Related Articles
#TumblerRidge
ਕੈਨੇਡਾ ਸਕੂਲ ਗੋਲੀ*ਬਾਰੀ ਦੇ ਸ਼ੱਕੀ ਦੀ ਪਛਾਣ: ਮਾਨਸਿਕ ਸਮੱਸਿਆਵਾਂ ਨਾਲ ਜੂਝ ਰਹੀ 18 ਸਾਲਾ ਕੁੜੀ ਨਿਕਲੀ ਹਮਲਾ*ਵਰ
ਕੈਨੇਡਾ ਸਮੂਹਿਕ ਕਤਲੇਆਮ ਦੇ ਕਥਿਤ ਦੋਸ਼ੀ ਨੂੰ ਪੁਲਿਸ ਨੇ ਮਾਨਸਿਕ ਰੋਗੀ ਦੱਸਿਆ
ਕੈਨੇਡੀਅਨ ਪੁਲਸ ਨੇ ਮੰਗਲਵਾਰ ਦੀ ਭਿਆਨਕ ਸਕੂਲ ਗੋਲੀਬਾਰੀ ਦੇ ਸ਼ੱਕੀ ਦੀ ਪਛਾਣ ਕਰ ਲਈ ਹੈ। ਜਾਂਚ ਵਿੱਚ ਖੁਲਾਸਾ ਹੋਇਆ ਕਿ ਹਮਲਾਵਰ ਇੱਕ 18 ਸਾਲਾ ਕੁੜੀ ਸੀ, ਜਿਹੜੀ ਲੰਬੇ ਸਮੇਂ ਤੋਂ ਮਾਨਸਿਕ ਸਮੱਸਿਆਵਾਂ ਨਾਲ ਜੂਝ ਰਹੀ ਸੀ। ਪੁਲਸ ਨੇ ਕਿਹਾ ਕਿ ਸ਼ੱਕੀ ਕੁੜੀ ਦਾ ਨਾਂਅ ਜੈਸੀ ਵੈਨ ਰੂਟਸੇਲਾਰ (Jesse Van Rootselaar) ਸੀ। ਉਸਨੇ ਗੋਲੀਬਾਰੀ ਤੋਂ ਬਾਅਦ ਆਪਣੇ ਆਪ ਨੂੰ ਗੋਲੀ ਮਾਰ ਲਈ ਅਤੇ ਖੁਦਕੁਸ਼ੀ ਕਰ ਲਈ। ਇਹ ਘਟਨਾ ਕੈਨੇਡਾ ਦੇ ਪ੍ਰਸ਼ਾਂਤ ਸੂਬੇ ਬ੍ਰਿਟਿਸ਼ ਕੋਲੰਬੀਆ ਦੇ ਇੱਕ ਦੂਰ-ਦੁਰਾਡੇ ਖੇਤਰ ਟੰਬਲਰ ਰਿਜ਼ ਦੇ ਇੱਕ ਸਕੂਲ ਵਿੱਚ ਵਾਪਰੀ।
ਗੋਲੀਬਾਰੀ ‘ਚ ਮਰਨ ਵਾਲਿਆਂ ਦੀ ਗਿਣਤੀ 9 ਹੋਈ
ਪੁਲਸ ਨੇ ਸ਼ੁਰੂ ਵਿੱਚ 10 ਮੌਤਾਂ ਦੀ ਰਿਪੋਰਟ ਕੀਤੀ ਸੀ, ਪਰ ਜਾਂਚ ਤੋਂ ਬਾਅਦ, ਮੌਤਾਂ ਦੀ ਗਿਣਤੀ ਘਟਾ ਕੇ 9 ਕਰ ਦਿੱਤੀ ਗਈ। ਪੁਲਸ ਨੇ ਇਹ ਨਹੀਂ ਦੱਸਿਆ ਕਿ ਸ਼ੁਰੂਆਤੀ ਗਲਤੀ ਕਿਵੇਂ ਹੋਈ, ਪਰ ਪੁਸ਼ਟੀ ਕੀਤੀ ਕਿ ਕੁੱਲ ਨੌਂ ਲੋਕ ਮਾਰੇ ਗਏ ਸਨ।
ਬੀਸੀ ਦੇ ਉੱਤਰੀ ਸ਼ਹਿਰ ਪ੍ਰਿੰਸ ਜੌਰਜ ਤੋਂ ਉਪਰ ਤਕਰੀਬਨ 300 ਕਿਲੋਮੀਟਰ ਦੂਰ ਮੌਜੂਦ ਲਗਭਗ 2400 ਦੀ ਅਬਾਦੀ ਵਾਲੇ ਸ਼ਹਿਰ ਟੰਬਲਰ ਰਿੱਜ ਵਿਖੇ ਕੱਲ੍ਹ ਦੁਪਹਿਰ ਇੱਕ ਸੀਨੀਅਰ ਸੈਕੰਡਰੀ ਸਕੂਲ ਅੰਦਰ ਤੇ ਬਾਹਰ ਗੋਲੀਆਂ ਚਲਾਉਣ ਵਾਲੇ ਦੀ ਪਛਾਣ ਜੈਸੀ ਸਟਰੈਂਗ (18) ਵਜੋਂ ਕੀਤੀ ਗਈ ਹੈ।
ਸਥਾਨਕ ਲੋਕਾਂ ਮੁਤਾਬਕ ਜੈਸੀ ਸਟਰੈਂਗ ਲੜਕਾ ਸੀ ਪਰ 2023 ਤੋਂ ਖੁਦ ਨੂੰ ਲੜਕੀ ਦੱਸਦਾ ਸੀ ਤੇ ਉਹੋ ਜਿਹਾ ਬਣ ਕੇ ਰਹਿੰਦਾ ਸੀ। ਵਾਰਦਾਤ ਮਗਰੋਂ ਉਸਨੇ ਆਪਣੀ ਜਾਨ ਵੀ ਲੈ ਲਈ।
ਕੈਨੇਡਾ ਦੇ ਇਤਿਹਾਸ ਵਿੱਚ ਵਾਪਰੀ ਇਸ ਅੱਤ ਘਿਨਾਉਣੀ ਵਾਰਦਾਤ ਬਾਰੇ ਸਥਾਨਕ ਲੋਕਾਂ ਨੇ ਦੱਸਿਆ ਕਿ ਕਥਿਤ ਹਮਲਾਵਰ ਨੇ ਸ਼ੁਰੂਆਤ ਆਪਣੀ ਮਾਂ ਅਤੇ ਭਰਾ ਨੂੰ ਮਾਰਨ ਤੋਂ ਕੀਤੀ ਅਤੇ ਫਿਰ ਸਕੂਲ ਜਾ ਕੇ ਉਸਨੇ ਅੰਨ੍ਹੇਵਾਹ ਗੋਲੀਆ ਚਲਾਈਆਂ, ਜਿਸਦਾ ਸ਼ਿਕਾਰ ਬੱਚੇ ਬਣੇ ਅਤੇ ਹੁਣ ਉਨ੍ਹਾਂ ‘ਚੋਂ ਕੁਝ ਜ਼ਿੰਦਗੀ ਮੌਤ ਦੀ ਲੜਾਈ ਲੜ ਰਹੇ ਹਨ।
ਇੱਕ 12 ਸਾਲਾ ਦੀ ਬੱਚੀ ਦੇ ਸਿਰ ਅਤੇ ਧੌਣ ‘ਚ ਗੋਲੀਆਂ ਲੱਗੀਆਂ ਹਨ, ਉਸਨੂੰ ਇਲਾਜ ਵਾਸਤੇ ਵੈਨਕੂਵਰ ਲਿਆਂਦਾ ਗਿਆ ਹੈ।
ਇਸ ਸਮੂਹਿਕ ਕਤਲੇਆਮ ਨੇ ਆਮ ਲੋਕਾਂ ਨੂੰ ਬੇਹੱਦ ਪਰੇਸ਼ਾਨ ਕੀਤਾ ਹੈ। ਸਰਕਾਰੀ ਤੌਰ ‘ਤੇ ਮਾਤਮ ਮਨਾਇਆ ਜਾ ਰਿਹਾ ਹੈ ਤੇ ਝੰਡੇ ਝੁਕਾ ਦਿੱਤੇ ਗਏ ਹਨ।
ਸਰਕਾਰ ਅਤੇ ਪੁਲਿਸ ਬਹੁਤ ਬੋਚ-ਬੋਚ ਕੇ ਜਾਣਕਾਰੀ ਬਾਹਰ ਕੱਢ ਰਹੀ ਹੈ। ਸੋਸ਼ਲ ਮੀਡੀਏ ‘ਤੇ ਕਥਿਤ ਹਮਲਾਵਰ ਦੀਆਂ ਬਹੁਤ ਸਾਰੀਆਂ ਤਸਵੀਰਾਂ ਘੁੰਮ ਰਹੀਆਂ ਹਨ, ਜਿਨ੍ਹਾਂ ਦੀ ਪੁਲਿਸ ਪੁਸ਼ਟੀ ਨਹੀਂ ਕਰ ਰਹੀ।
ਇਸ ਵਾਰਦਾਤ ਤੋਂ ਬਾਅਦ ਸੋਸ਼ਲ ਮੀਡੀਏ ‘ਤੇ ਲਿੰਗ ਤਬਦੀਲੀ, ਮਾਨਸਿਕ ਰੋਗਾਂ ਅਤੇ ਸਮਾਜਿਕ ਦਬਾਅ ਬਾਰੇ ਸਰਗਰਮ ਚਰਚਾ ਹੋ ਰਹੀ ਹੈ। ਬਹੁਤ ਹੀ ਨਾਜ਼ੁਕ ਇਸ ਮਸਲੇ ‘ਤੇ ਧਿਰਾਂ ਨੇ ਆਪਣੀ ਸਿਆਸਤ ਵੀ ਸ਼ੁਰੂ ਕਰ ਦਿੱਤੀ ਹੈ।
-ਗੁਰਪ੍ਰੀਤ ਸਿੰਘ ਸਹੋਤਾ । ਸਰੀ । ਚੜ੍ਹਦੀ ਕਲਾ
ਪਰਿਵਾਰ ਦੇ ਘਰ ‘ਤੇ ਪਹਿਲਾਂ ਵੀ ਗਈ ਸੀ ਪੁਲਸ
ਬ੍ਰਿਟਿਸ਼ ਕੋਲੰਬੀਆ ਵਿੱਚ ਰਾਇਲ ਕੈਨੇਡੀਅਨ ਮਾਊਂਟੇਡ ਪੁਲਸ (RCMP) ਦੇ ਕਮਾਂਡਰ ਅਤੇ ਡਿਪਟੀ ਕਮਿਸ਼ਨਰ ਡਵੇਨ ਮੈਕਡੋਨਲਡ ਨੇ ਇੱਕ ਪ੍ਰੈਸ ਕਾਨਫਰੰਸ ਵਿੱਚ ਕਿਹਾ ਕਿ ਪੁਲਸ ਪਹਿਲਾਂ ਦੋਸ਼ੀ ਦੇ ਘਰ ਗਈ ਸੀ। ਉਨ੍ਹਾਂ ਕਿਹਾ, “ਸਾਡੇ ਰਿਕਾਰਡ ਦਰਸਾਉਂਦੇ ਹਨ ਕਿ ਇਸ ਪਰਿਵਾਰ ਦੇ ਘਰ ਪਹਿਲਾਂ ਵੀ ਕਈ ਵਾਰ ਪੁਲਸ ਨੂੰ ਬੁਲਾਇਆ ਗਿਆ ਸੀ। ਇਨ੍ਹਾਂ ਵਿੱਚੋਂ ਕੁਝ ਮਾਮਲੇ ਮਾਨਸਿਕ ਸਿਹਤ ਮੁੱਦਿਆਂ ਨਾਲ ਸਬੰਧਤ ਸਨ।” ਹਾਲਾਂਕਿ, ਉਨ੍ਹਾਂ ਇਹ ਨਹੀਂ ਦੱਸਿਆ ਕਿ ਕੀ ਉਹ ਸ਼ਿਕਾਇਤਾਂ ਸਿੱਧੇ ਤੌਰ ‘ਤੇ ਸਕੂਲ ਹਮਲੇ ਨਾਲ ਸਬੰਧਤ ਸਨ।
ਪੀਐੱਮ ਮਾਰਕ ਕਾਰਨੀ ਦਾ ਬਿਆਨ
ਕੈਨੇਡੀਅਨ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਘਟਨਾ ਤੋਂ ਬਾਅਦ ਬਹੁਤ ਭਾਵੁਕ ਹੋ ਗਏ। ਉਨ੍ਹਾਂ ਨੇ ਇਸ ਨੂੰ “ਭਿਆਨਕ ਅਤੇ ਦਿਲ ਦਹਿਲਾਉਣ ਵਾਲੀ ਘਟਨਾ” ਦੱਸਿਆ। ਉਨ੍ਹਾਂ ਕਿਹਾ ਕਿ ਇਹ ਕੈਨੇਡੀਅਨ ਇਤਿਹਾਸ ਦੇ ਸਭ ਤੋਂ ਦੁਖਦਾਈ ਦਿਨਾਂ ਵਿੱਚੋਂ ਇੱਕ ਸੀ ਅਤੇ ਦੇਸ਼ ਇਸ ਦੁਖਾਂਤ ਨੂੰ ਦੂਰ ਕਰਨ ਲਈ ਮਿਲ ਕੇ ਕੰਮ ਕਰੇਗਾ। ਉਨ੍ਹਾਂ ਨੇ ਪੀੜਤਾਂ ਦੇ ਪਰਿਵਾਰਾਂ ਪ੍ਰਤੀ ਡੂੰਘੀ ਸੰਵੇਦਨਾ ਪ੍ਰਗਟ ਕੀਤੀ ਅਤੇ ਜ਼ਖਮੀਆਂ ਦੇ ਜਲਦੀ ਠੀਕ ਹੋਣ ਦੀ ਕਾਮਨਾ ਕੀਤੀ।
ਕੈਨੇਡਾ ‘ਚ ਬੰਦੂਕ ਕਾਨੂੰਨ ਸਖ਼ਤ, ਫਿਰ ਵੀ ਹੋਇਆ ਹਮਲਾ
ਇਸ ਗੋਲੀਬਾਰੀ ਨੂੰ ਕੈਨੇਡੀਅਨ ਇਤਿਹਾਸ ਦੇ ਸਭ ਤੋਂ ਘਾਤਕ ਸਕੂਲ ਹਮਲਿਆਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ। ਕੈਨੇਡਾ ਵਿੱਚ ਸੰਯੁਕਤ ਰਾਜ ਅਮਰੀਕਾ ਨਾਲੋਂ ਬਹੁਤ ਸਖ਼ਤ ਬੰਦੂਕ ਕਾਨੂੰਨ ਹਨ। ਇੱਥੇ, ਆਮ ਨਾਗਰਿਕਾਂ ਨੂੰ ਹਥਿਆਰ ਰੱਖਣ ਲਈ ਲਾਇਸੈਂਸ ਪ੍ਰਾਪਤ ਕਰਨ ਦੀ ਲੋੜ ਹੁੰਦੀ ਹੈ, ਸਖ਼ਤ ਜਾਂਚਾਂ ਹੁੰਦੀਆਂ ਹਨ ਅਤੇ ਨਿਯਮ ਸਖ਼ਤ ਹੁੰਦੇ ਹਨ। ਇਸ ਦੇ ਬਾਵਜੂਦ ਅਜਿਹੀ ਘਟਨਾ ਨੇ ਪੂਰੇ ਦੇਸ਼ ਨੂੰ ਹਿਲਾ ਕੇ ਰੱਖ ਦਿੱਤਾ ਹੈ।
ਜਾਂਚ ਜਾਰੀ
ਪੁਲਸ ਹੁਣ ਇਹ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ:
ਦੋਸ਼ੀ ਨੇ ਹਥਿਆਰ ਕਿਵੇਂ ਪ੍ਰਾਪਤ ਕੀਤਾ
ਕੀ ਉਸ ਨੂੰ ਪਹਿਲਾਂ ਤੋਂ ਸਹਾਇਤਾ ਮਿਲ ਰਹੀ ਸੀ
ਕੀ ਸਕੂਲ ਜਾਂ ਪਰਿਵਾਰ ਨੇ ਸਮੇਂ ਸਿਰ ਚੇਤਾਵਨੀ ਸੰਕੇਤਾਂ ਵੱਲ ਧਿਆਨ ਦਿੱਤਾ
ਜਾਂਚ ਇਸ ਸਮੇਂ ਚੱਲ ਰਹੀ ਹੈ, ਅਤੇ ਆਉਣ ਵਾਲੇ ਦਿਨਾਂ ਵਿੱਚ ਹੋਰ ਜਾਣਕਾਰੀ ਸਾਹਮਣੇ ਆ ਸਕਦੀ ਹੈ।
ਟਰੰਪ ਨੇ ਕੈਨੇਡਾ-ਅਮਰੀਕਾ ਵਿਚਾਲੇ ਪੁਲ਼ ਬੰਦ ਕਰਨ ਦੀ ਧਮਕੀ ਦਿੱਤੀ
-ਜਾਅਲੀ ਸ਼ਰਨਾਰਥੀ ਰੋਕਣ ਲਈ ਕੰਜ਼ਰਵਟਿਵਜ਼ ਨੇ ਮਤਾ ਤਿਆਰ ਕੀਤਾ
-ਪੁਲਿਸ ਚੀਫ ਨੇ ਕਨੂੰਨ ‘ਚ ਤਬਦੀਲੀ ਤੇ ਫੋਨਾਂ ਤੱਕ ਪਹੁੰਚ ਮੰਗੀ
-ਇੱਕ ਹੋਰ ਪੰਜਾਬੀ ਟਰੱਕ ਚਾਲਕ ਡਰੱਗ ਸਮੇਤ ਗ੍ਰਿਫਤਾਰ
-ਫਲਸਤੀਨੀਆਂ ‘ਤੇ ਵਰਤੇ ਗਏ ਸਵਾਹ ਕਰ ਦੇਣ ਵਾਲੇ ਹਥਿਆਰ
-ਮਨੀਪੁਰ ‘ਚ ਲੋਕਾਂ ਤੇ ਫੌਜ ਵਿਚਾਲੇ ਟਕਰਾਅ ਸ਼ੁਰੂ
ਕੈਨੇਡਾ -ਸਮੂਹਿਕ ਕਤਲੇਆਮ ਦੇ ਕਥਿਤ ਦੋਸ਼ੀ ਨੂੰ ਪੁਲਿਸ ਨੇ ਮਾਨਸਿਕ ਰੋਗੀ ਦੱਸਿਆ
-ਕਿਊਬੈੱਕ ‘ਚ ਪਿਓ ਨੇ ਦੋ ਬੱਚੇ ਮਾਰ ਕੇ ਖੁਦਕੁਸ਼ੀ ਕੀਤੀ
-ਕੈਨੇਡਾ ਵਿੱਚ ਫੈਮਲੀ ਡਾਕਟਰਾਂ ਦੀ ਘਾਟ ਕੁਦਰਤੀ ਵਰਤਾਰਾ ਨਹੀਂ
-ਟਰੰਪ ਦੇ ਫੈਸਲੇ ਨੇ ਕਿਊਬਾ ‘ਚ ਲੋਕਾਂ ਦੀ ਜ਼ਿੰਦਗੀ ਦੁੱਭਰ ਕੀਤੀ
-ਅਮਰੀਕਨ ਵਪਾਰ ਸਕੱਤਰ ਦਾ ਨਾਂ ਐਪਸਟਾਈਨ ਫਾਈਲਾਂ ‘ਚ
-ਪਿੰਡ ‘ਚ ਹੀ ਵਿਆਹ ਕਰਨ ‘ਤੇ ਪੰਚਾਇਤੀ ਪਾਬੰਦੀਆਂ ਲੱਗਣ ਲੱਗੀਆਂ
