Related Articles
Punjab ਪੰਜਾਬ : ਦੇਹ ਵਪਾਰ ਨੂੰ ਲੈ ਕੇ ਵੱਡਾ ਖ਼ੁਲਾਸਾ, ਕਈ ਅਮੀਰ ‘ਨਵਾਬਜ਼ਾਦੇ’ ਨਿਸ਼ਾਨੇ ‘ਤੇ
ਲੁਧਿਆਣਾ : ਸਰਕਾਰ ਵੱਲੋਂ ਨਸ਼ਾਖੋਰੀ ਨੂੰ ਰੋਕਣ ਲਈ ਵਿਆਪਕ ਮੁਹਿੰਮਾਂ ਚਲਾਈਆਂ ਜਾ ਰਹੀਆਂ ਹਨ ਪਰ ਪੰਜਾਬ ਵਿਚ ਨਸ਼ਾ ਛੇਵੇਂ ਦਰਿਆ ਵਾਂਗ ਵਹਿ ਰਿਹਾ ਹੈ। 12 ਸਾਲ ਦੀ ਉਮਰ ਦੀਆਂ ਲੜਕੀਆਂ ਅਤੇ ਛੋਟੇ ਬੱਚੇ ਵੀ ਨਸ਼ਾ ਵੇਚਣ ਵਾਲੇ ਗਿਰੋਹਾਂ ਦੇ ਜਾਲ ਵਿਚ ਫਸ ਰਹੇ ਹਨ।
ਨਸ਼ੇ ਦੀ ਲਤ ਵਿਚ ਫਸੀ ਇਕ ਮੁਟਿਆਰ ਨੇ ਹੈਰਾਨ ਕਰਨ ਵਾਲੇ ਖੁਲਾਸੇ ਕੀਤੇ ਹਨ ਕਿ ਕਿਵੇਂ ਉਸ ਨੂੰ ਡਰੱਗਜ਼ ਖਰੀਦਣ ਲਈ ਦੇਹ-ਵਪਾਰ ਦੀ ਦੁਨੀਆ ਵਿਚ ਉਤਰਨਾ ਪਿਆ। ਦੋ ਸਾਲ ਬਾਅਦ, ਉਹ ਖ਼ੁਦ ਇਸ ਲਤ ਤੋਂ ਛੁਟਕਾਰਾ ਪਾਉਣ ਲਈ ਨਸ਼ਾ ਮੁਕਤੀ ਕੇਂਦਰ ਪਹੁੰਚੀ ਹੈ।
ਡਾ. ਕੋਟਨਿਸ ਐਕੂਪੰਕਚਰ ਹਸਪਤਾਲ ਦੇ ਨਿਰਦੇਸ਼ਕ ਡਾ. ਇੰਦਰਜੀਤ ਸਿੰਘ ਨੇ ਦੱਸਿਆ ਕਿ ਲੁਧਿਆਣਾ ਵਿਚ ਨਸ਼ੇ ਦੀ ਲਤ ਲੜਕੀਆਂ ਨੂੰ ਦੇਹ-ਵਪਾਰ ਵੱਲ ਧੱਕ ਰਹੀ ਹੈ। ਉਨ੍ਹਾਂ ਚਿੰਤਾ ਪ੍ਰਗਟਾਈ ਕਿ ਹੁਣ ਲੜਕਿਆਂ ਦੇ ਨਾਲ-ਨਾਲ ਲੜਕੀਆਂ ਵੀ ਇਸ ਦਾ ਸ਼ਿਕਾਰ ਹੋ ਰਹੀਆਂ ਹਨ।
ਪੰਜਾਬ ਵਿਚ ਘੱਟ ਉਮਰ ਦੇ ਬੱਚਿਆਂ ਅਤੇ ਲੜਕੀਆਂ ਲਈ ਕੋਈ ਸਰਕਾਰੀ ਨਸ਼ਾ ਮੁਕਤੀ ਕੇਂਦਰ ਨਹੀਂ ਹੈ। ਉਨ੍ਹਾਂ ਦੀ ਸੰਸਥਾ ਅਜਿਹੀਆਂ ਲੜਕੀਆਂ ਦਾ ਇਲਾਜ ਐਕੂਪੰਕਚਰ ਵਿਧੀ ਰਾਹੀਂ ਮੁਫ਼ਤ ਕਰ ਰਹੀ ਹੈ।
ਇੱਕੋ ਸਰਿੰਜ ਦੀ ਵਰਤੋਂ ਤੇ ਅਸੁਰੱਖਿਅਤ ਸਬੰਧਾਂ ਕਾਰਨ ਵਧੇ ਐੱਚ.ਆਈ.ਵੀ. ਦੇ ਮਾਮਲੇ
ਨਸ਼ੇ ਦੀ ਪੂਰਤੀ ਲਈ ਇਕ-ਦੂਜੇ ਦੀ ਵਰਤੀ ਹੋਈ ਸਰਿੰਜ (ਇੰਜੈਕਸ਼ਨ) ਦੀ ਵਰਤੋਂ ਤੇ ਅਸੁਰੱਖਿਅਤ ਸਰੀਰਕ ਸਬੰਧਾਂ ਕਾਰਨ ਐੱਚ.ਆਈ.ਵੀ. (HIV) ਦੇ ਮਾਮਲੇ ਤੇਜ਼ੀ ਨਾਲ ਵਧ ਰਹੇ ਹਨ। ਲੁਧਿਆਣਾ ਵਿੱਚ ਹੁਣ ਤੱਕ 10,000 ਤੋਂ ਵੱਧ ਮਾਮਲੇ ਸਾਹਮਣੇ ਆ ਚੁੱਕੇ ਹਨ।
ਸਿਵਲ ਹਸਪਤਾਲ ਦੇ ਏ.ਆਰ.ਟੀ. ਸੈਂਟਰ ਦੇ ਅੰਕੜਿਆਂ ਅਨੁਸਾਰ
2020-21: 926 ਨਵੇਂ ਮਰੀਜ਼, ਜਿਨ੍ਹਾਂ ਵਿੱਚੋਂ 488 (52%) ਨਸ਼ੇ ਦੇ ਟੀਕੇ ਲਾਉਣ ਵਾਲੇ ਸਨ।
2021-22: 1320 ਪਾਜ਼ੀਟਿਵ ਮਰੀਜ਼, ਜਿਨ੍ਹਾਂ ਵਿੱਚੋਂ 807 (61%) ਟੀਕੇ ਲਾਉਣ ਵਾਲੇ ਸਨ।
2022-23: 1333 ਨਵੇਂ ਮਰੀਜ਼, ਜਿਨ੍ਹਾਂ ਵਿੱਚੋਂ 68.8% ਆਈ.ਡੀ.ਯੂ. ਸਨ।
2023 ਤੋਂ 2025: ਅਕਤੂਬਰ 2023 ਤੱਕ 1443 ਮਰੀਜ਼ ਦਰਜ ਹੋਏ ਤੇ ਅਗਲੇ ਸਾਲਾਂ ਵਿੱਚ ਵੀ 60% ਤੋਂ ਵੱਧ ਮਾਮਲੇ ਨਸ਼ੇੜੀਆਂ ਨਾਲ ਸਬੰਧਤ ਪਾਏ ਗਏ।
ਕਾਨੂੰਨ ਬਦਲਣ ਦੀ ਲੋੜ
ਰਿਟਾਇਰਡ ਆਈ.ਪੀ.ਐੱਸ. ਇਕਬਾਲ ਸਿੰਘ ਗਿੱਲ (ਜਨਰਲ ਸਕੱਤਰ, ਡਾ. ਕੋਟਨਿਸ ਹਸਪਤਾਲ) ਨੇ ਕਿਹਾ ਕਿ ਐੱਨ.ਡੀ.ਪੀ.ਐੱਸ. ਕਾਨੂੰਨ ਵਿੱਚ ਬਦਲਾਅ ਦੀ ਲੋੜ ਹੈ। ਉਨ੍ਹਾਂ ਸੁਝਾਅ ਦਿੱਤਾ ਕਿ ਨਸ਼ਾ ਮੁਕਤੀ ਕੇਂਦਰ ਖੋਲ੍ਹਣ ਦੇ ਨਿਯਮ ਨਰਮ ਕੀਤੇ ਜਾਣੇ ਚਾਹੀਦੇ ਹਨ।
ਅਮੀਰਜ਼ਾਦਿਆਂ ਨੂੰ ਫਸਾਉਣ ਦੀ ਕੋਸ਼ਿਸ਼
ਮਾਹਿਰਾਂ ਅਨੁਸਾਰ ਦੇਹ-ਵਪਾਰ ਵਿੱਚ ਲਿਪਤ ਨਸ਼ੇੜੀ ਲੜਕੀਆਂ ਦੇ ਜਾਲ ਵਿੱਚ ਕਈ ਅਮੀਰ ਘਰਾਣਿਆਂ ਦੇ ਨੌਜਵਾਨ (ਨਵਾਬਜ਼ਾਦੇ) ਫਸ ਚੁੱਕੇ ਹਨ। ਨਸ਼ੇ ਲਈ ਪੈਸੇ ਇਕੱਠੇ ਕਰਨ ਲਈ ਇਹ ਮੁਟਿਆਰਾਂ ਸ਼ਹਿਰ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਸਰਗਰਮ ਹਨ।
ਜਲੰਧਰ ਰੋਡ, ਬੱਸ ਸਟੈਂਡ ਦੇ ਆਸ-ਪਾਸ ਦਾ ਇਲਾਕਾ ਤੇ ਹਾਈਵੇ ’ਤੇ ਇਹ ਲੜਕੀਆਂ ਵਾਹਨਾਂ ਨੂੰ ਰੋਕ ਕੇ ਗਾਹਕਾਂ ਦੀ ਭਾਲ ਕਰਦੀਆਂ ਦੇਖੀਆਂ ਜਾ ਸਕਦੀਆਂ ਹਨ। ਸੂਤਰ ਦੱਸਦੇ ਹਨ ਕਿ ਕਈ ਵਾਰ ਪਾਸ਼ ਇਲਾਕਿਆਂ ਦੇ ਲੋਕ ਵੀ ਇਨ੍ਹਾਂ ਦੇ ਚੁੰਗਲ ਵਿੱਚ ਫਸ ਜਾਂਦੇ ਹਨ, ਜਿਸ ਨਾਲ ਬਿਮਾਰੀਆਂ ਫੈਲਣ ਦਾ ਖ਼ਤਰਾ ਹੋਰ ਵੀ ਗੰਭੀਰ ਹੋ ਗਿਆ ਹੈ।