Related Articles
AI Impact Summit ਦੌਰਾਨ ਇੱਕ ਕੁੱਤੇ ਕਾਰਨ ਛਿੜਿਆ ਵਿਵਾਦ, Galgotias University ਦਾ ਜਾਣੋ ਕੀ ਹੈ ਪੂਰਾ ਮਾਮਲਾ
Galgotias University ਇੱਕ ਵੱਡੇ ਅਤੇ ਗੰਭੀਰ ਵਿਵਾਦ ਦੇ ਘੇਰੇ ਵਿੱਚ ਆ ਗਈ#
ਦਿੱਲੀ ਦੀ ਗਲਗੋਟੀਆ ਯੂਨੀਵਰਸਿਟੀ ਵਲੋਂ ਕੌਮਾਂਤਰੀ AI ਸਮਿਟ ਵਿੱਚ ਰੋਬੋਟ ਨਿਕਲਿਆ ਚੀਨੀ ਮਾਲ
ਨੋਇਡਾ ਵਿੱਚ ਦਿੱਲੀ ਦੇ ਨੇੜੇ ਗਲਗੋਟੀਆ ਯੂਨੀਵਰਸਿਟੀ, ਜਿੱਥੇ ਪੰਜਾਹ ਹਜ਼ਾਰ ਤੋਂ ਵੱਧ ਵਿਦਿਆਰਥੀ ਹਨ, ਨੂੰ ਮੋਦੀ ਨੇ ਪਿਛਲੇ ਦਸ ਸਾਲਾਂ ਵਿੱਚ ਕਈ ਵਾਰ ਭਾਰਤ ਦੀ ਸਭ ਤੋਂ ਵਧੀਆ ਯੂਨੀਵਰਸਿਟੀ ਐਲਾਨਿਆ ਹੈ।
ਪਰ ਏਆਈ ਸੰਮੇਲਨ ਵਿੱਚ ਖਰੀਦੇ ਗਏ ਚੀਨੀ ਰੋਬੋਟਿਕ ਕੁੱਤੇ ਨੂੰ ਉਨ੍ਹਾਂ ਦੇ ਡਿਜ਼ਾਈਨ ਵਜੋਂ ਪਾਸ ਕਰਨ ਤੋਂ ਬਾਅਦ, ਉਨ੍ਹਾਂ ਨੂੰ ਏਆਈ ਪਵੇਲੀਅਨ ਖਾਲੀ ਕਰਨਾ ਪਿਆ ਹੈ।
ਗਲਗੋਟੀਆ ਯੂਨੀਵਰਸਿਟੀ ਨੇ ਕਈ ਵਾਰ ਹਿੰਦੂਤਵ ਨੀਤੀਆਂ ਦੇ ਹੱਕ ਵਿੱਚ ਮਾਰਚ ਵੀ ਕੀਤਾ ਹੈ।
ਥਾਲ਼ੀਆਂ ਵਜਾ ਕੇ ਕਰੋਨਾ ਭਜਾਉਣ ਵਾਲੀ ਖੋਜ ਵੀ ਇਸਦੇ ਹੀ ਇੱਕ ਖੋਜੀ ਦੀ ਸੀ।
ਗਲਗੋਟੀਆ ਯੂਨੀਵਰਸਿਟੀ ਵਿੱਚ ਸਿੱਖਿਆ ਦਾ ਪੱਧਰ ਇੱਕ ਸਾਲ ਪਹਿਲਾਂ ਉਦੋਂ ਉਜਾਗਰ ਹੋਇਆ ਸੀ ਜਦੋਂ ਵਿਰੋਧ ਪ੍ਰਦਰਸ਼ਨ ਕਰਨ ਵਾਲਿਆਂ ਨੇ “ਆਜ ਤੱਕ” ਚੈਨਲ ‘ਤੇ ਆਪਣੀ ਸਿੱਖਿਆ ਦੀ ਘਾਟ ਦਿਖਾਈ ਸੀ।
ਇੱਕ ਜਾਣਕਾਰ..ਟਰੱਕ ਡਰਾਈਵਰ..ਕੇਰਾਂ ਪਠਾਨਕੋਟੋਂ ਕਰਨਲ ਦਾ ਕੁੱਤਾ ਖੋਹਲ ਲਿਆਏ..ਅਖ਼ੇ ਕਿਸੇ ਸੱਜਣ ਬੇਲੀ ਨੇ ਦਿੱਤਾ..ਇਲਾਕੇ ਖਬਰ ਫੈਲ ਗਈ..ਏਡਾ ਸੋਹਣਾ ਜਨਵਰ..ਸਮੱਸਿਆ ਵੀ ਖੜੀ ਹੋ ਗਈ..ਖਾਏ ਕੁਝ ਨਾ..ਡੋਗ ਫ਼ੂਡ ਹੁੰਦਾ ਨੀ ਸੀ..ਬਹੀ ਰੋਟੀ ਪਾਈ..ਫੇਰ ਦੁੱਧ ਤੇ ਮਗਰੋਂ ਉਚੇਚਾ ਵੱਢਿਆ ਕੁੱਕੜ..ਤਾਂ ਵੀ ਮੂੰਹ ਨਾ ਕਰੇ ਬੱਸ ਬਾਹਰ ਵੱਲ ਨੂੰ ਵੇਖੀ ਜਾਇਆ ਕਰੇ..!
ਹੁੰਦੀ ਖੁੰਢ ਚਰਚਾ ਤੋਂ ਅੱਕਿਆ ਬਾਪੂ ਡਾਂਗ ਲੈ ਦਵਾਲੇ ਹੋ ਗਿਆ..ਕੰਜਰੋ ਜਿਥੋਂ ਵੀ ਖੋਲ ਕੇ ਲਿਆਏ ਓ ਓਥੇ ਬੰਨ ਕੇ ਆਓ..ਡਰਦੇ ਨਾ ਤੇ ਦੱਸਣ ਤੇ ਨਾ ਜਾਵਣ ਹੀ..ਬਾਪੂ ਕਹਿੰਦਾ ਮੈਂ ਨਾਲ ਜਾਊਂ..ਅਖੀਰ ਉਚੇਚਾ ਮੋੜ ਕੇ ਆਏ..ਅੱਗੇ ਮਰਨ ਵਾਲੇ ਹੋਏ ਪਏ ਕਰਨਲ ਦੇ ਨਿਆਣਿਆਂ ਚ ਜਾਨ ਪੈ ਗਈ..ਦੱਖਣ ਭਾਰਤੀ..ਸਾਰਾ ਟੱਬਰ ਸ਼ੁਕਰੀਆ ਕਰੀ ਜਾਵੇ..!
ਬਾਪੂ ਕਹਿੰਦਾ ਆਵੇ..ਓਏ ਬੇਗਾਨੇ ਜੀਅ ਨੂੰ ਕਦੇ ਧੱਕੇ ਨਾਲ ਆਪਣਾ ਨੀ ਬਣਾਈਦਾ..ਅੰਦਰੋਂ ਬਾਹਰੋਂ ਬਦ-ਦੁਆਵਾਂ ਨਿੱਕਲਦੀਆਂ!
ਦਿੱਲੀ..ਗੱਲਘੁੱਟੀਆਂ ਯੂਨੀਵਰਸਿਟੀ..ਚੀਨੀ ਕੁੱਤੇ ਕਾਂਡ..ਇਥੇ ਬਾਪੂ ਨੇ ਡਾਂਗ ਤੇ ਕੀ ਫੜਨੀ ਸੀ..ਸਗੋਂ ਆਖੀ ਜਾਂਦਾ ਜਿੱਦਾਂ ਪਹਿਲੋਂ ਮੁੱਕਰਦੇ ਆਏ ਓ ਹੁਣ ਵੀ ਮੁੱਕਰ ਜਾਓ..ਪੈਰਾਂ ਤੇ ਪਾਣੀ ਨੀ ਪੈਣ ਦੇਣਾ ਬਸ..ਮਰੇ ਮੁੱਕਰੇ ਦਾ ਕੀ ਆ..ਲੋਕਾਈ ਆਪੇ ਭੁੱਲ ਭੁਲਾ ਜਾਉ..!
ਕੇਰਾਂ ਢੀਠ ਦੇ ਕਸੂਤੇ ਥਾਂ ਧਰੇਕ ਉੱਗ ਆਈ..ਲੋਕ ਹਿਰਖ ਕਰਨ ਗਏ ਤਾਂ ਅੱਗਿਓਂ ਆਖਣ ਲੱਗਾ ਤਾਂ ਕੀ ਹੋਇਆ..ਸਗੋਂ ਛਾਵੇਂ ਬਿਹਾ ਕਰਾਂਗੇ..!
ਸਾਰੀ ਦੁਨੀਆ ਚਟਕਾਰੇ ਲਈ ਜਾਂਦੀ..ਇਹਨਾਂ ਚੁੱਪ ਚੁਪੀਤੇ ਕੁੱਤਾ ਚੁਕਾ ਓਥੇ ਥਰਮੋਕੋਲ ਦਾ ਬਣਿਆ ਹਵਾਈ ਜਹਾਜ ਧਰ ਦਿੱਤਾ..ਹੁਣ ਸਾਰਾ ਮੀਡਿਆ ਆਖੀ ਜਾਂਦਾਂ..ਅਧੂਰਾ ਰਹਿ ਗਿਆ ਓਪਰੇਸ਼ਨ ਸਿੰਧੂਰ ਇਸੇ ਨੇ ਹੀ ਪੂਰਾ ਕਰਨਾ!
ਹਰਪ੍ਰੀਤ ਸਿੰਘ ਜਵੰਦਾ
AI Impact Summit: ਨਵੀਂ ਦਿੱਲੀ ਵਿੱਚ ਆਯੋਜਿਤ ਕੀਤੀ ਜਾ ਰਹੀ ‘ਇੰਡੀਆ ਏਆਈ ਇਮਪੈਕਟ ਸਮਿਟ 2026’ (India AI Impact Summit 2026) ਦੌਰਾਨ ਗਲਗੋਟੀਆਜ਼ ਯੂਨੀਵਰਸਿਟੀ (Galgotias University) ਇੱਕ ਵੱਡੇ ਅਤੇ ਗੰਭੀਰ ਵਿਵਾਦ ਦੇ ਘੇਰੇ ਵਿੱਚ ਆ ਗਈ ਹੈ, ਜਿਸ ਨੇ ਦੇਸ਼ ਦੇ ਤਕਨੀਕੀ ਅਤੇ ਰਾਜਨੀਤਿਕ ਹਲਕਿਆਂ ਵਿੱਚ ਹਲਚਲ ਪੈਦਾ ਕਰ ਦਿੱਤੀ ਹੈ।
India AI Impact Summit 2026 ਕੀ ਹੈ ਪੂਰਾ ਮਾਮਲਾ
ਇਹ ਪੂਰਾ ਮਾਮਲਾ ਇੱਕ ਚਾਰ ਪੈਰਾਂ ਵਾਲੇ ਰੋਬੋਟਿਕ ਕੁੱਤੇ (quadruped robot) ਕਾਰਨ ਸਾਹਮਣੇ ਆਇਆ ਹੈ, ਜਿਸ ਨੂੰ ਯੂਨੀਵਰਸਿਟੀ ਵੱਲੋਂ ਸੰਮੇਲਨ ਵਿੱਚ ਇੱਕ ਪ੍ਰਮੁੱਖ ਪ੍ਰਦਰਸ਼ਨੀ ਵਜੋਂ ਪੇਸ਼ ਕੀਤਾ ਗਿਆ ਸੀ।
ਸ਼ੁਰੂ ਵਿੱਚ ਇਹ ਰੋਬੋਟ ਦਰਸ਼ਕਾਂ ਲਈ ਖਿੱਚ ਦਾ ਮੁੱਖ ਕੇਂਦਰ ਬਣਿਆ ਹੋਇਆ ਸੀ, ਪਰ ਜਲਦੀ ਹੀ ਇਹ ਦਾਅਵੇ ਸਾਹਮਣੇ ਆਏ ਕਿ ਇਹ ਕੋਈ ਭਾਰਤੀ ਕਾਢ ਨਹੀਂ, ਸਗੋਂ ਇੱਕ ਚੀਨੀ ਉਤਪਾਦ ਹੈ। ਇਸ ਖੁਲਾਸੇ ਤੋਂ ਬਾਅਦ ਸੋਸ਼ਲ ਮੀਡੀਆ ‘ਤੇ ਯੂਨੀਵਰਸਿਟੀ ਵਿਰੁੱਧ ਤਿੱਖੀ ਪ੍ਰਤੀਕਿਰਿਆ ਹੋਈ ਅਤੇ ਵਿਰੋਧੀ ਧਿਰਾਂ ਨੇ ਸਰਕਾਰ ਨੂੰ ਘੇਰਨਾ ਸ਼ੁਰੂ ਕਰ ਦਿੱਤਾ। ਨਤੀਜੇ ਵਜੋਂ, ਵਿਵਾਦ ਇੰਨਾ ਵਧ ਗਿਆ ਕਿ ਸਰਕਾਰੀ ਸੂਤਰਾਂ ਅਨੁਸਾਰ ਯੂਨੀਵਰਸਿਟੀ ਨੂੰ ਆਪਣਾ ਸਟਾਲ ਤੁਰੰਤ ਖਾਲੀ ਕਰਨ ਲਈ ਕਹਿ ਦਿੱਤਾ ਗਿਆ ਹੈ।
ਚੀਨੀ ਰੋਬੋਟਿਕਸ ਕੰਪਨੀ ‘ਯੂਨੀਟ੍ਰੀ’ (Unitree) ਵੱਲੋਂ ਬਣਾਇਆ ਗਿਆ Go2 ਮਾਡਲ
ਰੋਬੋਟਿਕ ਕੁੱਤੇ ਬਾਰੇ ਵਿਸਥਾਰ ਵਿੱਚ ਗੱਲ ਕਰੀਏ ਤਾਂ, ਗਲਗੋਟੀਆਜ਼ ਯੂਨੀਵਰਸਿਟੀ ਨੇ ਇਸ ਨੂੰ “ਓਰੀਅਨ” (Orion) ਨਾਮ ਦੇ ਲੇਬਲ ਹੇਠ ਪ੍ਰਦਰਸ਼ਿਤ ਕੀਤਾ ਸੀ। ਭਾਰਤ ਮੰਡਪਮ ਵਿਖੇ ਹੋ ਰਹੇ ਇਸ ਸਮਾਗਮ ਵਿੱਚ ਇਹ ਰੋਬੋਟ ਆਪਣੀ ਚੁਸਤੀ ਅਤੇ ਹਰਕਤਾਂ ਕਾਰਨ ਸਭ ਦਾ ਧਿਆਨ ਖਿੱਚ ਰਿਹਾ ਸੀ; ਇਸ ਨੂੰ ਦਰਸ਼ਕਾਂ ਨਾਲ ਹੱਥ ਮਿਲਾਉਂਦੇ ਅਤੇ ਵੱਖ-ਵੱਖ ਤਰ੍ਹਾਂ ਦੀਆਂ ਗਤੀਵਿਧੀਆਂ ਕਰਦੇ ਦੇਖਿਆ ਗਿਆ, ਜਿਸ ਦੀਆਂ ਵੀਡੀਓਜ਼ ਵੀ ਕਾਫੀ ਵਾਇਰਲ ਹੋਈਆਂ।
ਹਾਲਾਂਕਿ, ਤਕਨੀਕੀ ਮਾਹਰਾਂ ਅਤੇ ਆਨਲਾਈਨ ਨਿਗਰਾਨਾਂ ਨੇ ਜਲਦੀ ਹੀ ਪਛਾਣ ਕਰ ਲਈ ਕਿ ਇਹ ਰੋਬੋਟ ਅਸਲ ਵਿੱਚ ਚੀਨੀ ਰੋਬੋਟਿਕਸ ਕੰਪਨੀ ‘ਯੂਨੀਟ੍ਰੀ’ (Unitree) ਵੱਲੋਂ ਬਣਾਇਆ ਗਿਆ Go2 ਮਾਡਲ ਹੈ। ਯੂਨੀਵਰਸਿਟੀ ‘ਤੇ ਇਲਜ਼ਾਮ ਲੱਗੇ ਕਿ ਉਨ੍ਹਾਂ ਨੇ ਇੱਕ ਬਾਜ਼ਾਰ ਵਿੱਚ ਆਮ ਮਿਲਣ ਵਾਲੀ ਚੀਨੀ ਮਸ਼ੀਨ ਨੂੰ ਆਪਣੀ ਸਵਦੇਸ਼ੀ ਤਕਨੀਕੀ ਪ੍ਰਾਪਤੀ ਵਜੋਂ ਪੇਸ਼ ਕਰਕੇ ਲੋਕਾਂ ਨੂੰ ਗੁਮਰਾਹ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ। ਇਸ ਮਸ਼ੀਨ ਦੀ ਮਲਕੀਅਤ ਅਤੇ ਇਸ ਨੂੰ ਬਣਾਉਣ ਦੇ ਦਾਅਵਿਆਂ ਨੇ ਹੀ ਸਾਰਾ ਵਿਵਾਦ ਖੜ੍ਹਾ ਕੀਤਾ ਹੈ।
India AI Impact Summit 2026 ਵਿਰੋਧੀਆਂ ਨੇ ਸਰਕਾਰ ਨੂੰ ਘੇਰਿਆ
ਰਾਹੁਲ ਗਾਂਧੀ ਅਤੇ ਕਾਂਗਰਸ ਪਾਰਟੀ ਨੇ ਇਸ ਮੁੱਦੇ ਨੂੰ ਲੈ ਕੇ ਕੇਂਦਰ ਸਰਕਾਰ ਅਤੇ ਯੂਨੀਵਰਸਿਟੀ ‘ਤੇ ਕਰਾਰੇ ਹਮਲੇ ਕੀਤੇ ਹਨ। ਸਾਬਕਾ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਨੇ ਇਸ ਏਆਈ ਸੰਮੇਲਨ ਨੂੰ ਇੱਕ “ਗੈਰ-ਸੰਗਠਿਤ ਪੀਆਰ ਤਮਾਸ਼ਾ” (disorganised PR spectacle) ਕਰਾਰ ਦਿੰਦਿਆਂ ਕਿਹਾ ਕਿ ਭਾਰਤ ਦੀ ਪ੍ਰਤਿਭਾ ਅਤੇ ਡੇਟਾ ਦੀ ਵਰਤੋਂ ਕਰਨ ਦੀ ਬਜਾਏ, ਇੱਥੇ ਚੀਨੀ ਉਤਪਾਦਾਂ ਦੀ ਨੁਮਾਇਸ਼ ਲਗਾਈ ਜਾ ਰਹੀ ਹੈ।
ਉਨ੍ਹਾਂ ਨੇ ਇਹ ਵੀ ਦੋਸ਼ ਲਾਇਆ ਕਿ ਭਾਰਤੀ ਡੇਟਾ ਨੂੰ ਵੇਚਣ ਲਈ ਰੱਖਿਆ ਗਿਆ ਹੈ। ਕਾਂਗਰਸ ਪਾਰਟੀ ਨੇ ਅਧਿਕਾਰਤ ਤੌਰ ‘ਤੇ ਕਿਹਾ ਕਿ ਮੋਦੀ ਸਰਕਾਰ ਨੇ ਏਆਈ ਦੇ ਖੇਤਰ ਵਿੱਚ ਭਾਰਤ ਦਾ ਵਿਸ਼ਵ ਪੱਧਰ ‘ਤੇ ਮਜ਼ਾਕ ਉਡਾਇਆ ਹੈ। ਉਨ੍ਹਾਂ ਅਨੁਸਾਰ, ਚੀਨੀ ਮੀਡੀਆ ਨੇ ਵੀ ਇਸ ਘਟਨਾ ਨੂੰ ਲੈ ਕੇ ਭਾਰਤ ਦਾ ਮਜ਼ਾਕ ਉਡਾਇਆ ਹੈ, ਜੋ ਬੇਹੱਦ ਸ਼ਰਮਨਾਕ ਹੈ। ਪਾਰਟੀ ਨੇ ਕੇਂਦਰੀ ਮੰਤਰੀ ਅਸ਼ਵਨੀ ਵੈਸ਼ਨਵ ‘ਤੇ ਵੀ ਨਿਸ਼ਾਨਾ ਸਾਧਿਆ ਅਤੇ ਦੋਸ਼ ਲਾਇਆ ਕਿ ਉਹ ਚੀਨੀ ਰੋਬੋਟਾਂ ਨੂੰ ਭਾਰਤੀ ਦੱਸ ਕੇ ਝੂਠ ਨੂੰ ਉਤਸ਼ਾਹਿਤ ਕਰ ਰਹੇ ਹਨ, ਜਿਸ ਨਾਲ ਦੇਸ਼ ਦੇ ਅਕਸ ਨੂੰ ਅਜਿਹਾ ਨੁਕਸਾਨ ਪਹੁੰਚਿਆ ਹੈ ਜਿਸ ਦੀ ਭਰਪਾਈ ਨਹੀਂ ਕੀਤੀ ਜਾ ਸਕਦੀ।
ਯੂਨੀਵਰਸਿਟੀ ਨੂੰ ਪ੍ਰਦਰਸ਼ਨੀ ਸਥਾਨ ਖਾਲੀ ਕਰਨ ਲਈ ਕਿਹਾ
ਸੂਤਰਾਂ ਦੇ ਹਵਾਲੇ ਨਾਲ ਇਹ ਜਾਣਕਾਰੀ ਸਾਹਮਣੇ ਆਈ ਹੈ ਕਿ ਯੂਨੀਵਰਸਿਟੀ ਨੂੰ ਸੰਮੇਲਨ ਵਾਲੀ ਥਾਂ ਤੋਂ ਤੁਰੰਤ ਆਪਣਾ ਪ੍ਰਦਰਸ਼ਨੀ ਸਥਾਨ ਖਾਲੀ ਕਰਨ ਲਈ ਕਹਿ ਦਿੱਤਾ ਗਿਆ ਹੈ। ਹਾਲਾਂਕਿ, ਇਸ ਸਬੰਧੀ ਸਰਕਾਰ ਵੱਲੋਂ ਅਜੇ ਤੱਕ ਕੋਈ ਰਸਮੀ ਜਾਂ ਅਧਿਕਾਰਤ ਐਲਾਨ ਨਹੀਂ ਕੀਤਾ ਗਿਆ ਹੈ, ਪਰ ਸੂਤਰਾਂ ਨੇ ਪੁਸ਼ਟੀ ਕੀਤੀ ਹੈ ਕਿ ਇਹ ਹੁਕਮ ਰੋਬੋਟਿਕ ਕੁੱਤੇ ਨੂੰ ਲੈ ਕੇ ਪੈਦਾ ਹੋਏ ਵਿਵਾਦ ਅਤੇ ਗਲਤ ਪੇਸ਼ਕਾਰੀ ਦੇ ਦੋਸ਼ਾਂ ਕਾਰਨ ਦਿੱਤੇ ਗਏ ਹਨ। ਇਹ ਕਾਰਵਾਈ ਉਨ੍ਹਾਂ ਰਿਪੋਰਟਾਂ ਤੋਂ ਬਾਅਦ ਹੋਈ ਹੈ ਜਿਨ੍ਹਾਂ ਵਿੱਚ ਕਿਹਾ ਗਿਆ ਸੀ ਕਿ ਯੂਨੀਵਰਸਿਟੀ ਨੇ ਚੀਨੀ ਤਕਨੀਕ ਨੂੰ ਆਪਣੀ ਕਹਿ ਕੇ ਪ੍ਰਦਰਸ਼ਿਤ ਕੀਤਾ ਹੈ।
ਉਧਰ ਗਲਗੋਟੀਆਜ਼ ਯੂਨੀਵਰਸਿਟੀ ਨੇ ਮੰਗਲਵਾਰ ਨੂੰ ਇੱਕ ਸਪਸ਼ਟੀਕਰਨ ਜਾਰੀ ਕਰਕੇ ਆਪਣਾ ਪੱਖ ਰੱਖਿਆ ਹੈ। ਯੂਨੀਵਰਸਿਟੀ ਨੇ ਇਨ੍ਹਾਂ ਦੋਸ਼ਾਂ ਨੂੰ ਨਕਾਰਦਿਆਂ ਕਿਹਾ ਕਿ ਉਨ੍ਹਾਂ ਨੇ ਕਦੇ ਵੀ ਇਹ ਦਾਅਵਾ ਨਹੀਂ ਕੀਤਾ ਕਿ ਇਹ ਰੋਬੋਟ ਉਨ੍ਹਾਂ ਦੀ ਆਪਣੀ ਕਾਢ ਹੈ। ਉਨ੍ਹਾਂ ਨੇ ਸਪੱਸ਼ਟ ਕੀਤਾ ਕਿ ਉਨ੍ਹਾਂ ਨੇ ਇਸ ਨੂੰ ਇੱਕ ਚੀਨੀ ਮਸ਼ੀਨ ਵਜੋਂ ਹੀ ਪਛਾਣਿਆ ਸੀ ਅਤੇ ਕੋਈ ਗਲਤ ਬਿਆਨੀ ਨਹੀਂ ਕੀਤੀ ਗਈ।
ਇਹ ਰੋਬੋਟ ਸੰਮੇਲਨ ਵਿੱਚ ਲੋਕਾਂ ਦੀ ਖਿੱਚ ਦਾ ਵੱਡਾ ਕੇਂਦਰ ਸੀ, ਪਰ ਤਕਨੀਕੀ ਪ੍ਰੇਮੀਆਂ ਦੇ ਇਤਰਾਜ਼ਾਂ ਤੋਂ ਬਾਅਦ ਸਥਿਤੀ ਬਦਲ ਗਈ। ਇਹ ਪੂਰੀ ਘਟਨਾ ਭਾਰਤ ਵਿੱਚ ‘ਸਵਦੇਸ਼ੀ ਤਕਨੀਕ’ ਅਤੇ ‘ਮੇਕ ਇਨ ਇੰਡੀਆ’ ਦੇ ਪ੍ਰਚਾਰ ਦਰਮਿਆਨ ਇੱਕ ਵੱਡੀ ਬਹਿਸ ਦਾ ਵਿਸ਼ਾ ਬਣ ਗਈ ਹੈ।
