Related Articles
“Don’t Like It, Don’t Buy It”: S Jaishankar Defends Importing Russian Oil
ਟਰੰਪ ਤੇ ਯੂਰਪੀ ਦੇਸ਼ਾਂ ਨੂੰ ਭਾਰਤ ਦੀ ਚਿਤਾਵਨੀ, ਕਿਹਾ- ਜੇ ਤੁਹਾਨੂੰ ਇਹ ਪਸੰਦ ਨਹੀਂ ਤਾਂ ਸਾਡੇ ਤੋਂ ਤੇਲ ਜਾਂ ਫਿਰ ਹੋਰ ਕੁਝ ਨਾ ਖਰੀਦੋ, ਅਸੀਂ ਕਿਹੜਾ ਤੁਹਾਨੂੰ…..
S. Jaishankar: ਟਰੰਪ ਪ੍ਰਸ਼ਾਸਨ ਨਾਲ ਵਪਾਰ ਸਮਝੌਤੇ ਦੀ ਗੱਲਬਾਤ ਬਾਰੇ, ਵਿਦੇਸ਼ ਮੰਤਰੀ ਨੇ ਕਿਹਾ ਕਿ ਭਾਰਤ ਦੀਆਂ ਆਪਣੀਆਂ ਲਾਲ ਰੇਖਾਵਾਂ ਹਨ। ਉਨ੍ਹਾਂ ਕਿਹਾ ਕਿ ਗੱਲਬਾਤ ਵਿੱਚ ਸਾਡੀਆਂ ਕੁਝ ਸੀਮਾਵਾਂ ਹਨ, ਜਿਨ੍ਹਾਂ ਨੂੰ ਬਣਾਈ ਰੱਖਣਾ ਹੋਵੇਗਾ।
ਵਿਦੇਸ਼ ਮੰਤਰੀ ਐਸ ਜੈਸ਼ੰਕਰ ਨੇ ਰੂਸੀ ਤੇਲ ਖਰੀਦਣ ਲਈ ਭਾਰਤ ‘ਤੇ 50 ਪ੍ਰਤੀਸ਼ਤ ਟੈਰਿਫ ਲਗਾਉਣ ਲਈ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ‘ਤੇ ਨਿਸ਼ਾਨਾ ਸਾਧਿਆ। ਵਿਦੇਸ਼ ਮੰਤਰੀ ਨੇ ਸ਼ਨੀਵਾਰ (23 ਅਗਸਤ, 2025) ਨੂੰ ਜ਼ੋਰ ਦੇ ਕੇ ਕਿਹਾ ਕਿ ਭਾਰਤ ਊਰਜਾ ਦੇ ਮਾਮਲੇ ਵਿੱਚ ਸੁਤੰਤਰ ਫੈਸਲੇ ਲੈਂਦਾ ਰਹੇਗਾ। ਵਿਦੇਸ਼ ਮੰਤਰੀ ਨੇ ਕਿਹਾ ਕਿ ਇਹ ਹਾਸੋਹੀਣਾ ਹੈ ਕਿ ਵਪਾਰ ਪੱਖੀ ਅਮਰੀਕੀ ਪ੍ਰਸ਼ਾਸਨ ਲਈ ਕੰਮ ਕਰਨ ਵਾਲੇ ਲੋਕ ਦੂਜਿਆਂ ‘ਤੇ ਕਾਰੋਬਾਰ ਕਰਨ ਦਾ ਦੋਸ਼ ਲਗਾ ਰਹੇ ਹਨ।
ਵਿਦੇਸ਼ ਮੰਤਰੀ ਐਸ ਜੈਸ਼ੰਕਰ ਨੇ ਇਹ ਵੀ ਕਿਹਾ ਕਿ ਵਾਸ਼ਿੰਗਟਨ ਨਾਲ ਵਪਾਰਕ ਗੱਲਬਾਤ ਚੱਲ ਰਹੀ ਹੈ, ਪਰ ਕੁਝ ਸੀਮਾਵਾਂ ਹਨ ਜਿਨ੍ਹਾਂ ਦਾ ਸਾਨੂੰ ਬਚਾਅ ਕਰਨਾ ਪਵੇਗਾ। ਵਿਦੇਸ਼ ਮੰਤਰੀ ਦਾ ਇਹ ਬਿਆਨ ਅਜਿਹੇ ਸਮੇਂ ਆਇਆ ਹੈ ਜਦੋਂ ਭਾਰਤ ‘ਤੇ ਲਗਾਇਆ ਗਿਆ ਵਾਧੂ ਟੈਰਿਫ 27 ਅਗਸਤ ਤੋਂ ਲਾਗੂ ਹੋਣ ਜਾ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਯੂਰਪ ਭਾਰਤ ਨਾਲੋਂ ਰੂਸ ਨਾਲ ਬਹੁਤ ਜ਼ਿਆਦਾ ਵਪਾਰ ਕਰਦਾ ਹੈ।
ਇਕਨਾਮਿਕ ਟਾਈਮਜ਼ ਵਰਲਡ ਲੀਡਰਜ਼ ਫੋਰਮ 2025 ਵਿਦੇਸ਼ ਮੰਤਰੀ ਨੇ ਕਿਹਾ, “ਜੇ ਤੁਹਾਨੂੰ ਭਾਰਤ ਤੋਂ ਤੇਲ ਜਾਂ ਰਿਫਾਇੰਡ ਉਤਪਾਦ ਖਰੀਦਣ ਵਿੱਚ ਕੋਈ ਸਮੱਸਿਆ ਹੈ, ਤਾਂ ਇਸਨੂੰ ਨਾ ਖਰੀਦੋ। ਕੋਈ ਵੀ ਤੁਹਾਨੂੰ ਇਸਨੂੰ ਖਰੀਦਣ ਲਈ ਮਜਬੂਰ ਨਹੀਂ ਕਰ ਰਿਹਾ ਹੈ। ਯੂਰਪ ਅਤੇ ਅਮਰੀਕਾ ਇਸਨੂੰ ਖਰੀਦਦੇ ਹਨ, ਇਸ ਲਈ ਜੇ ਤੁਹਾਨੂੰ ਇਹ ਪਸੰਦ ਨਹੀਂ ਹੈ, ਤਾਂ ਇਸਨੂੰ ਨਾ ਖਰੀਦੋ। 2022 ਵਿੱਚ ਤੇਲ ਦੀਆਂ ਵਧਦੀਆਂ ਕੀਮਤਾਂ ਬਾਰੇ ਅੰਤਰਰਾਸ਼ਟਰੀ ਪੱਧਰ ‘ਤੇ ਡੂੰਘੀ ਚਿੰਤਾ ਸੀ। ਉਸ ਸਮੇਂ ਇਹ ਕਿਹਾ ਗਿਆ ਸੀ ਕਿ ਜੇ ਭਾਰਤ ਰੂਸ ਤੋਂ ਤੇਲ ਖਰੀਦਣਾ ਚਾਹੁੰਦਾ ਹੈ, ਤਾਂ ਇਸਨੂੰ ਖਰੀਦਣ ਦਿਓ, ਕਿਉਂਕਿ ਇਸ ਨਾਲ ਕੀਮਤਾਂ ਸਥਿਰ ਹੋਣਗੀਆਂ।”
ਟਰੰਪ ਪ੍ਰਸ਼ਾਸਨ ਨਾਲ ਵਪਾਰ ਸੌਦੇ ਦੀ ਗੱਲਬਾਤ ਵਿੱਚ ਸਮੱਸਿਆਵਾਂ ਨੂੰ ਸਵੀਕਾਰ ਕਰਦੇ ਹੋਏ, ਐਸ ਜੈਸ਼ੰਕਰ ਨੇ ਕਿਹਾ ਕਿ ਭਾਰਤ ਦੀਆਂ ਆਪਣੀਆਂ ‘ਲਾਲ ਰੇਖਾਵਾਂ’ ਹਨ। ਉਨ੍ਹਾਂ ਜ਼ੋਰ ਦੇ ਕੇ ਕਿਹਾ ਕਿ ਭਾਰਤ ਕੋਲ ਸੁਤੰਤਰ ਫੈਸਲੇ ਲੈਣ ਦੀ ਸਮਰੱਥਾ ਹੈ। ਐਸ ਜੈਸ਼ੰਕਰ ਨੇ ਕਿਹਾ, “ਭਾਰਤੀ ਤੇਲ ਘਰੇਲੂ ਅਤੇ ਅੰਤਰਰਾਸ਼ਟਰੀ ਬਾਜ਼ਾਰਾਂ ਵਿੱਚ ਸਥਿਰਤਾ ਲਿਆਉਣ ਵਿੱਚ ਮਦਦ ਕਰਦਾ ਹੈ। ਅਸੀਂ ਕੀਮਤਾਂ ਨੂੰ ਸਥਿਰ ਰੱਖਣ ਲਈ ਤੇਲ ਖਰੀਦ ਰਹੇ ਹਾਂ। ਇਹ ਯਕੀਨੀ ਤੌਰ ‘ਤੇ ਸਾਡੇ ਰਾਸ਼ਟਰੀ ਹਿੱਤ ਵਿੱਚ ਹੈ, ਪਰ ਇਹ ਵਿਸ਼ਵਵਿਆਪੀ ਹਿੱਤ ਵਿੱਚ ਵੀ ਹੈ।”
ਭਾਰਤ-ਪਾਕਿਸਤਾਨ-ਅਮਰੀਕਾ-ਰੂਸ-ਚੀਨ
ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ ਰੂਸ ਅਤੇ ਯੂਕਰੇਨ ਦਰਮਿਆਨ ਚੱਲ ਰਹੀ ਜੰਗ ਨੂੰ ਖ਼ਤਮ ਕਰਨ ਲਈ ਭਾਰਤ ’ਤੇ ਪਾਬੰਦੀਆਂ ਲਗਾਈਆਂ ਹਨ (ਟੈਰਿਫ ਨਹੀਂ ਪਾਬੰਦੀਆਂ)। ਇਹ ਜਾਣਕਾਰੀ ਵ੍ਹਾਈਟ ਹਾਊਸ ਦੀ ਪ੍ਰੈੱਸ ਸਕੱਤਰ ਕੈਰੋਲਿਨ ਲੈਵਿਟ ਨੇ ਦਿੱਤੀ।
ਭਾਰਤੀ ਇਤਰਾਜ਼ ਕਰਦੇ ਸਨ ਕਿ ਚੀਨ ਵੀ ਤਾਂ ਰੂਸ ਤੋਂ ਕੱਚਾ ਤੇਲ ਲੈਂਦਾ ਹੀ ਹੈ, ਪਾਬੰਦੀ ਕੇਵਲ ਭਾਰਤ ‘ਤੇ ਕਿਓਂ?
ਅਮਰੀਕਾ ਨੇ ਜਵਾਬ ਦਿੱਤਾ ਕਿ ਚੀਨ ਪਹਿਲਾਂ ਰੂਸ ਕੋਲੋਂ 13 ਫੀਸਦੀ ਕੱਚਾ ਤੇਲ ਲੈਂਦਾ ਸੀ, ਹੁਣ 16 ਫੀਸਦੀ, ਜਦਕਿ ਭਾਰਤ 1 ਫੀਸਦੀ ਤੋਂ ਸਿੱਧਾ 42 ਫੀਸਦੀ ਲੈਣ ਲੱਗਾ ਤੇ ਉਹ ਵੀ ਭਾਰਤ ਨਹੀਂ, ਭਾਰਤ ਦੇ ਵੱਡੇ ਅਮੀਰ (ਮੋਦੀ ਦੇ ਮਿੱਤਰ)।
ਲੈਵਿਟ ਨੇ ਦੱਸਿਆ ਕਿ ਟਰੰਪ ਨੇ ਭਾਰਤ ’ਤੇ ਕੁੱਲ 50 ਫੀਸਦ ਟੈਕਸ ਲਗਾਏ ਹਨ, ਜਿਸ ਵਿੱਚ ਰੂਸੀ ਤੇਲ ਦੀ ਖਰੀਦ ਕਾਰਨ ਲਗਾਇਆ 25 ਫੀਸਦੀ ਜੁਰਮਾਨਾ ਵੀ ਸ਼ਾਮਲ ਹੈ। ਇਹ ਟੈਰਿਫ 27 ਅਗਸਤ ਤੋਂ ਲਾਗੂ ਹੋਣਗੇ।
ਇੰਝ ਜਾਪਦਾ ਕਿ ਟਰੰਪ ਨੇ ‘ਵਿਸ਼ਵਗੁਰੂ’ ਨੂੰ ਬੜ੍ਹਕ ਤਾਂ ਰੂਸ ਨੂੰ ਧਮਕਾਉਣ ਲਈ ਮਾਰੀ ਸੀ ਪਰ ਚੌੜੀ ਛਾਤੀ ਵਾਲੇ ਅਤੇ ਇਨ੍ਹਾਂ ਦੇ ਨਾਲ ਦੇ ਬੌਂਦਲ ਗਏਤੇ ਚੀਨ ਦੀ ਝੋਲੀ ਜਾ ਕੇ ਬਹਿ ਗਏ।
ਵਿਸ਼ਵਗੁਰੂ ਦੇ ਦਾਅਵੇ ਵਾਲੇ ਇੰਨੀ ਜਲਦੀ ਹੌਂਸਲਾ ਛੱਡ ਗਏ ਕਿ ਗਲਵਾਨ ਘਾਟੀ ਦੀਆਂ ਝੜਪਾਂ ‘ਚ ਕੁੱਟ ਖਾਣ, ਚੀਨ ਨੂੰ ਹਜ਼ਾਰਾਂ ਕਿਲੋਮੀਟਰ ਭਾਰਤੀ ਇਲਾਕਾ ਸੌਂਪਣ ਅਤੇ ਹਾਲੀਆ ਭਾਰਤ-ਪਾਕਿ ਜੰਗ ‘ਚ ਚੀਨ ਦੀ ਮਦਦ ਨਾਲ ਪਾਕਿਸਤਾਨ ਵਲੋਂ ਭਾਰਤੀ ਜਹਾਜ਼ ਸੁੱਟੇ ਜਾਣ ਤੋਂ ਬਾਅਦ ਵੀ ਗੋਡੇ ਟੇਕ ਕੇ ਚੀਨ ਦੀਆਂ ਸਾਰੀਆਂ ਮੰਨ ਲਈਆਂ ਤੇ ਪੰਜ ਸਾਲ ਤੋਂ ਬੰਦ ਕੀਤੇ ਸਾਰੇ ਪਹਾੜੀ ਲਾਂਘੇ ਇੱਕੋ ਝਟਕੇ ਵਿੱਚ ਹੀ ਖੋਲ੍ਹ ਦਿੱਤੇ।
ਹੁਣ ਚੀਨ ਕੁੱਛੜ ਬਹਿ ਕੇ ਭਾਰਤ ਦੀ ਦਾੜ੍ਹੀ ਮੁੰਨ ਰਿਹਾ। ਕੱਲ੍ਹ ਭਾਰਤ-ਚੀਨ ਗੱਲਬਾਤ ਦੌਰਾਨ ਚੀਨੀ ਆਗੂ ਐਂਬ ਫੇਹੌਂਗ ਨੇ ਕਹਿ ਦਿੱਤਾ ਕਿ ਪਾਕਿਸਤਾਨ ਅੱਤਵਾਦ ਤੋਂ ਪੀੜਤ ਹੈ, ਜਦਕਿ ਭਾਰਤ ਪਾਕਸਿਤਾਨ ਨੂੰ ਅੱਤਵਾਦ ਦਾ ਜਨਮਦਾਤਾ ਕਹਿੰਦਾ ਹੈ।
ਦੂਜੇ ਪਾਸੇ ਨਾਲ ਹੀ ਭਾਜਪਾ ‘ਚ ਮੋਦੀ ਵਿਰੋਧੀ ਹਵਾ ਭਾਰੂ ਹੋ ਰਹੀ ਹੈ।
ਮੋਦੀ ਭਗਤ ਦੋਸ਼ ਲਾ ਰਹੇ ਹਨ ਕਿ ਅਮਰੀਕਾ ਦੀ ਸੀਆਈਏ ਨਾਲ ਮਿਲ ਕੇ ਭਾਜਪਾ ਦੇ 37 ਐਮਪੀ ਪੱਟੇ ਜਾ ਰਹੇ ਹਨ ਤਾਂ ਕਿ ਮੋਦੀ ਸਰਕਾਰ ਸੁੱਟੀ ਜਾ ਸਕੇ।
ਆਰਐਸਐਸ ਦੇ ਵੀ ਦੋ ਧੜੇ ਬਣ ਚੁੱਕੇ ਹਨ।
ਜੈਸ਼ੰਕਰ ਤੇ ਡੋਵਲ ਵਿਚਾਲੇ ਵੀ ਸ਼ਪੱਸ਼ਟ ਲਕੀਰ ਖਿੱਚੀ ਜਾ ਚੁੱਕੀ ਹੈ, ਦੋਵਾਂ ਦੇ ਹਮਾਇਤੀ ਇੱਕ ਦੂਜੇ ‘ਤੇ ਦੋਸ਼ ਲਾ ਰਹੇ ਕਿ ਇਹਦੇ ਕਾਰਨ ਭਾਰਤ ਦੀ ਵਿਦੇਸ਼ ਨੀਤੀ ਦਾ ਭੱਠਾ ਬੈਠਾ।
ਇਹ ਜੰਗ ਹੁਣ ਕੇਵਲ ਪਾਰਲੀਮੈਂਟ ਤੱਕ ਸੀਮਤ ਨਹੀਂ ਰਹਿਣੀ, ਬਲਕਿ ਭਾਰਤ ‘ਚ ਸਿਵਲ ਵਾਰ ਬਣ ਕੇ ਉੱਭਰਨ ਦੇ ਆਸਾਰ ਹਨ ਕਿਉਂਕਿ ਅਮਰੀਕਾ ਅਤੇ ਚੀਨ ਦੋਵਾਂ ਨੂੰ ਹੀ ਭਾਰਤ ਦਾ ਵੱਡਾ ਹੋਣ ਮਨਜੂਰ ਨਹੀਂ।
ਕੁੱਲ ਮਿਲਾ ਕੇ ਭਾਰਤ ਦੀ ਹਾਲਤ ਇਸ ਵਕਤ ਧੋਬੀ ਦੇ ਪਾਲਤੂ ਜਾਨਵਰ ਵਾਲੀ ਹੈ।
-ਗੁਰਪ੍ਰੀਤ ਸਿੰਘ ਸਹੋਤਾ । ਸਰੀ । ਚੜ੍ਹਦੀ ਕਲਾ
ਬਦਲ ਰਹੇ Global Order ਚ ਭਾਰਤ।
ਸਿੱਖਾਂ ਦੀ ਹੋਂਦ ਨੂੰ ਜੜ ਤੋਂ ਖਤਮ ਕਰਨ ਲਈ ਨਾਗਪੁਰ ਨੇ 75 ਸਾਲ ਯੋਜਨਾ ਬੰਦੀ ਕੀਤੀ ਪਰ ਦੁਨੀਆ ਦੇ ਬਦਲ ਰਹੇ ਹਾਲਾਤਾਂ ਅੰਦਰ ਅੱਜ 2025 ਆਉਂਦਿਆਂ ਉਸ ਦੀ ਆਪਣੀ ਹੀ ਹੋਂਦ ਨੂੰ ਖਤਰਾ ਖੜਾ ਹੋ ਗਿਆ ਹੈ. ਦੁਨੀਆਂ ਦੇ ਤੇਜੀ ਨਾਲ ਬਦਲ ਰਹੇ ਹਾਲਾਤਾਂ ਦੇ ਚਲਦਿਆਂ ਗੰਗਾ ਗਏ ਤਾਂ ਗੰਗਾ ਰਾਮ ਜਮੁਨਾ ਗਏ ਤਾਂ ਜਮਨਾ ਦਾਸ ਵਾਲਾ ਲਾਣਾ ਪੱਛਮ ਅੰਦਰ ਹੀ ਨਹੀਂ ਬਲਿਕ ਰੂਸ, ਚੀਨ, ਯੂਰਪ,ਦੱਖਣੀ ਅਮਰੀਕਾ ਵਿੱਚ ਆਪਣੀ ਭਰੋਸੇਯੋਗਤਾ ਗੁਆ ਚੁੱਕਾ ਹੈ।
DNA ਅੰਦਰ ਮੌਕਾਪ੍ਰਸਤੀ ਲਈ ਫਿਰਦੇ ਇਸ ਲਾਣੇ ਨੇ ਖੁਦ ਸਾਬਤ ਕਰ ਦਿੱਤਾ ਕਿ ਇਸਦੀ ਬਿਰਤੀ ਹੰਕਾਰੀ ਹੈ.
ਜਿਸ ਦੀ ਪ੍ਰਤੱਖ ਝਲਕ ਉਸ ਵੱਲੋਂ ਸਮੇਂ ਸਮੇਂ ਬੋਧੀਆਂ,ਸਿੱਖਾਂ ਤੇ ਪਿਛਲੇ ਸਾਲਾਂ ਦੌਰਾਨ ਅੰਗਰੇਜ਼ ਨਾਲ ਅਪਣਾਏ ਗਏ ਵਤੀਰੇ ਚੋਂ ਵੇਖਣ ਨੂੰ ਮਿਲਦੀ ਹੈ. ਇਹ ਜਦ ਜਦ ਕੰਟਰੋਲ ਦੇ ਸਿਖਰ ਤੇ ਪਹੁੰਚਿਆ ਇਸਦਾ ਹੰਕਾਰ ਪ੍ਰਚੰਡ ਹੁੰਦਾ ਗਿਆ।
ਜਨਵਰੀ 2025 ਚ ਟਰੰਪ ਦਾ ਅਮਰੀਕਾ ਅੰਦਰ ਦੂਜੀ ਵਾਰ ਰਾਸ਼ਟਰਪਤੀ ਚੁਣੇ ਜਾਣਾ ਮੋਦੀ ਜੀ ਲਈ ਕੋਈ ਸ਼ੁਭ ਸ਼ਗਨ ਨਾ ਹੋ ਕੇ ਭਾਰਤ ਮਾਤਾ ਦੀ ਕੁੰਡਲੀ ਅੰਦਰ ਸ਼ਨੀ ਗ੍ਰਹਿ ਦਾ ਦਾਖਲਾ ਸੀ. ਡੋਨਲਡ ਟਰੰਪ ਵੱਲੋਂ ਦੂਜੀ ਵਾਰ ਰਾਸ਼ਟਰਪਤੀ ਚੁਣੇ ਜਾਣ ਤੇ ਸਹੁੰ ਚੁਕ ਸਮਾਗਮ ਤੋਂ ਬਾਅਦ ਦਿੱਤੇ ਰਾਤਰੀ ਭੋਜ ਮੌਕੇ ਅੰਬਾਨੀ ਜੀ ਵੱਲੋਂ ਬੁੱਧਾ ਦੇ ਦੇਸ ਤੋਂ ਆਏ ਕਹਿ ਕੇ ਲਵਾਈ ਹਾਜ਼ਰੀ ਨੇ ਭਾਰਤ ਮਾਤਾ ਉੱਪਰ ਆਉਣ ਵਾਲੇ ਮਹੀਨਿਆਂ ਚ ਪੈਣ ਵਾਲੇ ਸ਼ਨੀ ਗ੍ਰਹਿ ਦੇ ਪ੍ਰਕੋਪ ਬਾਰੇ ਇਸ਼ਾਰਾ ਕਰ ਦਿੱਤਾ ਸੀ. ਮਾਰਕ ਜੁਕਰਬਰਗ ਜੋ ਟਰੰਪ ਦੇ ਰਾਸ਼ਟਰਪਤੀ ਚੁਣੇ ਜਾਣ ਤੋਂ ਪਹਿਲਾਂ ਉਲਟ ਖੜਾ ਸੀ ਮੌਕੇ ਦੀ ਨਜਾਕਤ ਨੂੰ ਪਹਿਚਾਣਦਿਆਂ ਮਹਿੰਗੀ ਟਿਕਟ ਖਰੀਦ ਟਰੰਪ ਦੇ ਰਾਤਰੀ ਭੋਜ ਚ ਸ਼ਾਮਲ ਹੋ ਗਿਆ ਕਿਉਂਕਿ ਅੰਬਾਨੀ ਦੀਆਂ ਕੰਪਨੀਆਂ ਵਿੱਚ ਹਜ਼ਾਰਾਂ ਕਰੋੜ ਰੁਪਏ ਲੱਗੇ ਹੋਏ ਹਨ.
ਟਰੰਪ ਦੀ ਅਰਬ ਮੁਲਕਾਂ ਦੀ ਫੇਰੀ ਦੌਰਾਨ ਸਾਊਦੀ ਅਰਬ ਵਿੱਚ ਅੰਬਾਨੀ ਜੀ ਦੀ ਹਾਜ਼ਰੀ ਸ਼ਨੀ ਗ੍ਰਹਿ ਦੇ ਪ੍ਰਭਾਵ ਨੂੰ ਘੱਟ ਕਰਨ ਲਈ ਕੀਤੇ ਉਪਾ ਹੀ ਤਾਂ ਸਨ ਕਿਉਂਕਿ ਅੰਬਾਨੀ ਜੀ ਦੇ ਤੇਲ ਸੋਧਕ ਕਾਰਖਾਨੇ(Refineries) ਨੂੰ ਰੂਸ ਤੋਂ ਇਲਾਵਾ ਕੱਚੇ ਤੇਲ ਦੀ ਸਪਲਾਈ ਦੇ ਸੋਮੇ ਮੱਧਪੂਰਬ ਚ ਹੀ ਤਾਂ ਪਏ ਹਨ।
ਹਾਲਾਂਕਿ ਮੋਦੀ ਨੂੰ ਭਾਰਤ ਅੰਦਰ ਕੰਟਰੋਲ ਦੇ ਸਿਖਰ ਤੱਕ ਲਿਆਉਣ ਵਾਲੇ ਅਡਾਨੀ ਅੰਬਾਨੀ ਦੋਨੇ ਹੀ ਸਨ ਪਰ ਅਡਾਨੀ ਦੀ ਪਹੁੰਚ ਸ਼ੁਰੂ ਤੋਂ ਹੀ Aggressive ਰਹੀ.
ਨਤੀਜਾ ਅਡਾਨੀ ਦੇ ਹਵਾਈ ਅੱਡੇ.ਅਡਾਨੀ ਦੀਆਂ ਬੰਦਰਗਾਹਾਂ. ਅਡਾਨੀ ਰੇਲਵੇਜ. ਅਡਾਨੀ ਦੇ ਸੈਲੌ .ਅਡਾਨੀ ਦੀਆਂ ਆਸਟਰੇਲੀਆ ਵਿੱਚ ਕੋਇਲੇ ਦੀਆਂ ਮਾਇਨਾ.ਅਡਾਨੀ ਸੋਲਰ ਕੰਪਨੀਆਂ ਖੜੀਆਂ ਹੀ ਹੁੰਦੀਆਂ ਗਈਆਂ।
ਅਡਾਨੀ ਦੀ ਕੰਪਨੀ ਨੂੰ ਬੰਗਲਾਦੇਸ਼ ਸ੍ਰੀ ਲੰਕਾ ਅੰਦਰ ਬਿਜਲੀ ਵੇਚਣ ਦੇ Contract ਦਿਵਾਉਣ ਲਈ ਮੋਦੀ ਜੀ ਅਡਾਨੀ ਦੇ ਜਹਾਜਾਂ ਵਿੱਚ ਸਵਾਰ ਹੀ ਤਾਂ ਰਹਿੰਦੇ ਸੀ. ਬੰਗਲਦੇਸ ਦੀ ਸਰਕਾਰ ਡਿੱਗਣ ਤੋਂ ਬਾਅਦ ਸ਼ੇਖ ਹਸੀਨਾ ਨੂੰ ਭਾਰਤ ਕਿਉਂ ਲਿਆਂਦਾ ਗਿਆ ਉਹ ਤਾਂ ਲਿਆਂਦਾ ਗਿਆ ਕਿਉਂ ਕਿ ਪੱਛਮ ਨੇ ਉਸ ਕੂੜੇ ਨੂੰ ਸਵੀਕਾਰ ਕਰਨ ਤੋਂ ਜੁਆਬ ਦੇ ਦਿੱਤਾ ਸੀ।
ਸ਼ੇਖ ਹਸੀਨਾ ਦੀ ਸਰਕਾਰ ਦਾ ਬਿਸਤਰਾ ਗੋਲ ਹੋਣ ਤੋਂ ਬਾਅਦ ਟਰੰਪ ਨੇ ਕਿਹਾ ਨੀ ਕਿ ਭਾਰਤ ਸਾਂਭ ਲਵੇ ਪਿਛਲੇ 50 ਸਾਲ ਤੋਂ ਇਹੀ ਤਾਂ ਉਸਦੀ ਦੇਖਭਾਲ ਕਰਦੇ ਰਹੇ ਹਨ।
ਬੰਗਲਾਦੇਸ਼ ਭਾਰਤ ਦੀ ਕਲੋਨੀ ਹੀ ਤਾਂ ਸੀ ਜਿਸ ਨੂੰ ਸਿੱਖ ਕਮਾਂਡਰਾਂ ਨੇ 1971 ਚ ਪਾਕਿਸਤਾਨ ਨਾਲੋਂ ਤੋੜ ਕੇ ਸਿਰਜਿਆ ਸੀ ਪਰ ਮੌਕਾ ਪ੍ਰਸਤ ਬ੍ਰਾਹਮਣ ਨੇ ਸਿੱਖ ਜਰਨੈਲ ਹੀ ਜਲੀਲ ਕਰ ਫੌਜ ਵਿੱਚੋਂ ਨਹੀਂ ਸੀ ਕੱਢੇ ਉਲਟਾ ਮਨੁੱਖਤਾ ਦੇ ਸਿਧਾਂਤ ਨੂੰ ਅਰਪਤ ਸਿੱਖ ਗੁਰੂਆਂ ਵੱਲੋਂ ਸਿਰਜਿਆ ਅਕਾਲ ਤਖਤ(ਬੁੰਗਾ)ਹੀ ਟੈਂਕਾਂ ਨਾਲ ਢਾਹ ਦਿੱਤਾ.
2022 ਦੌਰਾਨ ਰੂਸ ਵੱਲੋਂ ਯੂਕਰੇਨ ਉੱਪਰ ਕੀਤੇ ਹਮਲੇ ਨੇ ਕਹਾਣੀ ਵਿੱਚ ਨਵਾਂ ਮੋੜ ਲੈ ਆਂਦਾ. ਪੱਛਮ ਵੱਲੋਂ ਰੂਸ ਉਪਰ ਲਾਈਆਂ ਆਰਥਿਕ ਪਾਬੰਦੀਆਂ ਦੇ ਚਲਦਿਆਂ ਉਸ ਕੋਲੋਂ ਯੂਰਪ ਦੀ ਮੰਡੀ ਖਿਸਕ ਗਈ. ਮੌਕੇ ਦੀ ਨਜ਼ਾਕਤ ਨੂੰ ਸਮਝਦਿਆਂ ਆਰਥਿਕਤਾ ਨੂੰ ਪੈਰਾਂ ਸਿਰ ਰੱਖਣ ਲਈ ਭਾਰਤ ਮਾਤਾ ਪਲੋਸ ਲਈ. ਰੂਸ ਵੱਲੋਂ ਬੇਨਾਮੇ ਟੈਂਕਰਾਂ ਅੰਦਰ ਤੇਲ ਭਰ ਭੇਜਿਆ ਜਾਣ ਲੱਗਾ ਤੇ ਸਸਤੇ ਭਾ ਮਿਲੇ ਕੱਚੇ ਤੇਲ ਨੂੰ ਗੁਜਰਾਤ ਦੇ ਵਪਾਰੀ ਲਾਣੇ ਨੇ ਆਪਣੇ ਤੇਲ ਸੋਧਕ ਕਾਰਖਾਨਿਆਂ(Refineries) ਰਾਹੀਂ ਸੋਧ ਅਰਬਾਂ ਦਾ ਮੁਨਾਫਾ ਕਮਾਉਣਾ ਸ਼ੁਰੂ ਕਰ ਦਿੱਤਾ. ਰੂਸ ਚੁੱਪ ਚਾਪ ਭਾਰਤ ਦੀਆਂ ਐਨਰਜੀ ਕੰਪਨੀਆਂ ਵਿੱਚ ਪੈਸਾ ਇਨਵੈਸਟ ਕਰਨ ਲੱਗਾ. ਐਸਆਰ ਗਰੁੱਪ ਅੰਦਰ ਰੂਸ ਦੀ ਰੋਜ਼ਨੈੱਟ ਕੰਪਨੀ ਦਾ 50% ਤੱਕ ਦਾ ਪੂੰਜੀ ਨਿਵੇਸ਼ ਹੋਇਆ. ਚੀਨ ਤੋਂ ਬਾਅਦ ਭਾਰਤ ਰੂਸ ਦੀ ਊਰਜਾ ਸ਼ਕਤੀ ਤੇਲ ਦਾ ਵੱਡਾ ਖਰੀਦਦਾਰ ਬਣ ਗਿਆ.
ਵਿਸ਼ਵ ਗੁਰੂ ਬਣਨ ਦੀਆਂ ਫੀਲਿੰਗਾਂ ਲੈ ਭਾਰਤ ਮਾਤਾ ਦੇ ਸਪੂਤ ਅਡਾਨੀ ਹੋਰੀ ਝੂਠੀਆਂ Balance sheets ਦੇ ਜਰੀਏ ਨਿਊਯਾਰਕ ਐਕਸਚੇਂਜ ਰਾਹੀਂ ਅਮਰੀਕੀ ਲੋਕਾਂ ਦਾ ਨਿਵੇਸ਼ ਕੀਤਾ ਪੈਸਾ ਕਾਬੂ ਕਰ ਭਾਰਤ ਦੀਆਂ ਬੈਂਕਾਂ ਦੇ ਮੁਖੀਆਂ ਨੂੰ ਰਿਸ਼ਵਤਾਂ ਦੇ ਕੇ ਬੈਂਕਾਂ ਚ ਪਏ ਲੋਕਾਂ ਦੇ ਅਰਬਾਂ ਰੁਪਈਏ ਵਰਤ ਕੇ ਅਮਰੀਕਾ ਨੂੰ ਸਮਝਾਉਣ ਲੱਗੇ ਕਿ ਅਸੀਂ ਦੱਸਾਂਗੇ ਦੁਨੀਆ ਚ ਵਪਾਰ ਕਿਵੇਂ ਕਰਨਾ ਹੈ. ਕਿਹੜੀਆਂ ਸ਼ਰਤਾਂ ਤੇ ਕਰਨਾ ਹੈ.
ਹਾਲਾਂਕਿ 2023 ਵਿਚ ਜਾਰੀ ਕੀਤੀ Hidenberg report ਨੇ Adani Group ਦੇ ਚਿੱਠੇ ਖੋਲ ਦਿੱਤੇ ਸਨ ਪਰ ਭਾਰਤ ਮਾਤਾ ਦੇ ਸਪੂਤ ਅਡਾਨੀ ਗਰੁੱਪ ਜਨਵਰੀ 2025 ਚ ਟਰੰਪ ਦੇ ਦੂਜੀ ਵਾਰ ਰਾਸ਼ਟਰਪਤੀ ਚੁਣੇ ਜਾਣ ਤੇ ਮਾਰਚ 2,2025 ਨੂੰ ਅਮਰੀਕਾ ਵਿੱਚ ਵਪਾਰ ਖੋਲ 15000 ਅਮਰੀਕੀਆਂ ਨੂੰ ਨੌਕਰੀਆਂ ਦੇਣ ਲਈ ਆਫਰ ਕਰ ਰਿਹਾ ਸੀ. ਅਗਲਿਆਂ ਨੇ ਸਭ ਤੋਂ ਪਹਿਲਾਂ ਉਹੀ ਫੁੰਡਿਆ.
ਸੈਂਕੜੇ ਸਾਲ ਦੁਨੀਆ ਨੂੰ ਟੇਵੇ ਲਾ ਕੇ ਦੱਸਣ ਵਾਲੇ ਬ੍ਰਾਹਮਣ ਨੂੰ ਪਤਾ ਹੀ ਨਾ ਲੱਗਿਆ ਕਦ ਸ਼ਨੀ ਗ੍ਰਹਿ ਚੁੱਪ ਚਾਪ ਭਾਰਤ ਮਾਤਾ ਦੀ ਕੁੰਡਲੀ ਅੰਦਰ ਦਾਖਲ ਹੋ ਗਿਆ. ਵਿਸ਼ਵ ਗੁਰੂ ਦੀਆਂ ਫੀਲਿੰਗਾਂ ਲੈਂਦੀ ਭਾਰਤ ਮਾਤਾ ਨੂੰ ਸਮਝ ਹੀ ਨਾ ਰਹੀ ਕਿ ਅਮਰੀਕਾ ਨਾ ਦੇ ਸ਼ਨੀ ਗ੍ਰਹਿ ਦਾ ਕੋਈ ਉਪਾਅ ਨਹੀਂ ਹੈ. ਇਹੀ ਤਾਂ ਉਹ ਗ੍ਰਹਿ ਹੈ ਜਿਹੜਾ 1765 ਚ ਇੰਗਲੈਂਡ ਤੇ ਹੀ ਭਾਰੀ ਪੈ ਗਿਆ ਸੀ. ਨਤੀਜੇ ਸਭ ਨੂੰ ਪਤਾ ਹਨ. 1945 ਤੋਂ ਲਗਾਤਾਰ ਦੁਨੀਆਂ ਨੂੰ ਪਾਲ ਰਿਹਾ ਇਹ ਇਕੋ ਇਕ ਅਜਿਹਾ ਗ੍ਰਹਿ ਹੈ ਜਿੱਦਣ ਇਹ ਡੁਬਿਆ ਦੁਨੀਆਂ ਨੂੰ ਨਾਲ ਲੈ ਕੇ ਡੁੱਬੇਗਾ. ਅਮਰੀਕਾ ਦੀ IT Industry ਅੰਦਰ ਹਜ਼ਾਰਾਂ ਭਾਰਤੀ, ਰੂਸੀ ਲੋਕ ਤਾਂ ਇੱਕ ਪਾਸੇ ਦੁਨੀਆ ਦਾ ਕਿਹੜਾ ਮੁਲਕ ਹੈ ਜਿਹੜਾ ਸਿੱਧੇ ਜਾਂ ਅਸਿੱਧੇ ਤੌਰ ਤੇ ਡਾਲਰ ਨਾਲ ਨਹੀਂ ਜੁੜਿਆ.
ਅਸੀਂ ਲਿਖਿਆ ਸੀ ਕਿ ਸ਼ਤਰੰਜ ਦੀ ਬਿਸਾਤ ਵਿਛਾਈ ਜਾ ਰਹੀ ਹੈ ਭਾਵੇਂ ਕਿ ਸ਼ਤਰੰਜ ਭਾਰਤ ਵਿੱਚੋਂ ਸ਼ੁਰੂ ਹੋਈ ਸੀ ਪਰ ਭਾਰਤ ਨੂੰ ਭੁੱਲਣਾ ਨਹੀਂ ਚਾਹੀਦਾ ਕਿ ਦੁਨੀਆ ਵਿੱਚ ਪਰੇ ਤੋਂ ਪਰੇ ਸ਼ਤਰੰਜ ਦੇ ਖਿਲਾੜੀ ਬੈਠੇ ਹਨ. ਟਰੰਪ ਵੱਲੋਂ ਰਾਸ਼ਟਰਪਤੀ ਦਾ ਅਹੁਦਾ ਸੰਭਾਲਣ ਸਾਰ ਮਾਰੇ ਦਬਕੇ ਤੇ ਮੋਦੀ ਤੇ ਜੈ ਸ਼ੰਕਰ ਜੀ ਨੇ ਅਗਲੀ ਚਾਲ ਤਾਂ ਕੀ ਚੱਲਣੀ ਸੀ ਉਹ ਤਾਂ ਇੱਕ ਦਮ ਗਊ ਦੇ ਜਾਇਆ ਦਾ ਰੂਪ ਧਾਰ ਆਪਣੇ ਪਰਮ ਪੂਜਿਆ ਗੁਰੂ ਗੋਵਲਕਰ ਦੇ ਪਦ ਚਿੰਨਹਾ ਤੇ ਚਲਦੇ ਡਾਲਰ ਚ ਵਪਾਰ ਕਰਨ ਦੀ ਭਰੋਸਗੀ ਜਤਾ BRICS ਚੋ ਛਾਲ ਮਾਰ ਇਉ ਫੁਰ ਹੋ ਗਏ ਜਿਵੇਂ ਕਦੇ ਪੰਜਾਬ ਦੇ ਲਾਲ ਫਰੇਰੇ April 24,1982 ਨੂੰ ਅਕਾਲੀਆਂ ਨਾਲ ਕਪੂਰੀ ਮੋਰਚੇ ਚ ਨਾਲ ਖੜਨ ਦਾ ਵਾਅਦਾ ਕਰ ਬੀਬੀ ਇੰਦਰਾ ਦੇ SYL ਦਾ ਟੱਕ ਲਾਉਣ ਆਉਣ ਮੌਕੇ ਦਿੱਤੀ ਘੁਰਕੀ ਤੋਂ ਹੋ ਗਏ ਸੀ।
BRICS ਅੰਦਰ ਸਹਿਯੋਗੀ ਬਰਾਜ਼ੀਲ ਦੇ ਮੁਖੀ ਨੇ ਕਿਹਾ ਸੀ ਕਿ TROJAN HORSE ਭਾਵ ਲੱਕੜ ਦੇ ਘੋੜਿਆਂ ਤੇ ਯਕੀਨ ਨਹੀਂ ਕੀਤਾ ਜਾ ਸਕਦਾ.
ਜੈ ਸ਼ੰਕਰ ਜੀ ਮੀਡੀਆ ਅੰਦਰ ਡਰ ਚੋਂ ਹੀ ਤਾਂ ਕਹਿ ਰਹੇ ਹਨ ਕਿ ਆਉਣ ਵਾਲੇ ਸਾਲਾਂ ਅੰਦਰ ਭਾਰਤ ਵਿੱਚ ਬਹੁਤ ਕੁਝ ਵੱਡਾ ਹੋ ਸਕਦਾ ਹੈ. ਵੱਡਾ ਕੀ ਹੋਣਾ. ਭਾਰਤ ਦੀ ਵਿਦੇਸ਼,ਵਪਾਰ ਤੇ ਰੱਖਿਆ ਨੀਤੀ ਬੁਰੀ ਤਰਹਾਂ ਫੇਲ ਹੋ ਚੁੱਕੀ ਹੈ. ਭਾਰਤ ਮਾਤਾ ਦਾ ਚੀਰ ਹਰਨ ਹੋਣ ਦੀ ਪੂਰੀ ਸੰਭਾਵਨਾ ਹੈ ਜਿਵੇਂ ਮਹਾਂਭਾਰਤ ਅੰਦਰ ਦਰੋਪਤੀ ਦਾ ਹੋਇਆ ਸੀ. ਨਾਗਪੁਰ ਵੱਲੋਂ ਚੁਣ ਕੇ ਲਿਆਂਦੇ ਉਸਦੇ ਸਪੂਤਾਂ ਨੇ ਸਿੱਧ ਕਰ ਦਿੱਤਾ ਕਿ ਗੁੰਡੇ ਦੇਸ ਨਹੀਂ ਚਲਾ ਸਕਦੇ. ਆਪਣੀ ਫਿਤਰਤ ਮੁਤਾਬਕ ਮੌਕਾਪ੍ਰਸਤ ਬ੍ਰਾਹਮਣ ਨੇ ਅੰਗਰੇਜ਼ ਨੂੰ ਹੀ ਝੱਗਾ ਚੱਕ ਕੇ ਆਪਣੇ ਆਉਣ ਵਾਲੇ ਭਵਿੱਖ ਲਈ ਕੰਡੇ ਬੀਜ ਲਏ ਹਨ.
ਬ੍ਰਾਹਮਣ ਭਾਰਤੀ ਖਿੱਤੇ ਦੀ ਉਹ ਧਿਰ ਸੀ ਜੋ ਕਦੇ ਵੀ ਹਮਲਾਵਰ ਧਿਰ ਨਾਲ ਲੜ ਕੇ ਆਪਣੇ ਖਿੱਤੇ ਦੀ ਅਣਖ ਤੇ ਆਜ਼ਾਦੀ ਨੂੰ ਮਹਿਫੂਜ ਨਹੀਂ ਸੀ ਕਰ ਪਾਈ ਨਤੀਜਾ ਸਦੀਆਂ ਤੱਕ ਖਿੱਤੇ ਅੰਦਰ ਚੜ ਆਏ ਧਾੜਵੀਆਂ ਦੀ ਗੁਲਾਮ ਹੋ ਜਲਾਲਤ ਸਹਿੰਦੀ ਰਹੀ. 1947 ਵਿੱਚ ਦੂਜੀ ਸੰਸਾਰ ਜੰਗ ਤੋਂ ਬਾਅਦ ਬਣੇ ਹਾਲਾਤਾਂ ਦੇ ਚਲਦਿਆਂ ਇੰਗਲੈਂਡ ਨੇ ਨਹਿਰੂ ਗਾਂਧੀ ਨੂੰ ਭਾਰਤ ਦਾ ਕੰਟਰੋਲ ਦਿੱਤਾ ਸੀ 2025 ਆਉਂਦਿਆਂ ਅਮਰੀਕਾ ਨਾਗਪੁਰ ਦੇ ਸਪੂਤਾਂ ਤੋਂ ਕੰਟਰੋਲ ਵਾਪਸ ਲੈਣ ਦੀ ਤਿਆਰੀ ਕਰ ਰਿਹਾ ਹੈ. ਲਗਦਾ ਮੋਦੀ ਹੋਰਾਂ ਦਾ ਸਮਾਂ ਸਮਾਪਤੀ ਵੱਲ ਹੈ.
ਭੁੱਲਿਓ ਨਾ ਭਾਰਤ ਮਾਤਾ ਦਾ ਜਨਮ ਭਾਵੇਂ ਇੰਗਲੈਂਡ ਨੇ ਦਵਾਇਆ ਸੀ ਪਰ ਜਵਾਨ ਅਮਰੀਕਾ ਨੇ ਕੀਤੀ ਹੈ. ਉਹ ਕਿਵੇਂ ਜਾਣ ਦੇਵੇਗਾ. ਜੁਲਾਈ 18,2025 ਦੀ Times Magzine ਖਬਰ ਇਹ ਪੁਸ਼ਟੀ ਕਰਦੀ ਹੈ ਕਿ Blackrock Corp ਅੰਬਾਨੀ ਦੀ ਕੰਪਨੀ JIo Mutual Funds ਚ 17800 ਕਰੋੜ ਦਾ ਨਿਵੇਸ਼ ਕਰਨ ਜਾ ਰਹੀ ਹੈ। ਅਮਰੀਕਾ ਦੀ Blackrock ਬਾਰੇ ਕਿਸਨੂੰ ਨਹੀਂ ਪਤਾ ਕਿ ਉਹ ਕੌਣ ਹਨ।
ਡੋਵਾਲ, ਮੋਦੀ ਜੀ ਦੀ ਰੂਸ ਤੇ ਚੀਨ ਦੀ ਯਾਤਰਾ ਬਹੁਤ ਕੁਝ ਕਹਿ ਰਹੀ ਹੈ.ਪਰ ਦੁਨੀਆਂ ਦੇ ਤੇਜੀ ਨਾਲ ਬਦਲ ਰਹੇ ਆਡਰ ਚ ਇੰਗਲੈਡ ਤੋਂ ਬਾਅਦ ਅੰਗ੍ਰੇਜ ਦੀ ਅਮਰੀਕਾ ਤੇ ਰਾਜ ਕਰ ਰਹੀ ਨਸਲ ਕਿਸੇ ਵੀ ਹਾਲਤ ਚ ਭਾਰਤ ਦੀ ਰਜਿਸਟਰੀ ਕਿਸੇ ਹੋਰ ਦੇ ਨਾਂ ਤਬਦੀਲ ਨਹੀਂ ਹੋਣ ਦੇਵੇਗੀ। ਖਿੱਤੇ ਦੀ ਰੂਪਰੇਖਾ ਬਦਲਣ ਜਾ ਰਹੀ ਹੈ।
ਦੂਜੀ ਸੰਸਾਰ ਜੰਗ ਤੋਂ ਬਾਅਦ ਚਲਿਆ ਆ ਰਿਹਾ ਦੁਨੀਆ ਦਾ ਆਰਡਰ ਬਦਲਣ ਜਾ ਰਿਹਾ ਹੈ.
ਭੁੱਲ ਚੁੱਕ ਲਈ ਮਾਫੀ
ਪਰਮਿੰਦਰ ਸਿੰਘ
