Spectrum Punjab Punjab's most credible source of news
Related Articles
ਦੇਸ਼ ਦੇ ਸਭ ਤੋਂ ਅਮੀਰ ਕਾਰੋਬਾਰੀ ਮੁਕੇਸ਼ ਅੰਬਾਨੀ ਦੇ ਛੋਟੇ ਪੁੱਤ ਅਨੰਤ ਅੰਬਾਨੀ ਅਤੇ ਰਾਧਿਕਾ ਮਰਚੈਂਟ ਵਿਆਹ ਤੋਂ ਬਾਅਦ ਵੀ ਲਗਾਤਾਰ ਸੁਰਖੀਆਂ ਬਟੋਰ ਰਹੇ ਹਨ। ਹਜ਼ਾਰਾਂ ਕਰੋੜਾਂ ਦੀ ਲਾਗਤ ਵਾਲੇ ਇਸ ਵਿਆਹ ‘ਚ ਦੇਸ਼ ਅਤੇ ਦੁਨੀਆ ਦੀਆਂ ਕਈ ਦਿੱਗਜ ਹਸਤੀਆਂ ਨੇ ਸ਼ਿਰਕਤ ਕੀਤੀ। ਸਮਾਗਮ ‘ਚ ਕਈ ਵਿਦੇਸ਼ੀ ਹਸੀਨਾਵਾਂ ਵੀ ਖਿੱਚ ਦਾ ਕੇਂਦਰ ਬਣੀਆ। ਇਸ ਦੌਰਾਨ ਕਿਮ ਕਰਦਾਸ਼ੀਅਨ ਲਗਾਤਾਰ ਆਪਣੇ ਬੋਲਡ ਲੁੱਕ ਅਤੇ ਸਟਾਈਲ ਨੂੰ ਲੈ ਕੇ ਸੁਰਖੀਆਂ ‘ਚ ਹੈ। ਸੋਸ਼ਲ ਮੀਡੀਆ ‘ਤੇ ਕਿਮ ਦੀ ਸਭ ਤੋਂ ਜ਼ਿਆਦਾ ਮਸ਼ਹੂਰ ਹੈ।
ਦੱਸ ਦੇਈਏ ਕਿ ਕਿਮ ਦੇ ਇੰਸਟਾਗ੍ਰਾਮ ‘ਤੇ 362 ਮਿਲੀਅਨ ਫਾਲੋਅਰਜ਼ ਹਨ। ਫਿਲਹਾਲ ਕਿਮ ਇਨ੍ਹੀਂ ਦਿਨੀਂ ਭਾਰਤ ‘ਚ ਹੈ। ਜਿਵੇਂ ਹੀ ਉਹ ਭਾਰਤ ਆਈ ਤਾਂ ਪ੍ਰਸ਼ੰਸਕਾਂ ਨੇ ਹੀ ਨਹੀਂ ਸਗੋਂ ਸਿਤਾਰਿਆਂ ਨੇ ਵੀ ਉਸ ਨਾਲ ਤਸਵੀਰਾਂ ਖਿਚਵਾਉਣੀਆਂ ਸ਼ੁਰੂ ਕਰ ਦਿੱਤੀਆਂ। ਲੋਕ ਕਿਮ ਦੇ ਦੀਵਾਨੇ ਹੋ ਗਏ ਹਨ ਪਰ ਕਿਮ ਕਰਦਾਸ਼ੀਅਨ ਕਿਸੇ ਹੋਰ ਦੀ ਦੀਵਾਨੀ ਹੋ ਗਈ।
ਹਾਲ ਹੀ ‘ਚ ਕਿਮ ਕਰਦਾਸ਼ੀਅਨ ਨੇ ਆਪਣੇ ਇੰਸਟਾਗ੍ਰਾਮ ਹੈਂਡਲ ਦੀ ਸਟੋਰੀ ‘ਤੇ ਅੰਬਾਨੀ ਫੰਕਸ਼ਨ ਦੀਆਂ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ ਅਤੇ ਨਾਲ ਹੀ ਆਪਣੇ ਦੇਸੀ ਲੁੱਕ ਦੀਆਂ ਕੁਝ ਤਸਵੀਰਾਂ ਵੀ ਸ਼ੇਅਰ ਕੀਤੀਆਂ ਹਨ। ਇਸ ਦੇ ਨਾਲ ਹੀ ਕਿਮ ਨੇ ਐਸ਼ਵਰਿਆ ਰਾਏ ਨਾਲ ਇੱਕ ਤਸਵੀਰ ਸ਼ੇਅਰ ਕੀਤੀ ਹੈ।
ਜਿੱਥੇ ਕਿਮ ਐਸ਼ਵਰਿਆ ਨਾਲ ਸੈਲਫੀ ਲੈਂਦੀ ਨਜ਼ਰ ਆ ਰਹੀ ਹੈ। ਇਸ ਤਸਵੀਰ ਨੂੰ ਸ਼ੇਅਰ ਕਰਨ ਦੇ ਨਾਲ ਹੀ ਕਿਮ ਨੇ ਲਿਖਿਆ- ਕੁਈਨ ਐਸ਼ਵਰਿਆ ਰਾਏ। ਕਿਮ ਐਸ਼ਵਰਿਆ ਰਾਏ ਦੀ ਖੂਬਸੂਰਤੀ ਦੀ ਤਾਰੀਫ਼ ਕਰਦੀ ਨਜ਼ਰ ਆ ਰਹੀ ਹੈ।
ਦੱਸਣਯੋਗ ਹੈ ਕਿ ਰਾਧਿਕਾ ਦੇ ਵਿਆਹ ‘ਚ ਕਿਮ ਕਰਦਾਸ਼ੀਅਨ ਦੇ ਲੁੱਕ ਦੀ ਵੀ ਕਾਫੀ ਚਰਚਾ ਹੋਈ ਸੀ। ਪਹਿਲੇ ਦਿਨ ਕਿਮ ਲਾਲ ਰੰਗ ਦੇ ਖੂਬਸੂਰਤ ਲਹਿੰਗੇ ‘ਚ ਨਜ਼ਰ ਆਈ ਸੀ। ਇਸ ਦੇ ਨਾਲ ਹੀ ਉਸ ਦੀ ਭੈਣ ਖਲੋਏ ਵੀ ਵਿਆਹ ‘ਚ ਰੌਣਕ ਵਧਾ ਰਹੀ ਸੀ
ਪਰ ਬੀਤੇ ਦਿਨੀਂ ਆਸ਼ੀਰਵਾਦ ਸਮਾਰੋਹ ਦੇ ਮੌਕੇ ‘ਤੇ ਕਿਮ ਨੇ ਬੋਲਡ ਬਲਾਊਜ਼ ਦੇ ਨਾਲ ਨਿਊਡ ਰੰਗ ਦਾ ਲਹਿੰਗਾ ਪਾਇਆ ਸੀ।
ਇਸ ਦੇ ਨਾਲ ਹੀ ਉਹ ਹੈਵੀ ਜਿਊਲਰੀ ਪਹਿਨ ਕੇ ਨਜ਼ਰ ਆਈ ਸੀ ਪਰ ਕਿਮ ਆਪਣੀ ਨੋਜ਼ ਰਿੰਗ ਕਾਰਨ ਸਭ ਤੋਂ ਜ਼ਿਆਦਾ ਚਰਚਾ ‘ਚ ਆਈ। ਕਿਮ ਬਹੁਤ ਹੀ ਹੈਵੀ ਨੋਜ਼ ਰਿੰਗ ਪਹਿਨੇ ਨਜ਼ਰ ਆਈ।