Breaking News
Home / ਦੇਸ਼ / ਬੰਗਲਾਦੇਸ਼ ਦੀ ਅਜ਼ਾਦੀ ਲਈ ਮੈਂ ਜੇਲ ਗਿਆ ਸੀ – ਮੋਦੀ

ਬੰਗਲਾਦੇਸ਼ ਦੀ ਅਜ਼ਾਦੀ ਲਈ ਮੈਂ ਜੇਲ ਗਿਆ ਸੀ – ਮੋਦੀ

ਮੋਦੀ ਨੇ ਬੰਗਲਾਦੇਸ਼ ‘ਚ ਜਾ ਕੇ ਮਾਰੀ ਕਿੰਗ ਸਾਈਜ਼ ਗੱਪ- ਝੂਠ ਬੋਲਣਾ ਤਾਂ ਏਨੇ ਭਰੋਸੇ ਨਾਲ ਬੋਲੋ ਕਿ ਸੱਚ ਨੂੰ ਵੀ ਲੱਗੇ ਕਿ ਕਿਤੇ ਮੈਂ ਝੂਠਾ ਤਾਂ ਨਹੀਂ।
ਇਸੇ ਫ਼ਾਰਮੂਲੇ ‘ਤੇ ਚੱਲਦਿਆਂ ਮੋਦੀ ਨੇ ਬੰਗਲਾਦੇਸ਼ ਜਾ ਕੇ ਗੱਪ ਮਾਰੀ ਕਿ ਜਦ ਉਹ 20-22 ਸਾਲ ਦੇ ਸਨ ਤਾਂ ਆਪਣੇ ਦੋਸਤਾਂ ਸਮੇਤ ਉਨ੍ਹਾਂ ਬੰਗਲਾਦੇਸ਼ ਦੀ ਆਜ਼ਾਦੀ ਲਈ ਸੱਤਿਆਗ੍ਰਹਿ ਕੀਤਾ ਸੀ। ਇਸ ਕਾਰਨ ਉਨ੍ਹਾਂ ਦੀ ਗ੍ਰਿਫ਼ਤਾਰੀ ਵੀ ਹੋਈ ਸੀ। ਕੋਈ ਵੱਡੀ ਗੱਲ ਨੀ ਕਿ ਪਾਕਿਸਤਾਨ ਗਇਓ ਕਹਿ ਦੇਣ ਕਿ ਪਾਕਿਸਤਾਨ ਦੀ ਆਜ਼ਾਦੀ ਲਈ ਵੀ ਇਹ ਆਪਣੇ ਦੋਸਤਾਂ ਸਮੇਤ ਭਗਤ ਸਿੰਘ ਹੁਣਾਂ ਨਾਲ ਰਲ਼ ਕੇ ਜ਼ੋਰ ਲਾ ਰਹੇ ਸਨ, ਜਨਮ ਬੇਸ਼ੱਕ ਬਾਅਦ ਦਾ ਹੀ ਹੋਵੇ। ਵੈਸੇ ਇਹ ਤਾਂ ਸੱਚ ਹੈ ਕਿ ਅਫਰੀਕਨ ਲੋਕਾਂ ਲਈ ਜੂਝਦਿਆਂ ਮੋਦੀ ਨੇ ਮੰਡੇਲਾ ਨਾਲ ਚਾਰ ਸਾਲ ਜੇਲ੍ਹ ਕੱਟੀ।
-ਗੁਰਪ੍ਰੀਤ ਸਿੰਘ ਸਹੋਤਾ | ਸਰੀ | ਚੜ੍ਹਦੀ ਕਲਾ

ਨਰਿੰਦਰ ਮੋਦੀ ਅੱਜ ਬੰਗਲਾਦੇਸ਼ ਦੀ ਆਜ਼ਾਦੀ ਦੇ ਗੋਲਡਨ ਜੁਬਲੀ ਸਮਾਰੋਹਾਂ ‘ਚ ਸ਼ਾਮਲ ਹੋਏ। ਢਾਕਾ ਦੇ ਰਾਸ਼ਟਰੀ ਪਰੇਡ ਸਕੁਵੇਅਰ ਵਿਖੇ ਹੋਏ ਇੱਕ ਸਮਾਰੋਹ ਵਿੱਚ, ਉਨ੍ਹਾਂ ਕਿਹਾ ਕਿ ਬੰਗਲਾਦੇਸ਼ ਦੀ ਆਜ਼ਾਦੀ ਲਈ ਸੰਘਰਸ਼ ਵਿੱਚ ਸ਼ਾਮਲ ਹੋਣਾ ਮੇਰੀ ਜਿੰਦਗੀ ਦੀ ਪਹਿਲੀ ਲਹਿਰ ਸੀ। ਉਨ੍ਹਾਂ ਬੰਗਲਾਦੇਸ਼ ਦੀ ਆਜ਼ਾਦੀ ਵਿੱਚ ਸਾਬਕਾ ਪ੍ਰਧਾਨ ਮੰਤਰੀ ਇੰਦਰਾ ਗਾਂਧੀ ਦੇ ਯੋਗਦਾਨ ਨੂੰ ਵੀ ਯਾਦ ਕੀਤਾ।

ਪ੍ਰਧਾਨ ਮੰਤਰੀ ਨੇ ਕਿਹਾ, “ਬੰਗਲਾਦੇਸ਼ ਦੇ ਆਜ਼ਾਦੀ ਸੰਗਰਾਮ ਦਾ ਸਮਰਥਨ ਭਾਰਤ ਦੇ ਹਰ ਕੋਨੇ ਤੋਂ, ਹਰ ਪਾਰਟੀ ਤੋਂ, ਸਮਾਜ ਦੇ ਹਰ ਵਰਗ ਤੋਂ ਕੀਤਾ ਗਿਆ ਸੀ। ਤਤਕਾਲੀ ਪ੍ਰਧਾਨ ਮੰਤਰੀ ਸ੍ਰੀਮਤੀ ਇੰਦਰਾ ਗਾਂਧੀ ਦੇ ਯਤਨਾਂ ਅਤੇ ਉਨ੍ਹਾਂ ਦੀ ਮਹੱਤਵਪੂਰਣ ਭੂਮਿਕਾ ਚੰਗੀ ਤਰ੍ਹਾਂ ਜਾਣੀ ਜਾਂਦੀ ਹੈ। ਇਸ ਦੇ ਨਾਲ ਹੀ 6 ਦਸੰਬਰ, 1971 ਨੂੰ ਅਟਲ ਬਿਹਾਰੀ ਵਾਜਪਾਈ ਨੇ ਕਿਹਾ ਕਿ ਅਸੀਂ ਸਿਰਫ ਉਨ੍ਹਾਂ ਲਈ ਨਹੀਂ ਲੜ ਰਹੇ ਜਿਨ੍ਹਾਂ ਨੇ ਆਜ਼ਾਦੀ ਸੰਗਰਾਮ ‘ਚ ਆਪਣੀ ਜਾਨ ਕੁਰਬਾਨ ਕੀਤੀ, ਅਸੀਂ ਇਤਿਹਾਸ ਨੂੰ ਇਕ ਨਵੀਂ ਦਿਸ਼ਾ ਦੇਣ ਦੀ ਕੋਸ਼ਿਸ਼ ਵੀ ਕਰ ਰਹੇ ਹਾਂ।”

ਪੀਐਮ ਮੋਦੀ ਨੇ ਕਿਹਾ, “ਮੇਰੀ ਉਮਰ 20-22 ਸਾਲ ਹੋਵੇਗੀ ਜਦੋਂ ਮੈਂ ਅਤੇ ਮੇਰੇ ਕਈ ਸਾਥੀਆਂ ਨੇ ਬੰਗਲਾਦੇਸ਼ ਦੇ ਲੋਕਾਂ ਦੀ ਆਜ਼ਾਦੀ ਲਈ ਸੱਤਿਆਗ੍ਰਹਿ ਕੀਤਾ ਸੀ। ਮੈਂ ਆਜ਼ਾਦੀ ਦੇ ਹੱਕ ‘ਚ ਗ੍ਰਿਫ਼ਤਾਰੀ ਦਿੱਤੀ ਅਤੇ ਜੇਲ੍ਹ ਜਾਣ ਦਾ ਮੌਕਾ ਵੀ ਆਇਆ।

ਉਨ੍ਹਾਂ ਕਿਹਾ, “ਮੈਂ ਬੰਗਲਾਦੇਸ਼ ਦੇ ਆਪਣੇ ਭਰਾਵਾਂ ਅਤੇ ਭੈਣਾਂ, ਇੱਥੋਂ ਦੀ ਨੌਜਵਾਨ ਪੀੜ੍ਹੀ ਨੂੰ ਬਹੁਤ ਮਾਣ ਨਾਲ ਇੱਕ ਹੋਰ ਗੱਲ ਯਾਦ ਕਰਾਉਣਾ ਚਾਹਾਂਗਾ। ਬੰਗਲਾਦੇਸ਼ ਦੀ ਆਜ਼ਾਦੀ ਦੇ ਸੰਘਰਸ਼ ‘ਚ ਸ਼ਾਮਲ ਹੋਣਾ ਮੇਰੀ ਜ਼ਿੰਦਗੀ ਦੀ ਪਹਿਲੀ ਲਹਿਰ ‘ਚੋਂ ਇਕ ਸੀ।”

ਪ੍ਰਧਾਨ ਮੰਤਰੀ ਮੋਦੀ ਨੇ ਕਿਹਾ ਕਿ ਇੱਥੋਂ ਦੇ ਲੋਕ ਅਤੇ ਅਸੀਂ ਭਾਰਤੀ ਇਕ ਉਮੀਦ ਦੀ ਕਿਰਨ ਸੀ – ਬੰਗੋਬੰਧੂ ਸ਼ੇਖ ਮੁਜੀਬੁਰ ਰੋਹਮਾਨ। ਬੰਗੋਬੰਧੂ ਦੀ ਹਿੰਮਤ ਨਾਲ, ਉਸ ਦੀ ਲੀਡਰਸ਼ਿਪ ਨੇ ਫੈਸਲਾ ਲਿਆ ਸੀ ਕਿ ਕੋਈ ਵੀ ਤਾਕਤ ਬੰਗਲਾਦੇਸ਼ ਨੂੰ ਗ਼ੁਲਾਮ ਨਹੀਂ ਰੱਖ ਸਕਦੀ।

About admin

Check Also

ਯੋਗੀ ਨੇ ਕੱਢੀ ਚਲਦੀ ਇੰਟਰਵਿਊ ‘ਚ ਗਾ ਲ੍ਹ ਦੀ ਵੀਡੀਉ ਵਾਇਰਲ, ਯੋਗੀ ਦੀ ਟੀਮ ਨੇ ਕਿਹਾ ਫੇਕ ਹੈ ਵੀਡੀਉ, ਜਾਂਚ ਦੇ ਹੁਕਮ

ਯੋਗੀ ਅਦਿਤਿਆਨਾਥ ਨੇ ਕੱਢੀ ਚਲਦੀ ਇੰਟਰਵਿਊ ‘ਚ ਗਾ ਲ੍ਹ ਦੀ ਵੀਡੀਉ ਵਾਇਰਲ, ਯੋਗੀ ਦੀ ਟੀਮ …

%d bloggers like this: