Related Articles
“Dharmasthala Temple Town Shocked by Allegations of Hundreds of Murders and Cover-Ups”
ਧਰਮਸਥਲਾ ਮੰਦਰ ਦੇ ਸਾਬਕਾ ਕਰਮਚਾਰੀ ਦੀ ਗਵਾਹੀ: ਸੈਂਕੜੇ ਕਤਲਾਂ ਅਤੇ ਸਰੀਰਕ ਸ਼ੋਸ਼ਣ ਦਾ ਸਨਸਨੀਖੇਜ਼ ਪਰਦਾਫਾਸ਼
ਕਰਨਾਟਕ ਦੇ ਮਸ਼ਹੂਰ ਮੰਦਰ ‘ਚ ਅਨੇਕਾਂ ਔਰਤਾਂ-ਬੱਚੀਆਂ ਮਾਰਨ ਦਾ ਦੋਸ਼
ਕਰਨਾਟਕ ਦੇ ਧਰਮਸਥਲਾ ਮੰਦਰ ਦੇ ਸਾਬਕਾ ਕਰਮਚਾਰੀ ਨੇ ਮੰਦਰ ਦੇ ਕੁਝ ਪ੍ਰਬੰਧਕਾਂਵਲੋਂ ਦਰਜਨਾਂ ਔਰਤਾਂ ਤੇ ਬੱਚੀਆਂ ਮਾਰ ਕੇ ਦਬਾਉਣ ਦਾ ਪਰਦਾਫਾਸ਼ ਕੀਤਾ ਹੈ।
ਦੱਖਣ ਵਿੱਚ ਪੱਛਮੀ ਘਾਟ ਦੀਆਂ ਢਲਾਨਾਂ ‘ਤੇ ਵਸਿਆ, ਧਰਮਸਥਲਾ ਇੱਕ 800 ਸਾਲ ਪੁਰਾਣਾ ਧਾਰਮਿਕ ਪਿੰਡ ਹੈ, ਜੋ ਨੇਤ੍ਰਾਵਤੀ ਦਰਿਆ ਦੇ ਕਿਨਾਰੇ ਮੌਜੂਦ ਹੈ।
ਤਿੰਨ ਦਹਾਕਿਆਂ ਤੱਕ ਪਛਤਾਵੇ ਅਤੇ ਨੀਂਦ ਰਹਿਤ ਰਾਤਾਂ ਵਿੱਚ ਡਰ ਨਾਲ ਜੀਵਨ ਬਤੀਤ ਕਰਨ ਅਤੇ ਕਈ ਵਾਰ ਸ਼ਹਿਰ ਬਦਲਣ ਤੋਂ ਬਾਅਦ, ਇੱਕ 48 ਸਾਲਾ ਦਲਿਤ ਆਦਮੀ ਨੇ ਕਰਨਾਟਕ ਦੀ ਅਦਾਲਤ ‘ਚ ਸਿਰ-ਮੂੰਹ ਢਕ ਕੇ ਗਵਾਹੀ ਦਿੱਤੀ ਹੈ, ਜਿਸ ਨੇ ਭਾਰਤ ਦੇ ਸਭ ਤੋਂ ਭਿਆਨਕ ਅਪਰਾਧਾਂ ਵਿੱਚੋਂ ਇੱਕ ਨੂੰ ਬੇਨਕਾਬ ਕੀਤਾ ਹੈ।
ਇਹ ਵਿਅਕਤੀ ਪਹਿਲਾਂ ਧਰਮਸਥਲਾ ਦੇ ਮਸ਼ਹੂਰ ਮੰਦਰ ਵਿੱਚ ਸਫਾਈ ਕਰਮਚਾਰੀ ਵਜੋਂ ਕੰਮ ਕਰਦਾ ਸੀ। ਇਸਨੂੰ ਅਦਾਲਤ ਵੱਲੋਂ ਸੁਰੱਖਿਆ ਦਿੱਤੀ ਗਈ ਹੈ ਅਤੇ ਕਾਨੂੰਨੀ ਤੌਰ ‘ਤੇ ਇਸ ਦੀ ਪਛਾਣ ਜ਼ਾਹਰ ਨਹੀਂ ਕੀਤੀ ਜਾ ਸਕਦੀ।
ਗਵਾਹੀ ਵਿੱਚ ਉਸ ਨੇ ਕਿਹਾ ਕਿ ਮੈਂ ਕਤਲ ਦੇ ਦ੍ਰਿਸ਼ਾਂ ਦੀ ਯਾਦ ਅਤੇ ਲਾਸ਼ਾਂ ਦਫਨ ਕਰਨ ਲਈ ਮਿਲੀਆਂ ਲਗਾਤਾਰ ਮੌਤ ਦੀਆਂ ਧਮਕੀਆਂ ਦਾ ਭਾਰ ਹੋਰ ਸਹਿਣ ਨਹੀਂ ਕਰ ਸਕਦਾ।
ਇਹ ਵਿਅਕਤੀ ਚਾਹੁੰਦਾ ਹੈ ਕਿ 1995 ਤੋਂ 2014 ਤੱਕ ਉਸ ਵੱਲੋਂ ਦਫਨ ਕੀਤੀਆਂ “ਸੈਂਕੜੇ ਲਾਸ਼ਾਂ” ਨੂੰ ਬਾਹਰ ਕੱਢਣ ਵਿੱਚ ਮਦਦ ਕੀਤੀ ਜਾਵੇ, ਜਿਨ੍ਹਾਂ ਵਿੱਚ ਬਹੁਤ ਸਾਰੀਆਂ ਔਰਤਾਂ ਅਤੇ ਕੁੜੀਆਂ ਦੀਆਂ ਹਨ, ਜੋ ਸਰੀਰਕ ਸ਼ੋਸ਼ਣ ਤੋਂ ਬਾਅਦ ਮਾਰੀ ਗਈਆਂ। ਲਾਸ਼ਾਂ ਵਿੱਚ ਕੁਝ ਗਰੀਬ ਪੁਰਸ਼ ਵੀ ਹਨ, ਜਿਨ੍ਹਾਂ ਦੇ ਕਤਲ ਉਸ ਨੇ ਆਪਣੀਆਂ ਅੱਖਾਂ ਨਾਲ ਦੇਖੇ।
ਧਰਮਸਥਲਾ ਮੰਦਰ ਦਾ ਪ੍ਰਬੰਧ ਲੰਬੇ ਸਮੇਂ ਤੋਂ ਪ੍ਰਭਾਵਸ਼ਾਲੀ ਹੈਗੜੇ ਪਰਿਵਾਰ ਦੇ ਹੱਥ ਵਿਚ ਹੈ। ਵੀਰੇਂਦਰ ਹੈਗੜੇ 1968 ਤੋਂ 21ਵੇਂ ਧਰਮਧਿਕਾਰੀ (ਵੰਸ਼ਜ ਅਧਿਕਾਰੀ) ਵਜੋਂ ਮੰਦਰ ਦੀ “ਸੇਵਾ’ ਨਿਭਾ ਰਹੇ ਹਨ।
ਵੀਰੇਂਦਰ ਹੈਗੜੇ ਨੂੰ ਭਾਰਤ ਦੇ ਦੂਜੇ ਸਭ ਤੋਂ ਵੱਡੇ ਨਾਗਰਿਕ ਸਨਮਾਨ, ਪਦਮ ਵਿਭੂਸ਼ਣ ਨਾਲ ਨਿਵਾਜ਼ਿਆ ਗਿਆ ਹੈ। ਉਹ ਸੰਸਦ ਦੇ ਉੱਚ ਸਦਨ ਦੇ ਮੈਂਬਰ ਵੀ ਹਨ, ਜਿਨ੍ਹਾਂ ਨੂੰ 2022 ਵਿੱਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਭਾਜਪਾ ਵੱਲੋਂ ਨਾਮਜ਼ਦ ਕੀਤਾ ਗਿਆ ਸੀ।
-ਗੁਰਪ੍ਰੀਤ ਸਿੰਘ ਸਹੋਤਾ । ਸਰੀ । ਚੜ੍ਹਦੀ ਕਲਾ
The Dharmasthala mass burial case centers on chilling allegations made by a 48-year-old Dalit man, a former sanitation worker at the Sri Manjunatha Temple in Dharmasthala, Karnataka, a prominent pilgrimage town in Dakshina Kannada district. The whistleblower claims that between 1995 and 2014, he was coerced under death threats to dispose of hundreds of bodies—primarily women and girls, many showing signs of sexual assault, and some men—by burying or burning them.
