Spectrum Punjab Punjab's most credible source of news
Related Articles
ਬਾਬੇ ਤੋਂ ਪੁੱਤ ਦੀ ਦਾਤ ਮੰਗਣ ਗਈ ਸੀ ਔਰਤ, ਇਸ਼ਨਾਨ ਦੇ ਬਹਾਨੇ ਮੋਟਰ ‘ਤੇ ਲੈ ਕੇ ਕੀਤਾ ਵੱਡਾ ਕਾਂਡ
ਪੁੱਤ ਦੀ ਦਾਤ ਮੰਗਣ ਗਈ ਔਰਤ ਨਾਲ ਢੌਂਗੀ ਬਾਬੇ ਨੇ ਕੀਤਾ ਰੇਪ ਫੇਰ
ਤਰਨਤਾਰਨ- ਅੱਜ ਕੱਲ੍ਹ ਲੋਕਾਂ ‘ਚ ਅੰਧ ਵਿਸ਼ਵਾਸ ਇੰਨਾ ਕੁ ਬਹੁਤ ਵੱਧ ਗਿਆ ਹੈ ਕਿ ਲੋਕ ਆਪਣੀ ਪ੍ਰੇਸ਼ਾਨੀਆਂ ਲੈ ਕੇ ਸਾਧੂ, ਸੰਤਾਂ ਕੋਲ ਜਾਣ ਲੱਗ ਜਾਂਦੇ ਹਨ ਅਤੇ ਆਪਣਾ ਸਭ ਕੁਝ ਗੁਆ ਬੈਠਦੇ ਹਨ। ਅਜਿਹਾ ਹੀ ਇਕ ਮਾਮਲਾ ਤਰਨਤਾਰਨ ਤੋਂ ਸਾਹਮਣੇ ਆਇਆ ਹੈ ਜਿਥੇ ਇਕ ਔਰਤ ਅੰਧ ਵਿਸ਼ਵਾਸ ‘ਚ ਪੁੱਤ ਦੀ ਦਾਤ ਮੰਗਣ ਲਈ ਬਾਬੇ ਕੋਲ ਗਈ ਤਾਂ ਉੱਥੇ ਉਸ ਨਾਲ ਬਾਬੇ ਵੱਲੋਂ ਗਲਤ ਕੰਮ ਕੀਤਾ ਗਿਆ, ਜਿਸ ਲਈ ਉਹ ਇਨਸਾਫ਼ ਦੀ ਗੁਹਾਰ ਲਗਾ ਰਹੀ ਹੈ
ਇਸ ਦੌਰਾਨ ਪੀੜਤ ਔਰਤ ਨੇ ਦੱਸਿਆ ਕਿ ਜਿਹੜੇ ਬਾਬੇ ਨੇ ਗੁਰੂਆਂ ਦੇ ਬਾਣੇ ਪਾਏ ਹਨ ਇਨ੍ਹਾਂ ਨੇ ਮੇਰੀ ਇੱਜ਼ਤ ਲੁੱਟੀ ਹੈ। ਉਸ ਨੇ ਕਿਹਾ ਕਿ ਬਾਬੇ ਦਾ ਨਾਂ ਕੁਲਵੰਤ ਸਿੰਘ ਕਾਂਤਾ ਸੀਤੋਵਾਲਾ ਹੈ, ਅਸੀਂ ਪੁੱਤਰ ਦੀ ਦਾਤ ਲਈ ਬਾਬੇ ਕੋਲ ਗਏ ਸੀ ਪਰ ਸਾਨੂੰ ਨਹੀਂ ਸੀ ਪਤਾ ਕਿ ਬਾਬਾ ਇਸ ਤਰ੍ਹਾਂ ਦੇ ਕੰਮ ਕਰਦਾ ਹੈ। ਉਸ ਨੇ ਕਿਹਾ ਕਿ ਬਾਬੇ ਨੇ ਮੈਨੂੰ ਕਿਹਾ ਸੀ ਕਿ ਤੁਹਾਨੂੰ ਪੁੱਤਰ ਮਿਲੇਗਾ ਇਸ ਵਾਸਤੇ ਤੁਹਾਨੂੰ 5 ਇਸ਼ਨਾਨ ਕਰਨੇ ਪੈਣਗੇ ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਸਾਨੂੰ ਗੋਲੀਆਂ ਦੇ ਦਿੱਤੀਆਂ ਅਤੇ ਮੇਰਾ ਘਰਵਾਲਾ ਸੌਂ ਰਿਹਾ। ਇਸ ਦੌਰਾਨ ਰਾਤ ਨੂੰ ਬਾਬਾ ਮੈਨੂੰ ਮੋਟਰ ‘ਤੇ ਇਸ਼ਨਾਨ ਕਰਨ ਲਈ ਲੈ ਗਿਆ, ਜਿੱਥੇ ਉਸ ਨੇ ਮੇਰੀ ਇੱਜਤ ਲੁੱਟੀ। ਔਰਤ ਨੇ ਦੱਸਿਆ ਮੈਨੂੰ ਹੋਸ਼ ਨਹੀਂ ਸੀ ਜਦੋਂ ਢਾਈ ਘੰਟੇ ਬਾਅਦ ਮੈਨੂੰ ਹੋਸ਼ ਆਈ ਤਾਂ ਮੈਂ ਕਿਸੇ ਤਰ੍ਹਾਂ ਨਾਲ ਆਪਣੀ ਜਾਨ ਬਚਾ ਕੇ ਘਰ ਆਈ ।
ਔਰਤ ਨੇ ਦੱਸਿਆ ਬਾਬੇ ਨੇ ਮੈਨੂੰ ਕਿਹਾ ਸੀ ਕਿ ਜੇਕਰ ਤੈਨੂੰ ਘਰ ਇਸ਼ਨਾਨ ਕਰਾਇਆ ਤਾਂ ਭੁੱਤ ਪਿੱਛੇ ਲੱਗ ਜਾਣਗੇ ਜਿਸ ਤੋਂ ਬਾਅਦ ਉਹ ਮੈਨੂੰ ਮੋਟਰ ‘ਤੇ ਲੈ ਗਿਆ ਅਤੇ ਮੇਰੇ ਨਾਲ ਗਲਤ ਕੰਮ ਕੀਤਾ ਗਿਆ। ਜਦੋਂ ਮੈਂ ਬਾਬੇ ਨੂੰ ਕਿਹਾ ਕਿ ਮੈਂ ਇਸ ਤਰ੍ਹਾਂ ਦੀ ਔਰਤ ਨਹੀਂ ਹਾਂ ਤਾਂ ਇਨ੍ਹਾਂ ਨੇ ਮੇਰੇ ਪੈਰਾਂ ‘ਚ ਪੱਗ ਰੱਖ ਕੇ ਮੁਆਫ਼ੀ ਮੁੰਗੀ ਪਰ ਮੈਂ ਮੁਆਫ਼ੀ ਨਹੀਂ ਇਨ੍ਹਾਂ ਨੂੰ ਸਜ਼ਾ ਦਿਵਾਉਣਾ ਚਾਹੁੰਦੀ ਹਾਂ।
ਇਸ ਦੌਰਾਨ ਪੁਲਸ ਨੇ ਪੀੜਤ ਔਰਤ ਦੀ ਸ਼ਿਕਾਇਤ ‘ਤੇ ਪੱਟੀ ਪੁਲਸ ਨੇ ਅਜਿਹੇ ਫਰਜ਼ੀ ਬਾਬੇ ਖ਼ਿਲਾਫ਼ ਮਾਮਲਾ ਦਰਜ ਕਰ ਲਿਆ। ਪੁਲਸ ਨੇ ਉਸ ਦੀ ਗ੍ਰਿਫਤਾਰੀ ਲਈ ਛਾਪੇਮਾਰੀ ਸ਼ੁਰੂ ਕਰ ਦਿੱਤੀ ਹੈ।
ਪੀੜਤ ਔਰਤ ‘ਤੇ ਜ਼ਬਰਦਸਤੀ ਕਰਨ ਵਾਲੇ ਬਾਬਾ ਦੀ ਪਛਾਣ ਕੁਲਵੰਤ ਸਿੰਘ ਕਾਂਤਾ ਸੀਤੋਵਾਲਾ ਵਜੋਂ ਹੋਈ ਹੈ।
ਪੀੜਤ ਔਰਤ ਨੇ ਜਾਣਕਾਰੀ ਦਿੰਦਿਆ ਦੱਸਿਆ ਕਿ ਉਹਦੇ ਪੁੱਤਰ ਪੈਦਾ ਨਹੀਂ ਹੋ ਰਿਹਾ ਸੀ। ਪੁੱਤਰ ਹੋਣ ਦਾ ਇਲਾਜ ਕਰਵਾਉਣ ਲਈ ਬਾਬਾ ਕੁਲਵੰਤ ਸਿੰਘ ਕੋਲ ਗਈ ਸੀ। ਜਿਸ ਦਾ ਫਾਇਦਾ ਉਠਾਉਂਦੇ ਹੋਏ ਬਾਬੇ ਨੇ ਉਸ ਨੂੰ ਰਾਤ ਨੂੰ ਆਪਣੀ ਮੋਟਰ ਉਤੇ ਬੁਲਾਇਆ ਅਤੇ ਉਸ ਨੂੰ ਨੀਂਦ ਦੀਆਂ ਗੋਲੀਆਂ ਖੁਆ ਕੇ ਉਸ ਦਾ ਜਿਣਸੀ ਸ਼ੋਸਣ ਕੀਤਾ। ਪੀੜਤ ਔਰਤ ਨੇ ਦੱਸਿਆ ਕਿ ਉਹ ਕਿਸੇ ਤਰ੍ਹਾਂ ਆਪਣੇ ਘਰ ਪੁੱਜੀ ਅਤੇ ਇਸ ਸਭ ਦੀ ਜਾਣਕਾਰੀ ਪਰਿਵਾਰਕ ਮੈਂਬਰਾਂ ਨੂੰ ਦਿੱਤੀ।
ਜਦੋ ਰੌਲਾ ਪਿਆ ਤਾਂ ਪਰਿਵਾਰਕ ਮੈਂਬਰ ਤੇ ਹੋਰ ਸਾਰੇ ਬਾਬੇ ਕੋਲ ਪੁੱਜੇ। ਬਾਬੇ ਦਾ ਪੀੜਤ ਔਰਤ ਤੋਂ ਮੁਆਫੀ ਮੰਗਣ ਦਾ ਵੀਡੀਓ ਵੀ ਵਾਇਰਲ ਹੋਇਆ ਹੈ।ਪੀੜਤ ਔਰਤ ਦੀ ਸ਼ਿਕਾਇਤ ਉਤੇ ਪੱਟੀ ਪੁਲਿਸ ਨੇ ਅਜਿਹੇ ਫਰਜ਼ੀ ਬਾਬੇ ਖਿਲਾਫ ਮਾਮਲਾ ਦਰਜ ਕਰ ਲਿਆ। ਪੁਲਿਸ ਨੇ ਉਸ ਦੀ ਗ੍ਰਿਫਤਾਰੀ ਲਈ ਛਾਪੇਮਾਰੀ ਸ਼ੁਰੂ ਕਰ ਦਿੱਤੀ ਹੈ।