Related Articles
Punjab News: ਪੰਜਾਬ ‘ਚ ਹੋਇਆ ਨੀਲੇ ਡਰੰਮ ਵਰਗਾ ਕਤਲਕਾਂਡ, 70 ਸਾਲਾਂ ਅਸ਼ਿਕ ਨਾਲ ਮਿਲ ਕੇ 50 ਸਾਲਾਂ ਪਤਨੀ ਨੇ ਰਚੀ ਸਾਜ਼ਿਸ਼, ਫਿਰ ਲਾਸ਼ ਨੂੰ….
ਅੰਮ੍ਰਿਤਸਰ ‘ਚ ਮੇਰਠ ਵਰਗਾ ਕਾਂਡ ਹੋਇਆ ਹੈ। ਜਿਸ ਨੇ ਸਭ ਨੂੰ ਹੈਰਾਨ ਕਰਕੇ ਰੱਖ ਦਿੱਤਾ ਹੈ। ਜਿੱਥੇ 50 ਸਾਲ ਦੀ ਔਰਤ ਨੇ ਇਸ਼ਕ ਚ ਅੰਨ੍ਹੀ ਹੋ ਕੇ ਆਪਣੇ ਪਤੀ ਨੂੰ ਮੌਤ ਦੇ ਘਾਟ ਉਤਾਰ ਦਿੱਤਾ। ਜਿਸ ਤੋਂ ਬਾਅਦ ਪੰਜਾਬ ‘ਚ ਤਰਥੱਲੀ ਮੱਚ ਗਈ।
Amritsar Murder Case: ਅੰਮ੍ਰਿਤਸਰ ਤੋਂ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਜਿੱਥੇ ਇਸ਼ਕ ‘ਚ ਅੰਨ੍ਹੀ ਹੋਈ ਔਰਤ ਨੇ ਆਪਣੇ ਹੀ ਪਤੀ ਦਾ ਕਤਲ ਕਰ ਦਿੱਤਾ। 50 ਸਾਲ ਦੀ ਉਮਰ ਵਾਲੀ ਇਸ ਔਰਤ ਨੇ ਆਪਣੇ 70 ਸਾਲ ਦੇ ਪ੍ਰੇਮੀ ਦੇ ਨਾਲ ਮਿਲਕੇ ਇਹ ਖੌਫ ਨਾਕ ਕਦਮ ਚੁੱਕਿਆ ਹੈ। ਇਸ ਮਾਮਲੇ ਦੇ ਖੁਲਾਸੇ ਨਾਲ ਇਲਾਕੇ ਚ ਹਾਹਾਕਾਰ ਮੱਚ ਗਈ ਹੈ।
ਪਰਾਏ ਮਰਦ ਦੇ ਇਸ਼ਕ ‘ਚ ਅੰਨ੍ਹੀ ਹੋਈ ਔਰਤ ਵੱਲੋਂ ਪਤੀ ਦਾ ਕਤਲ
ਅੰਮ੍ਰਿਤਸਰ ਜੀ.ਆਰ.ਪੀ. ਪੁਲਿਸ ਨੇ ਪਤੀ ਦੀ ਹੱਤਿਆ ਦੇ ਮਾਮਲੇ ਦਾ ਖੁਲਾਸਾ ਕੀਤਾ ਹੈ। 50 ਸਾਲਾ ਪਤਨੀ ਨੇ ਆਪਣੇ 70 ਸਾਲਾ ਪ੍ਰੇਮੀ ਨਾਲ ਮਿਲ ਕੇ ਆਪਣੇ ਪਤੀ ਦੀ ਤੇਜ਼ਧਾਰ ਹਥਿਆਰਾਂ ਨਾਲ ਹੱਤਿਆ ਕੀਤੀ ਸੀ। ਹੱਤਿਆ ਤੋਂ ਬਾਅਦ ਲਾਸ਼ ਨੂੰ ਮੋਟਰਸਾਈਕਲ ਨਾਲ ਬੰਧ ਕੇ ਬਿਆਸ ਤੇ ਬੁੱਟਰ ਦੇ ਨੇੜੇ ਰੇਲਵੇ ਲਾਈਨ ਉੱਤੇ ਸੁੱਟ ਦਿੱਤਾ ਗਿਆ, ਜਿਸ ਨਾਲ ਪੁਲਿਸ ਤੇ ਲੋਕਾਂ ਨੂੰ ਲੱਗੇ ਕਿ ਇਹ ਕੋਈ ਹਾਦਸਾ ਸੀ।
ਜੀ.ਆਰ.ਪੀ. ਥਾਣਾ ਪ੍ਰਭਾਰੀ ਬਲਬੀਰ ਸਿੰਘ ਘੁੰਮਣ ਨੇ ਦੱਸਿਆ ਕਿ ਬਿਆਸ ਨੇੜੇ ਰੇਲਵੇ ਲਾਈਨ ‘ਤੇ ਇੱਕ ਵਿਅਕਤੀ ਦੀ ਲਾਸ਼ ਮਿਲੀ ਸੀ, ਜਿਸਦੀ ਤੇਜ਼ਧਾਰ ਹਥਿਆਰਾਂ ਨਾਲ ਹੱਤਿਆ ਕੀਤੀ ਗਈ ਸੀ। ਜਾਂਚ ਤੋਂ ਬਾਅਦ ਇਹ ਵਿਅਕਤੀ ਕਸ਼ਮੀਰ ਸਿੰਘ ਵਜੋਂ ਪਹਚਾਣਿਆ ਗਿਆ। ਜਾਂਚ ਦੌਰਾਨ ਪਤਾ ਲੱਗਾ ਕਿ ਕਸ਼ਮੀਰ ਸਿੰਘ ਦੀ ਪਤਨੀ ਬਲਵਿੰਦਰ ਕੌਰ ਉਰਫ ਬਿੰਦਰੋ ਜਿਸ ਦੀ ਉਮਰ 50-55 ਸਾਲ ਹੋਣੀ ਨੇ ਆਪਣੇ ਪ੍ਰੇਮੀ ਅਮਰ ਸਿੰਘ ਜਿਸ ਦੀ ਉਮਰ 70 ਸਾਲ ਹੈ, ਨਾਲ ਮਿਲ ਕੇ ਇਹ ਹੱਤਿਆ ਕੀਤੀ ਸੀ।
ਪਤਨੀ ਦੇ ਲੰਬੇ ਸਮੇਂ ਤੋਂ ਚੱਲ ਰਹੇ ਸਨ ਨਾਜਾਇਜ਼ ਸੰਬੰਧ
ਪੁਲਿਸ ਜਾਂਚ ‘ਚ ਸਾਹਮਣੇ ਆਇਆ ਕਿ ਬਲਵਿੰਦਰ ਕੌਰ ਦੇ ਅਮਰ ਸਿੰਘ ਨਾਲ ਲੰਬੇ ਸਮੇਂ ਤੋਂ ਨਾਜਾਇਜ਼ ਸੰਬੰਧ ਸਨ। ਕਸ਼ਮੀਰ ਸਿੰਘ ਇਸ ਗੱਲ ਕਰਕੇ ਆਪਣੀ ਪਤਨੀ ਨੂੰ ਪਰੇਸ਼ਾਨ ਕਰਦਾ ਸੀ। ਇਸੇ ਕਰਕੇ ਦੋਹਾਂ ਨੇ ਮਿਲ ਕੇ ਉਸ ਦੀ ਹੱਤਿਆ ਦੀ ਯੋਜਨਾ ਬਣਾਈ। ਹੱਤਿਆ ਤੋਂ ਬਾਅਦ ਲਾਸ਼ ਨੂੰ ਮੋਟਰਸਾਈਕਲ ਨਾਲ ਬੰਨ ਕੇ ਬਿਆਸ ਅਤੇ ਬੁੱਟਰ ਦੇ ਨੇੜੇ ਰੇਲਵੇ ਲਾਈਨ ‘ਤੇ ਸੁੱਟ ਦਿੱਤਾ ਗਿਆ।
ਸੀਸੀਟਿਵੀ ਦੀ ਮਦਦ ਨਾਲ ਹੋਇਆ ਖੁਲਾਸਾ
ਪੁਲਿਸ ਨੇ ਆਸ-ਪਾਸ ਲੱਗੇ ਸੀਸੀਟਿਵੀ ਕੈਮਰਿਆਂ (CCTV cameras) ਦੀ ਮਦਦ ਨਾਲ ਕੇਸ ਦੀ ਜਾਂਚ ਕੀਤੀ। ਦੋਵੇਂ ਦੋਸ਼ੀਆਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ। ਅਦਾਲਤ ਨੇ ਉਨ੍ਹਾਂ ਨੂੰ ਤਿੰਨ ਦਿਨਾਂ ਦੇ ਪੁਲਿਸ ਰਿਮਾਂਡ ‘ਤੇ ਭੇਜ ਦਿੱਤਾ ਹੈ। ਪੁਲਿਸ ਨੂੰ ਉਮੀਦ ਹੈ ਕਿ ਰਿਮਾਂਡ ਦੌਰਾਨ ਹੋਰ ਅਹਿਮ ਸਬੂਤ ਮਿਲ ਸਕਦੇ ਹਨ।
