Related Articles
The man who allegedly threw a woman passenger off a local train in Mumbai after she objected to sexual harassment is seen in a CCTV video walking away nonchalantly from the crime scene.
Mumbai ਮੁੰਬਈ ਲੋਕਲ ਟ੍ਰੇਨ ’ਚ ਛੇੜਖਾਨੀ ਦਾ ਵਿਰੋਧ ਕਰਨ ’ਤੇ ਮਹਿਲਾ ਨੂੰ ਟ੍ਰੇਨ ’ਚੋਂ ਦਿੱਤਾ ਧੱਕਾ, ਸਿਰ ’ਤੇ ਲੱਗੇ 16 ਟਾਂਕੇ
ਰੇਲਗੱਡੀ ਦੀ ਲਪੇਟ ਵਿੱਚ ਆਉਣ ਤੋਂ ਬਾਅਦ ਮਹਿਲਾ ਦਾ ਖੱਬਾ ਹੱਥ ਕੱਟਣਾ ਪਿਆ, ਪੁਲਿਸ ਨੇ ਮੁਲਜ਼ਮ ਨੂੰ ਕੀਤਾ ਗ੍ਰਿਫ਼ਤਾਰ
ਮੰਬਈ: ਮੁੰਬਈ ਦੀ ‘ਲਾਈਫਲਾਈਨ’ ਕਹੀ ਜਾਣ ਵਾਲੀ ਲੋਕਲ ਟ੍ਰੇਨ ਵਿੱਚੋਂ ਇੱਕ ਦਿਲ ਦਹਿਲਾ ਦੇਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਬੋਰੀਵਲੀ ਤੋਂ ਵਿਰਾਰ ਜਾ ਰਹੀ ਲੋਕਲ ਟ੍ਰੇਨ ਵਿੱਚ ਇੱਕ ਮਹਿਲਾ ਨਾਲ ਛੇੜਛਾੜ ਦੀ ਘਟਨਾ ਵਾਪਰੀ ਹੈ।
The man who allegedly threw a woman passenger off a local train in Mumbai after she objected to sexual harassment is seen in a CCTV video walking away nonchalantly from the crime scene.
Read more: https://t.co/mkAiu9H9SZ https://t.co/NdRvMK3L5S
— NDTV (@ndtv) November 12, 2026
ਛੇੜਛਾੜ ਦਾ ਵਿਰੋਧ ਕਰਨ ’ਤੇ ਮੁਲਜ਼ਮ ਨੇ ਨਾਇਗਾਓਂ ਸਟੇਸ਼ਨ ’ਤੇ ਮਹਿਲਾ ਨੂੰ ਟ੍ਰੇਨ ਤੋਂ ਹੇਠਾਂ ਪਟੜੀਆਂ ’ਤੇ ਧੱਕਾ ਦੇ ਦਿੱਤਾ। ਇਸ ਭਿਆਨਕ ਹਾਦਸੇ ਵਿੱਚ ਮਹਿਲਾ ਦਾ ਖੱਬਾ ਹੱਥ ਟ੍ਰੇਨ ਦੇ ਹੇਠਾਂ ਆ ਗਿਆ, ਜਿਸ ਕਾਰਨ ਬਾਅਦ ਵਿੱਚ ਉਸ ਦਾ ਹੱਥ ਕੱਟਣਾ ਪਿਆ। ਇਸ ਤੋਂ ਇਲਾਵਾ ਪੀੜਤਾ ਦੇ ਸਿਰ ’ਤੇ 16 ਟਾਂਕੇ ਲੱਗੇ ਹਨ।
#Prime5 with @SehgalRahesha | Mumbai Local Molestation Horror: What happened on the train?
NDTV’s Rahesha Sehgal tells you https://t.co/BVIo9JK8iT
— NDTV (@ndtv) November 12, 2026
ਕਿਵੇਂ ਵਾਪਰੀ ਘਟਨਾ?
ਪੀੜਤਾ ਬੋਰੀਵਲੀ ਤੋਂ ਵਿਰਾਰ ਜਾਣ ਵਾਲੀ ਲੋਕਲ ਟ੍ਰੇਨ ਵਿੱਚ ਸਵਾਰ ਸੀ। ਮਹਿਲਾ ਦੀ ਸ਼ਿਕਾਇਤ ਅਨੁਸਾਰ ਮੁਲਜ਼ਮ ਸਫ਼ਰ ਦੌਰਾਨ ਉਸ ਨੂੰ ਲਗਾਤਾਰ ਗਲਤ ਤਰੀਕੇ ਨਾਲ ਛੂਹ ਰਿਹਾ ਸੀ। ਇਸ ਹਰਕਤ ਤੋਂ ਗੁੱਸੇ ਵਿੱਚ ਆ ਕੇ ਮਹਿਲਾ ਨੇ ਆਪਣੀ ਚੱਪਲ ਉਸ ਵੱਲ ਸੁੱਟ ਦਿੱਤੀ, ਜਿਸ ਤੋਂ ਬਾਅਦ ਦੋਵਾਂ ਵਿਚਕਾਰ ਬਹਿਸ ਸ਼ੁਰੂ ਹੋ ਗਈ। ਉੱਥੇ ਮੌਜੂਦ ਹੋਰ ਯਾਤਰੀਆਂ ਨੇ ਬਚਾਅ ਕਰਨ ਦੀ ਕੋਸ਼ਿਸ਼ ਕੀਤੀ, ਪਰ ਮੁਲਜ਼ਮ ਨੇ ਗਾਲ੍ਹਾਂ ਕੱਢਦਿਆਂ ਆਪਣੀ ਚੱਪਲ ਵੀ ਮਹਿਲਾ ਵੱਲ ਸੁੱਟ ਦਿੱਤੀ।
ਚਲਦੀ ਟ੍ਰੇਨ ਤੋਂ ਦਿੱਤਾ ਧੱਕਾ
ਜਦੋਂ ਟ੍ਰੇਨ ਨਾਇਗਾਓਂ ਸਟੇਸ਼ਨ ’ਤੇ ਪਹੁੰਚੀ ਤਾਂ ਵੀ ਬਹਿਸ ਜਾਰੀ ਰਹੀ। ਉੱਥੇ ਮੁਲਜ਼ਮ ਨੇ ਮਹਿਲਾ ਨੂੰ ਟ੍ਰੇਨ ਤੋਂ ਹੇਠਾਂ ਧੱਕਾ ਦੇ ਦਿੱਤਾ, ਜਿਸ ਨਾਲ ਉਹ ਦੋ ਡੱਬਿਆਂ ਦੇ ਵਿਚਕਾਰ ਦੀ ਖਾਲੀ ਜਗ੍ਹਾ ਵਿੱਚ ਜਾ ਡਿੱਗੀ। ਜਦੋਂ ਉਹ ਵਾਪਸ ਪਲੇਟਫਾਰਮ ’ਤੇ ਚੜ੍ਹਨ ਦੀ ਕੋਸ਼ਿਸ਼ ਕਰ ਰਹੀ ਸੀ, ਤਾਂ ਟ੍ਰੇਨ ਚੱਲ ਪਈ ਅਤੇ ਉਸ ਦਾ ਖੱਬਾ ਹੱਥ ਪਹੀਆਂ ਹੇਠਾਂ ਆ ਗਿਆ। ਗੰਭੀਰ ਸੱਟਾਂ ਲੱਗਣ ਕਾਰਨ ਡਾਕਟਰਾਂ ਨੂੰ ਉਸ ਦਾ ਹੱਥ ਕੂਹਣੀ ਕੋਲੋਂ ਕੱਟਣਾ ਪਿਆ।
ਇਸ ਘਟਨਾ ਨੇ ਇੱਕ ਵਾਰ ਫਿਰ ਲੋਕਲ ਟ੍ਰੇਨਾਂ ਵਿੱਚ ਮਹਿਲਾ ਸੁਰੱਖਿਆ ਦੇ ਮੁੱਦੇ ਨੂੰ ਗੰਭੀਰਤਾ ਨਾਲ ਸਾਹਮਣੇ ਲਿਆਂਦਾ ਹੈ। ਪੁਲਿਸ ਨੇ ਤੁਰੰਤ ਕਾਰਵਾਈ ਕਰਦਿਆਂ ਮੁਲਜ਼ਮ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।
