Related Articles
Sri Ganganagar murder case: ਮੈਡੀਕਲ ਸਟੋਰ ਸੰਚਾਲਕ ਕਤਲ ਮਾਮਲੇ ’ਚ ਮਲੋਟ ਦੀ ਮਹਿਲਾ ਸਮੇਤ 6 ਗ੍ਰਿਫਤਾਰ
ਸ੍ਰੀ ਗੰਗਾਨਗਰ ਪੁਲੀਸ ਨੇ ਇੱਕ ਮੈਡੀਕਲ ਸਟੋਰ ਸੰਚਾਲਕ ਦੇ ਅਗਵਾ ਅਤੇ ਕਤਲ ਦੀ ਗੁੱਥੀ ਸੁਲਝਾਉਂਦੇ ਹੋਏ ਬੀਤੀ ਰਾਤ ਸੁਖਵਿੰਦਰ ਕੌਰ ਉਰਫ਼ ਰਾਧਿਕਾ (40)—ਜੋ ਕਿ ਮਲੋਟ ਦੀ ਰਹਿਣ ਵਾਲੀ ਹੈ ਅਤੇ ਪੀੜਤ ਨਾਲ ਲਿਵ-ਇਨ ਰਿਲੇਸ਼ਨਸ਼ਿਪ ਵਿੱਚ ਸੀ
Sri Ganganagar murder case: ਸ੍ਰੀ ਗੰਗਾਨਗਰ ਪੁਲੀਸ ਨੇ ਇੱਕ ਮੈਡੀਕਲ ਸਟੋਰ ਸੰਚਾਲਕ ਦੇ ਅਗਵਾ ਅਤੇ ਕਤਲ ਦੀ ਗੁੱਥੀ ਸੁਲਝਾਉਂਦੇ ਹੋਏ ਬੀਤੀ ਰਾਤ ਸੁਖਵਿੰਦਰ ਕੌਰ ਉਰਫ਼ ਰਾਧਿਕਾ (40)—ਜੋ ਕਿ ਮਲੋਟ ਦੀ ਰਹਿਣ ਵਾਲੀ ਹੈ ਅਤੇ ਪੀੜਤ ਨਾਲ ਲਿਵ-ਇਨ ਰਿਲੇਸ਼ਨਸ਼ਿਪ ਵਿੱਚ ਸੀ—ਨੂੰ ਗ੍ਰਿਫਤਾਰ ਕਰ ਲਿਆ ਹੈ।
ਉਸ ਦੇ ਨਾਲ ਉਸ ਦੇ ਦੋ ਪੁੱਤਰਾਂ, ਗੁਰਪ੍ਰੀਤ ਸਿੰਘ ਉਰਫ਼ ਬੰਟੀ ਅਤੇ ਅਮਨਦੀਪ ਸਿੰਘ ਉਰਫ਼ ਬੌਬੀ ਨਾਗਰਾ (ਵਾਸੀ ਟਪਾਖੇੜਾ, ਮਲੋਟ), ਉਨ੍ਹਾਂ ਦੇ ਦੋ ਦੋਸਤਾਂ, ਸਿਕੰਦਰ ਸਿੰਘ (ਵਾਸੀ ਸ਼ਾਮ ਖੇੜਾ) ਅਤੇ ਸਤਪਾਲ ਸਿੰਘ (ਵਾਸੀ ਗੁਰੂਸਰ ਜੋਧਾ, ਮੁਕਤਸਰ), ਅਤੇ ਸੁਖਵਿੰਦਰ ਕੌਰ ਦੇ ਜਵਾਈ ਗੁਰਦਰਸ਼ਨ ਸਿੰਘ (ਵਾਸੀ ਹਨੂੰਮਾਨਗੜ੍ਹ) ਨੂੰ ਵੀ ਗ੍ਰਿਫਤਾਰ ਕੀਤਾ ਗਿਆ ਹੈ।
ਇਨ੍ਹਾਂ ਸਾਰਿਆਂ ‘ਤੇ ਕਪਿਲ ਜਿੰਦਲ ਨੂੰ ਅਗਵਾ ਕਰਨ ਅਤੇ ਕਤਲ ਕਰਨ ਦੇ ਦੋਸ਼ ਹਨ, ਜੋ ਸ੍ਰੀ ਗੰਗਾਨਗਰ ਵਿਖੇ ਮੈਡੀਕਲ ਸਟੋਰ ਚਲਾਉਂਦਾ ਸੀ।
ਪੁਲੀਸ ਅਨੁਸਾਰ, ਕਪਿਲ ਜਿੰਦਲ ਦੀ ਐਤਵਾਰ ਸਵੇਰੇ 2:00 ਵਜੇ ਉਸ ਦੇ ਕਿਰਾਏ ਦੇ ਘਰ ਤੋਂ ਅਗਵਾ ਕੀਤੇ ਜਾਣ ਤੋਂ ਕੁਝ ਸਮੇਂ ਬਾਅਦ ਹੀ ਬੇਰਹਿਮੀ ਨਾਲ ਕੁੱਟਮਾਰ ਕਰਨ ਕਾਰਨ ਮੌਤ ਹੋ ਗਈ ਸੀ। ਦੋਸ਼ੀਆਂ ਨੇ ਉਸ ਦੀ ਲਾਸ਼ ਨੂੰ ਕਾਰ ਦੀ ਡਿੱਗੀ ਵਿੱਚ ਰੱਖ ਕੇ ਇੰਦਰਾ ਗਾਂਧੀ ਨਹਿਰ ਵਿੱਚ ਸੁੱਟ ਦਿੱਤਾ ਸੀ।
ਕਪਿਲ ਦੀ ਲਾਸ਼ ਇੰਦਰਾ ਨਹਿਰ ਦੇ ਮਸੀਤਾਵਾਲੀ ਹੈੱਡਵਰਕਸ ਤੋਂ ਬਰਾਮਦ ਕਰ ਲਈ ਗਈ ਹੈ। ਕਪਿਲ ਦੇ ਮਾਮੇ ਵਿਨੈ ਗਰਗ ਅਤੇ ਪਿਤਾ ਤੇਜਪਾਲ ਜਿੰਦਲ ਦੀ ਸਾਂਝੀ ਸ਼ਿਕਾਇਤ ‘ਤੇ ਦਰਜ ਕੀਤੇ ਗਏ ਅਗਵਾ ਅਤੇ ਕੁੱਟਮਾਰ ਦੇ ਮਾਮਲੇ ਨੂੰ ਹੁਣ ਕਤਲ ਦੇ ਕੇਸ ਵਿੱਚ ਤਬਦੀਲ ਕਰ ਦਿੱਤਾ ਗਿਆ ਹੈ।