Related Articles
Jazzy B : ਵਿਕਟੋਰੀਆ ਵਿਧਾਨ ਸਭਾ ਪਹੁੰਚੇ 3 ਪੰਜਾਬੀ ਗਾਇਕ, ਆਗੂਆਂ ਨਾਲ ਕੀਤਾ ਲੰਚ
ਕੁਝ ਵਿਧਾਧਿਕਾਂ ਨੇ ਕੀਤਾ ਵਿਰੋਧ, ਕਿਹਾ-ਗਾਇਕ ਗਰਮਖਿਆਲੀ ਲੋਕਾਂ ਦੇ ਸਮਰਥਕ
3 Punjabi singers Jazzy B arrive in Victorian Legislative Assembly News : ਅੱਜ ਪੰਜਾਬੀ ਗਾਇਕ ਜੈਜ਼ੀ ਬੀ, ਚੰਨੀ ਨੱਟਨ ਅਤੇ ਇੰਦਰਪਾਲ ਮੋਗਾ ਨੇ ਬ੍ਰਿਟਿਸ਼ ਕੋਲੰਬੀਆ ਦੀ ਰਾਜਧਾਨੀ ਵਿਕਟੋਰੀਆ ਵਿੱਚ ਸੂਬਾਈ ਵਿਧਾਨ ਸਭਾ ਦਾ ਦੌਰਾ ਕੀਤਾ। ਇਸ ਸਮੇਂ ਦੌਰਾਨ ਉਨ੍ਹਾਂ ਨੂੰ ਵਿਧਾਨ ਸਭਾ ਦੇ ਸੰਸਦੀ ਡਾਇਨਿੰਗ ਰੂਮ ਵਿੱਚ ਦੁਪਹਿਰ ਦੇ ਖਾਣੇ ਲਈ ਸੱਦਾ ਦਿੱਤਾ ਗਿਆ ਸੀ।
ਇਸ ਦੌਰਾਨ, ਜਿੱਥੇ ਇੱਕ ਪਾਸੇ ਉਨ੍ਹਾਂ ਨੂੰ ਸਨਮਾਨਿਤ ਕੀਤਾ ਗਿਆ, ਉੱਥੇ ਦੂਜੇ ਪਾਸੇ ਕੁਝ ਵਿਧਾਇਕਾਂ ਨੇ ਇਸ ਦਾ ਵਿਰੋਧ ਵੀ ਕੀਤਾ। ਤਿੰਨੋਂ ਪੰਜਾਬੀ ਗਾਇਕ ਵਿਧਾਨ ਸਭਾ ਵਿੱਚ ਪ੍ਰੀਮੀਅਰ ਡੇਵਿਡ ਐਬੀ ਅਤੇ ਹੋਰ ਵਿਧਾਇਕਾਂ ਨੂੰ ਮਿਲੇ। ਇਸ ਮੌਕੇ ‘ਤੇ ਉਨ੍ਹਾਂ ਨੇ ਪ੍ਰੀਮੀਅਰ ਐਬੀ ਨਾਲ ਫ਼ੋਟੋਆਂ ਵੀ ਖਿਚਵਾਈਆਂ।
ਸਟੀਵ ਕੂਨਰ ਨੇ ਵੀ ਤਿੰਨਾਂ ਦੀ ਵਿਧਾਨ ਸਭਾ ਦੀ ਫੇਰੀ ਲਈ ਪ੍ਰਸ਼ੰਸਾ ਕੀਤੀ। ਸਟੀਵਨ ਕੂਨਰ, ਜੋ ਕਿ ਰਿਚਮੰਡ-ਕਵੀਨਜ਼ਬਰੋ ਹਲਕੇ ਤੋਂ ਵਿਧਾਇਕ ਹਨ, ਇੱਕ ਤਜਰਬੇਕਾਰ ਵਕੀਲ ਹਨ ਅਤੇ 2024 ਵਿੱਚ ਕੰਜ਼ਰਵੇਟਿਵ ਪਾਰਟੀ ਦੀ ਟਿਕਟ ‘ਤੇ ਚੋਣ ਜਿੱਤ ਕੇ ਵਿਧਾਨ ਸਭਾ ਵਿੱਚ ਪ੍ਰਵੇਸ਼ ਕੀਤਾ ਹੈ।
ਉਨ੍ਹਾਂ ਦਾ ਪੰਜਾਬੀ ਸੰਗੀਤ ਨਾਲ ਡੂੰਘਾ ਸਬੰਧ ਹੈ ਕਿਉਂਕਿ ਉਨ੍ਹਾਂ ਦੇ ਪਿਤਾ ਕੇ.ਐਸ. ਕੂਨਰ 1980 ਦੇ ਦਹਾਕੇ ਵਿੱਚ ਇੱਕ ਮਸ਼ਹੂਰ ਪੰਜਾਬੀ ਗਾਇਕ ਸਨ। ਕੰਜ਼ਰਵੇਟਿਵ ਪਾਰਟੀ ਦੇ ਵਿਧਾਇਕ ਸਟੀਵ ਕੂਨਰ ਨੇ ਅਸੈਂਬਲੀ ਵਿੱਚ ਇਨ੍ਹਾਂ ਕਲਾਕਾਰਾਂ ਦੀ ਪ੍ਰਸ਼ੰਸਾ ਕੀਤੀ, ਜਿਸ ਨਾਲ ਰਾਜਨੀਤਿਕ ਵਿਵਾਦ ਪੈਦਾ ਹੋ ਗਿਆ। ਆਜ਼ਾਦ ਵਿਧਾਇਕ ਡੱਲਾਸ ਬ੍ਰੋਡੀ ਨੇ ਇਸ ਸਨਮਾਨ ਨੂੰ “ਅਸੈਂਬਲੀ ਦਾ ਅਪਮਾਨ” ਦੱਸਿਆ।
ਵਿਵਾਦ ਦਾ ਕੇਂਦਰ ਜੈਜ਼ੀ ਬੀ ਸੀ, ਜਿਸ ‘ਤੇ ਗਰਮਖਿਆਲੀ ਲਹਿਰ ਨਾਲ ਸਬੰਧ ਹੋਣ ਦਾ ਦੋਸ਼ ਲਗਾਇਆ । ਇਸ ਘਟਨਾ ਨੇ ਕੈਨੇਡਾ ਵਿੱਚ ਸੱਭਿਆਚਾਰਕ ਪ੍ਰਤੀਨਿਧਤਾ ਅਤੇ ਜਨਤਕ ਸਮਰਥਨ ਦੇ ਰਾਜਨੀਤਿਕ ਪ੍ਰਭਾਵਾਂ ਬਾਰੇ ਵਿਆਪਕ ਚਰਚਾ ਛੇੜ ਦਿੱਤੀ ਹੈ।
