Spectrum Punjab Punjab's most credible source of news
Related Articles
ਪ੍ਰਕਾਸ਼ ਸਿੰਘ ਬਾਦਲ ਦੀ ਜਿਹੜੀ ਅੱਜ ਇਤਿਹਾਸ ਵਿੱਚ ਵਿਲੱਖਣ ਥਾਂ ਬਣੀ ਹੈ, ਉਸਨੇ ਪੀੜਿਤ ਸਿੱਖ ਮਨਾਂ ਨੂੰ ਸਕੂਨ ਦਿੱਤਾ ਹੈ।
ਜਿਵੇਂ ਸੁਖਬੀਰ ਸਿੰਘ ਬਾਦਲ ਨੂੰ ਸਪਸ਼ਟ ਰੂਪ ਵਿੱਚ ਆਪਣੇ ਗੁਨਾਹ ਕਬੂਲ ਕਰਨੇ ਪਏ, ਉਸਨੇ ਵੀ ਸੰਤੁਸ਼ਟੀ ਦਿੱਤੀ।
ਅਸਲ ਵਿੱਚ ਵੱਡਾ ਬਾਦਲ ਸੁਖਬੀਰ ਲਈ ਇਹੀ ਵਿਰਾਸਤ ਛੱਡ ਕੇ ਗਿਆ ਸੀ।
ਹੁਣ ਜਦੋਂ ਉਸਨੇ ਇਹ ਗੁਨਾਹ ਜਨਤਕ ਤੌਰ ‘ਤੇ ਕਬੂਲ ਕਰ ਲਏ ਨੇ ਤੇ ਤਨਖਾਹ ਵੀ ਲੱਗ ਗਈ ਹੈ ਤਾਂ ਉਸ ਨੂੰ ਉਨ੍ਹਾਂ ਬੰਦਿਆਂ ਦੇ ਨਾਂ ਵੀ ਜਨਤਕ ਕਰ ਦੇਣੇ ਚਾਹੀਦੇ ਨੇ, ਜਿਨ੍ਹਾਂ ਨੇ ਇਸ ਦੀ ਸੌਦੇ ਸਾਧ ਨਾਲ ਸੌਦੇਬਾਜ਼ੀ ਦੀ ਸਲਾਹ ਦਿੱਤੀ ਜਾਂ ਇਸ ਨੂੰ ਇਹ ਕਿਹਾ ਸੀ ਕਿ ਇਹ ਫਾਇਦੇਮੰਦ ਹੋਵੇਗਾ।
ਸਾਨੂੰ ਹਾਲੇ ਵੀ ਇਹ ਕਹਿਣ ਵਿੱਚ ਕੋਈ ਗੁਰੇਜ਼ ਨਹੀਂ ਕਿ ਸੁਖਬੀਰ ਆਪ ਜਿਹੋ ਜਿਹਾ ਵੀ ਹੈ, ਇਸ ਦਾ ਜਿਆਦਾ ਨੁਕਸਾਨ ਇਸ ਦੇ ਸਲਾਹਕਾਰਾਂ ਨੇ ਕਰਾਇਆ ਹੈ।
ਉਮੀਦ ਹੈ ਇਨ੍ਹਾਂ ਦੇ ਗੁਨਾਹਾਂ ਦੀ ਗੱਲ ਕਰਨ ਵਾਲਿਆਂ ਨੂੰ ਹੁਣ ਬਾਦਲ ਦਲ ਦੇ ਸਮਰਥਕ ਕਾਂਗਰਸੀ ਏਜੰਟ ਨਹੀਂ ਕਹਿਣਗੇ। ਵੈਸੇ ਉਨ੍ਹਾਂ ਦੇ ਕਹਿਣ ਨਾਲ ਕੋਈ ਫਰਕ ਵੀ ਨਹੀਂ ਸੀ ਪੈਂਦਾ। ਪਰ ਇਹ ਗੱਲ ਸਮਝਣੀ ਉਨ੍ਹਾਂ ਦੇ ਆਪਣੇ ਹਿੱਤ ਵਿੱਚ ਹੀ ਹੈ।
ਬਾਕੀ ਅੱਜ ਵਾਲੇ ਵਰਤਾਰੇ ਅਤੇ ਫੈਸਲੇ ਦੀ ਵਿਆਖਿਆ ਹਾਲੇ ਅਗਾਂਹ ਵੀ ਹੋਵੇਗੀ।
#Unpopular_Opinions
#Unpopular_Ideas
#Unpopular_Facts
ਸਰਦਾਰ ਕਰਮਜੀਤ ਸਿੰਘ ਪੰਜਾਬੀ ਟ੍ਰਿਬਿਊਨ ਵਾਲਿਆਂ ਦੀ ਲਿਖਤ ।—
+ਹਰ ਕੋਈ ਹੈਰਾਨ। ਹੈਰਾਨ।। ਹੈਰਾਨ।।। ਪਰ ਖੁਫੀਆ ਏਜੰਸੀਆਂ ਅਤੇ ਦਿੱਲੀ ਪਰੇਸ਼ਾਨ।
+ਇੱਕ ਪਰਿਵਾਰ ਪਾਰਟੀ ਦਾ ਭੋਗ ਅਤੇ ਖਾਲਸਾ ਪਰਿਵਾਰ ਪਾਰਟੀ ਲਈ ਰਾਹ ਪੱਧਰੇ।
+ਧਾਰਮਿਕ ਸਜ਼ਾਵਾਂ ਵੀ ਸਖਤ ਪਰ ਰਾਜਨੀਤਿਕ ਸਜ਼ਾਵਾਂ ਉਸ ਤੋਂ ਵੀ ਸਖਤ।
+ਸੁਖਬੀਰ ਬਾਦਲ ਪੂਰੀ ਤਰ੍ਹਾਂ ਤੇ ਸੱਚਮੁੱਚ ਸਮਰਪਿਤ ਨਜ਼ਰ ਆਏ।
+ਜਥੇਦਾਰ ਦਾ ਰੁਤਬਾ ਇਕ ਵਾਰ ਮੁੜ ਬੁਲੰਦ ਹੋਇਆ।
+ਪ੍ਰਕਾਸ਼ ਸਿੰਘ ਬਾਦਲ ਨੂੰ ਮਿਲਿਆ ਫਖਰ-ਏ-ਕੌਮ ਦਾ ਰੁਤਬਾ ਖਤਮ।
ਕਰਮਜੀਤ ਸਿੰਘ ਚੰਡੀਗੜ੍ਹ ਸੀਨੀਅਰ ਪੱਤਰਕਾਰ
ਅਕਾਲ ਤਖਤ ਸਾਹਿਬ ਦੀ ਫਸੀਲ ਤੋਂ ਅੱਜ 2 ਦਸੰਬਰ 2024 ਨੂੰ ਜਥੇਦਾਰ ਸਿੰਘ ਸਾਹਿਬ ਭਾਈ ਰਘਬੀਰ ਸਿੰਘ ਵੱਲੋਂ ਸਿੱਖ ਆਗੂਆਂ ਨੂੰ ਸਜ਼ਾਵਾਂ ਦੇ ਜੋ ਐਲਾਨ ਕੀਤੇ ਗਏ,ਉਸ ਬਾਰੇ ਹਾਲ ਦੀ ਘੜੀ ਇਹ ਕਿਹਾ ਜਾ ਸਕਦਾ ਹੈ ਕਿ ਇਹ ਐਲਾਨ ਸੱਚਮੁੱਚ ਹੈਰਾਨ ਕਰ ਦੇਣ ਵਾਲੇ ਹਨ। ਬਾਗੀ ਅਕਾਲੀ ਆਗੂ ਵੀ ਹੈਰਾਨ, ਦਾਗੀ ਅਕਾਲੀ ਆਗੂ ਵੀ ਹੈਰਾਨ ਅਤੇ ਜੇ ਸੱਚ ਪੁੱਛੋ ਤਾਂ ਸਮੁੱਚੀ ਕੌਮ ਵੀ ਹੈਰਾਨ।
ਅਜੇ ਫੈਸਲੇ ਦੇ ਹਰ ਸ਼ਬਦ,ਹਰ ਵਾਕ ਨੂੰ ਚੰਗੀ ਤਰ੍ਹਾਂ ਘੋਖ ਕੇ ਪੜਨ ਮਗਰੋਂ ਹੀ ਫੈਸਲੇ ਦੀ ਨਿਰਪੱਖ ਵਿਆਖਿਆ ਕੀਤੀ ਜਾਵੇਗੀ।ਪਰ ਅੱਜ ਮੀਰੀ ਪੀਰੀ ਦੇ ਸ਼ਹਿਨਸ਼ਾਹ ਦੀ ਕਲਾ ਜ਼ਰੂਰ ਵਰਤੀ ਹੈ ਅਤੇ ਫੈਸਲਿਆਂ ਬਾਰੇ ਸ਼ੱਕ ਦੇ ਆਧਾਰ ਤੇ ਕੀਤੀਆਂ ਤਮਾਮ ਕਿਆਸ ਅਰਾਈਆਂ ਨੂੰ ਵੱਡੀ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ ।ਸਿੰਘ ਸਾਹਿਬਾਨ ਦਾ ਰੁਤਬਾ ਬੁਲੰਦ ਰੂਪ ਵਿੱਚ ਅੱਜ ਸਾਡੇ ਸਾਹਮਣੇ ਆਇਆ ਹੈ।
ਧਾਰਮਿਕ ਸਜ਼ਾ ਵੀ ਸਖਤ ਸੀ ਅਤੇ ਰਾਜਨੀਤਿਕ ਸਜ਼ਾ ਉਸ ਤੋਂ ਵੀ ਕਿਤੇ ਸਖਤ ਸੀ ਤੇ ਹੈਰਾਨਕੁਨ ਵੀ। ਪਹਿਲਾਂ ਧਾਰਮਿਕ ਸਜ਼ਾਵਾਂ ਰਸਮੀ ਜਿਹੀਆਂ ਹੁੰਦੀਆਂ ਸਨ ਅਤੇ ਰਾਜਨੀਤਿਕ ਸਜ਼ਾ ਦਾ ਤਾਂ ਜਿਵੇਂ ਰਿਵਾਜ ਹੀ ਖਤਮ ਹੋ ਗਿਆ ਸੀ ।ਅੱਜ ਇਉਂ ਲੱਗਿਆ ਜਿਵੇਂ ਪੀਰੀ ਦੇ ਆਧਾਰ ਤੇ ਹੀ ਮੀਰੀ ਦੇ ਫੈਸਲੇ ਕੀਤੇ ਗਏ ਹਨ ਜੋ ਭਵਿੱਖ ਲਈ ਵੱਡੇ ਮਾਪ ਬਣਨਗੇ ।
ਅੱਜ ਦੁਨੀਆ ਵੀ ਤੇ ਕੌਮ ਦੇ ਆਗੂਆਂ ਨੂੰ ਵੀ ਇਹ ਅਹਿਸਾਸ ਪੈਦਾ ਹੋਇਆ ਹੈ ਕਿ ਇੰਝ ਹੋਣਾ ਚਾਹੀਦਾ ਹੈ ਧਰਮ ਤੇ ਇੰਝ ਹੋਣੀ ਚਾਹੀਦੀ ਹੈ ਸਿੱਖ ਰਾਜਨੀਤੀ ।
ਸਿੱਖ ਆਗੂਆਂ ਦੇ ਗਲਾਂ ਵਿੱਚ ਲਟਕਾਈਆਂ ਤਖਤੀਆਂ ਹੁਣ ਇਹ ਦੱਸਣਗੀਆਂ ਕਿ ਇਹ ਦੋਸ਼ੀ ਸਿੱਧ ਹੋਏ ਹਨ ।ਟਾਇਲਟ ਸਾਫ ਕਰਨ ਦੀ ਸੇਵਾ ਬਾਰੇ ਤਾਂ ਨਵੀਆਂ ਨਵੀਆਂ ਵਿਆਖਿਆਵਾਂ ਜ਼ਰੂਰ ਹੋਣਗੀਆਂ।
ਪ੍ਰਕਾਸ਼ ਸਿੰਘ ਬਾਦਲ ਨੂੰ ਫਖਰੇ ਕੌਮ ਦਾ ਖਿਤਾਬ ਵਾਪਸ ਲੈਣ ਦਾ ਫੈਸਲਾ ਇਹ ਦੱਸਦਾ ਹੈ ਕਿ ਵਕਤ ਆਉਣ ਤੇ ਅਕਾਲ ਤਖਤ ਸਾਹਿਬ ਦਾ ਜਥੇਦਾਰ ਬਹੁਤ ਦੂਰ ਤੱਕ ਜਾ ਸਕਦਾ ਹੈ। ਇਹ ਵੱਡੇ ਬਾਦਲ ਨੇ ਹੀ ਸਮੇਂ ਤੇ ਸਮੇਂ ਤੋਂ ਉੱਪਰ ਉੱਠ ਕੇ ਸੋਚ ਸਕਣ ਵਾਲੇ ਅਕਾਲੀ ਦਲ ਨੂੰ ਪੰਜਾਬੀ ਪਾਰਟੀ ਬਣਾ ਕੇ ਸਿੱਖੀ ਦੀ ਪ੍ਰਭੂ ਸੱਤਾ ਤੇ ਨਿਆਰੀ ਹੋਂਦ ਨੂੰ ਦੂਜੇ ਨੰਬਰ ਤੇ ਕਰ ਦਿੱਤਾ ਸੀ। ਹੁਣ ਅਕਾਲੀ ਦਲ ਮੁੜ ਸੁਰਜੀਤ ਹੋਵੇਗਾ ਅਤੇ ਯਕੀਨਨ ਚੜ੍ਹਦੀ ਜਵਾਨੀ ਨੂੰ ਇਸ ਵਿੱਚ ਪਰਮੁੱਖ ਥਾਂ ਹਾਸਲ ਹੋਏਗੀ ।
ਆਪਾਂ ਕਹਿ ਸਕਦੇ ਹਾਂ ਕਿ ਇੱਕ ਪਰਿਵਾਰ ਦੀ ਪਾਰਟੀ ਅੱਜ ਖਤਮ ਹੋਈ ਤੇ ਖਾਲਸਾ ਪਰਿਵਾਰ ਦੀ
ਪਾਰਟੀ ਕਾਇਮ ਹੋਣ ਦੇ ਰਾਹ ਪੱਧਰੇ ਹੋਏ। ਹਾਂ,ਅਜੇ ਇਹ ਗੱਲ ਪੂਰੀ ਤਰ੍ਹਾਂ ਸਪਸ਼ਟ ਨਹੀਂ ਹੋਈ ਕਿ ਡੈਲੀਗੇਟਾਂ ਦੀ ਚੋਣ ਕਿਵੇਂ ਹੋਵੇਗੀ ਅਤੇ ਸਿਫਾਰਸ਼ੀ ਤੇ ਅਸਰ ਸੂਖ ਵਾਲੇ ਅਨਸਰ ਤਾਂ ਪਾਰਟੀ ਉੱਤੇ ਕਿਤੇ ਮੁੜ ਕਾਬਜ਼ ਤਾਂ ਨਹੀਂ ਹੋ ਜਾਣਗੇ ।
ਇਹ ਗੱਲ ਮੰਨਣ ਤੋਂ ਮੈਨੂੰ ਸੰਕੋਚ ਨਹੀਂ ਕਿ ਸੁਖਬੀਰ ਸਿੰਘ ਬਾਦਲ ਅੱਜ ਸੱਚਮੁੱਚ ਪੂਰੀ ਤਰ੍ਹਾਂ ਸਮਰਪਤ ਨਜ਼ਰ ਆਏ ।ਉਹਨਾਂ ਦੇ ਜਵਾਬਾਂ ਵਿੱਚ ਸੁੱਚੀ ਨਿਮਰਤਾ ਦੀ ਝਲਕ ਸੀ।
ਰੰਗੀ ਤੇ ਕੱਟੀ ਦਾੜੀ ਵਾਲੇ ਮਨਪ੍ਰੀਤ ਬਾਦਲ ਨਾਲ ਤਾਂ ਜਿਵੇਂ ਬੁਰੀ ਹੋਈ ਪਰ ਇਸ ਤੋਂ ਪਤਾ ਲੱਗਦਾ ਹੈ ਕਿ ਫੈਸਲਾ ਕਰਨ ਵਾਲੇ ਇਸ ਹੱਦ ਤੱਕ ਤਿਆਰ ਸਨ ।
ਜੋ ਐਲਾਨ ਅੱਜ ਹੋਏ ਉਸ ਨਾਲ ਦਿੱਲੀ ਨੂੰ ਅਤੇ ਖਾਸ ਕਰਕੇ ਖੁਫੀਆਂ ਏਜੰਸੀਆਂ ਨੂੰ ਸਿੱਖ ਕੌਮ ਬਾਰੇ ਨਵੀਆਂ ਰਣਨੀਤੀਆਂ ਘੜਨੀਆਂ ਪੈਣਗੀਆਂ ।ਦਮਦਮਾ ਸਾਹਿਬ ਦੇ ਜਥੇਦਾਰ ਸਿੰਘ ਸਾਹਿਬ ਗਿਆਨੀ ਹਰਪ੍ਰੀਤ ਸਿੰਘ ਦੀਆਂ ਸਿਧਾਂਤਕ ਤਕਰੀਰਾਂ ਨੇ ਵੀ ਵੈਸੇ ਇਸ਼ਾਰਾ ਕਰ ਦਿੱਤਾ ਸੀ ਕਿ ਆਉਣ ਵਾਲਾ ਫੈਸਲਾ ਕਿਸ ਤਰ੍ਹਾਂ ਹੋਵੇਗਾ।
ਅੱਜ ਦੇ ਐਲਾਨ ਵਿੱਚ ਮਿਲੀ ਇਹ ਖੁਸ਼ੀ ਵੀ ਬਹੁਤ ਵੱਡੀ ਤੇ ਹੈਰਾਨ ਕਰ ਦੇਣ ਵਾਲੀ ਸੀ ਕਿ ਸਿੱਖੀ ਸਿਧਾਂਤਾਂ ਮੁਤਾਬਕ ਅਕਾਲ ਤਖਤ ਦਾ ਜਥੇਦਾਰ ਵੀ ਜੇਕਰ ਕੁਤਾਹੀ ਕਰਦਾ ਹੈ ਤਾਂ ਉਹ ਵੀ ਸਜ਼ਾ ਦੇ ਘੇਰੇ ਵਿੱਚ ਆ ਸਕਦਾ ਹੈ।
ਇਸ ਸਬੰਧ ਵਿੱਚ ਸਾਬਕਾ ਜਥੇਦਾਰ ਗਿਆਨੀ ਗੁਰਬਚਨ ਸਿੰਘ ਨੂੰ ਮਿਲੀ ਸਜ਼ਾ ਤੋਂ ਸਭ ਲੋਕਾਂ ਨੂੰ ਅਤੇ ਆਉਣ ਵਾਲੇ ਜਥੇਦਾਰਾਂ ਨੂੰ ਇਹ ਸਬਕ ਮਿਲਦਾ ਹੈ ਕਿ ਆਉਣ ਵਾਲੇ ਕੱਲ ਨੂੰ ਜੇਕਰ ਕੋਈ ਵੀ ਜਥੇਦਾਰ ਰਾਜਨੀਤੀ ਦੀ ਚਕਾਚੌਂਧ ਅਤੇ ਡਰ ਤੋਂ ਪ੍ਰਭਾਵਿਤ ਹੋ ਕੇ ਕੋਈ ਵੀ ਗੈਰ- ਸਿਧਾਂਤਕ ਫੈਸਲਾ ਕਰਦਾ ਹੈ ਤਾਂ ਕੌਮ ਉਸ ਨੂੰ ਵੀ ਕਟਹਿਰੇ ਵਿੱਚ ਖੜਾ ਕਰ ਸਕਦੀ ਹੈ।
Sri Akal Takht Sahib Jathedar Gaini Raghbir singh ordered Akali Dal core committee to accept the resignation of Sukhbir Singh Badal & others, sent to Sri Akal Takht Sahib.
Sukhbir Singh Badal & several cabinet ministers appearing before Sri Akal Takht Sahib accepted “mistakes” done by them during their govt tenure (2007-2017) . Sri Akal Takht Sahib to sooner order the Punishment “Tankha” called in Sikh Tradition.
#Punjab
Amritsar, Punjab: Akal Takht Jathedar Giani Raghbir Singh convenes a meeting of Sikh clergies to address Panthic matters, including issues related to the Shiromani Akali Dal (SAD) that are currently under consideration.
Amritsar, Punjab: Former MP Sukhdev Singh Dhindsa says, “For me, the orders of the Sri Akal Takht Sahib are equivalent to the orders of God. We accept the decision of Sri Akal Takht Sahib and we will follow it…”
“He is our leader, when he complained at Akal Takht, we did not say anything. We want to own our mistakes and apologise. No argument happens here, Guru knows everything. We will abide by the decision of Akal Takht. These three months are not important, Sukhbir Singh Badal could not conduct political activities, rather more important is dignity of religious institutions. We will cover it in future. We will accept the decision,” says senior leader of SAD Daljit Singh Cheema (@drcheemasad) as Akal Takht is expected to decide about religious punishment of party leader Sukhbir Singh Badal today.
-ਅਕਾਲ ਤਖਤ ਸਾਹਿਬ ਤੋਂ ਚਿਰਾਂ ਬਾਅਦ ਦਿਸਿਆ ਅਲੌਕਿਕ ਵਰਤਾਰਾ
-ਵੱਡੇ ਬਾਦਲ ਨੂੰ ਦਿੱਤਾ ‘ਫਖਰ-ਏ-ਕੌਮ’ ਸਨਮਾਨ ਵਾਪਸ ਲਿਆ
-ਸੁਖਬੀਰ ਬਾਦਲ ਨੂੰ ਆਪਣੇ ਗੁਨਾਹ ਕਬੂਲ ਕਰਨੇ ਪਏ
-ਲੋਕਾਂ ਨੂੰ ਗਾਲ੍ਹਾਂ ਕੱਢਣ ਵਾਲੇ ਝੋਲੀਚੁੱਕ ਵੀ ਹੁਣ ਭੁੱਲਾਂ ਬਖਸ਼ਾ ਲੈਣ