਭਗ ₹1.14 ਕਰੋੜ) ਦਾ ਜੁਰਮਾਨਾ ਭਰਨ ਦਾ ਹੁਕਮ ਦਿੱਤਾ ਗਿਆ ਹੈ। ਦੁਬਈ ਵਿੱਚ ਆਪਣੀ ਸਜ਼ਾ ਪੂਰੀ ਕਰਨ ਤੋਂ ਬਾਅਦ, ਉਸਨੂੰ ਦੇਸ਼ ਤੋਂ ਵੀ ਕੱਢ ਦਿੱਤਾ ਜਾਵੇਗਾ।
ਮਨੀ ਲਾਂਡਰਿੰਗ ਧੋਖਾਧੜੀ ਕਿਵੇਂ ਕੀਤੀ ਗਈ?
ਬਲਵਿੰਦਰ ਸਾਹਨੀ ਨੇ ਇੱਕ ਅਪਰਾਧੀ ਗਿਰੋਹ ਨਾਲ ਮਿਲ ਕੇ, ਸ਼ੈੱਲ ਕੰਪਨੀਆਂ ਰਾਹੀਂ ਮਨੀ ਲਾਂਡਰਿੰਗ ਵਿੱਚ ਸ਼ਾਮਲ ਸੀ। ਉਨ੍ਹਾਂ ਨੇ ਜਾਅਲੀ ਕੰਪਨੀਆਂ ਸਥਾਪਤ ਕੀਤੀਆਂ ਅਤੇ ਲਗਭਗ 150 ਮਿਲੀਅਨ dirhams (ਲਗਭਗ ₹344 ਕਰੋੜ) ਦੀ ਦੁਰਵਰਤੋਂ ਕੀਤੀ। ਇਸ ਤੋਂ ਇਲਾਵਾ ਜਾਂਚ ਵਿੱਚ ਕਈ ਸ਼ੱਕੀ ਵਿੱਤੀ ਲੈਣ-ਦੇਣ ਦਾ ਵੀ ਖੁਲਾਸਾ ਹੋਇਆ ਹੈ। ਇਸ ਆਧਾਰ ‘ਤੇ, ਉਸਨੂੰ ਮਨੀ ਲਾਂਡਰਿੰਗ ਨੈੱਟਵਰਕ ਚਲਾਉਣ ਦਾ ਦੋਸ਼ੀ ਪਾਇਆ ਗਿਆ।
ਅਦਾਲਤ ਨੇ ਨਾ ਸਿਰਫ਼ ਸਾਹਨੀ ਨੂੰ ਸਜ਼ਾ ਸੁਣਾਈ ਸਗੋਂ ਉਸਦੇ ਸਾਰੇ ਫੰਡ ਅਤੇ ਇਲੈਕਟ੍ਰਾਨਿਕ ਉਪਕਰਣ ਵੀ ਜ਼ਬਤ ਕਰ ਲਏ। ਨਾਲ ਹੀ, ਉਸਨੂੰ ਸਜ਼ਾ ਪੂਰੀ ਹੋਣ ਤੋਂ ਬਾਅਦ ਦੁਬਈ ਤੋਂ ਦੇਸ਼ ਨਿਕਾਲਾ ਦੇਣ ਦਾ ਹੁਕਮ ਦਿੱਤਾ ਗਿਆ ਹੈ।
ਕਈ ਹੋਰ ਲੋਕਾਂ ਨੂੰ ਵੀ ਦੋਸ਼ੀ ਠਹਿਰਾਇਆ ਗਿਆ
ਸਾਹਨੀ ਦੇ ਨਾਲ, ਉਸਦੇ ਪੁੱਤਰ ਅਤੇ 32 ਹੋਰ ਦੋਸ਼ੀਆਂ ਨੂੰ ਵੀ ਸਜ਼ਾ ਦਿੱਤੀ ਗਈ ਹੈ। ਕੁਝ ਦੋਸ਼ੀਆਂ ‘ਤੇ ਉਨ੍ਹਾਂ ਦੀ ਗੈਰਹਾਜ਼ਰੀ ਵਿੱਚ ਮੁਕੱਦਮਾ ਚਲਾਇਆ ਗਿਆ, ਕਈਆਂ ਨੂੰ ਇੱਕ ਸਾਲ ਦੀ ਕੈਦ ਅਤੇ 200,000 AED ਦਾ ਜੁਰਮਾਨਾ ਵਰਗੀਆਂ ਹਲਕੀਆਂ ਸਜ਼ਾਵਾਂ ਸੁਣਾਈਆਂ ਗਈਆਂ। ਇਸ ਤੋਂ ਇਲਾਵਾ, ਤਿੰਨਾਂ ਕੰਪਨੀਆਂ ‘ਤੇ 50 ਮਿਲੀਅਨ ਦਿਰਹਮ ਦਾ ਜੁਰਮਾਨਾ ਵੀ ਲਗਾਇਆ ਗਿਆ ਹੈ। ਕੁਝ ਦੋਸ਼ੀ ਅਜੇ ਵੀ ਫਰਾਰ ਹਨ ਅਤੇ ਉਨ੍ਹਾਂ ਦੀ ਭਾਲ ਜਾਰੀ ਹੈ।
ਬਲਵਿੰਦਰ ਸਿੰਘ ਸਾਹਨੀ ਕੌਣ ਹੈ?
ਬਲਵਿੰਦਰ ਸਿੰਘ ਸਾਹਨੀ, ਜਿਸਨੂੰ ਦੁਬਈ ਵਿੱਚ ‘ਅਬੂ ਸਬਾ’ ਵਜੋਂ ਵੀ ਜਾਣਿਆ ਜਾਂਦਾ ਹੈ, ਇੱਕ ਭਾਰਤੀ ਨਾਗਰਿਕ ਹੈ ਅਤੇ ਉਸਦਾ ਕਾਰੋਬਾਰ ਯੂਏਈ, ਅਮਰੀਕਾ ਅਤੇ ਭਾਰਤ ਸਮੇਤ ਕਈ ਦੇਸ਼ਾਂ ਵਿੱਚ ਫੈਲਿਆ ਹੋਇਆ ਹੈ। ਉਹ ਆਰਐਸਜੀ ਗਰੁੱਪ ਦੇ ਚੇਅਰਮੈਨ ਰਹੇ ਹਨ ਅਤੇ ਉਨ੍ਹਾਂ ਦੀ ਪ੍ਰਾਪਰਟੀ ਮੈਨੇਜਮੈਂਟ ਫਰਮ ਦੁਨੀਆ ਭਰ ਵਿੱਚ ਸੇਵਾਵਾਂ ਪ੍ਰਦਾਨ ਕਰਦੀ ਹੈ। ਬਲਵਿੰਦਰ ਨੇ ਵਾਹਨਾਂ ਦੇ ਸਪੇਅਰ ਪਾਰਟਸ ਵੇਚ ਕੇ ਆਪਣਾ ਕਾਰੋਬਾਰ ਸ਼ੁਰੂ ਕੀਤਾ ਅਤੇ ਬਾਅਦ ਵਿੱਚ ਰੀਅਲ ਅਸਟੇਟ ਸੈਕਟਰ ਵਿੱਚ ਪ੍ਰਵੇਸ਼ ਕੀਤਾ। ਅੰਦਾਜ਼ੇ ਅਨੁਸਾਰ, ਉਸਦੀ ਦੌਲਤ ਲਗਭਗ 2 ਬਿਲੀਅਨ ਡਾਲਰ ਹੈ।
ਮਹਿੰਗੀ ਜੀਵਨ ਸ਼ੈਲੀ ਲਈ ਮਸ਼ਹੂਰ
ਸਾਹਨੀ ਅਕਸਰ ਆਪਣੀ ਆਲੀਸ਼ਾਨ ਜੀਵਨ ਸ਼ੈਲੀ ਲਈ ਖ਼ਬਰਾਂ ਵਿੱਚ ਰਹਿੰਦੇ ਹਨ। ਉਸਨੂੰ 9 ਨੰਬਰ, ਨੀਲੇ ਰੰਗ ਅਤੇ ਲਗਜ਼ਰੀ ਕਾਰਾਂ ਦਾ ਸ਼ੌਕ ਹੈ। 2016 ਵਿੱਚ, ਉਸਨੇ ‘D5’ ਨੰਬਰ ਪਲੇਟ 33 ਮਿਲੀਅਨ ਦਿਰਹਮ (₹75 ਕਰੋੜ) ਵਿੱਚ ਖਰੀਦੀ, ਜੋ ਕਿ ਉਸ ਸਮੇਂ ਦੀ ਸਭ ਤੋਂ ਮਹਿੰਗੀ ਨੰਬਰ ਪਲੇਟ ਸੀ। ਇਸ ਤੋਂ ਇਲਾਵਾ, ਉਸਨੇ ਬੁਰੀ ਨਜ਼ਰ ਤੋਂ ਬਚਣ ਲਈ ਇੱਕ ਕਾਲੀ ਬੁਗਾਟੀ ਕਾਰ ਖਰੀਦੀ ਸੀ, ਜਿਸਦਾ ਖੁਲਾਸਾ ਖੁਦ ਸਾਹਨੀ ਨੇ ਕੀਤਾ ਸੀ।
