Related Articles
SK Group Chairman ordered to pay $644M in divorce settlement
ਸਦੀ ਦਾ ਸਭ ਤੋਂ ਮਹਿੰਗਾ ਤਲਾਕ ! ਸਾਬਕਾ ਪਤਨੀ ਨੂੰ 82 ਅਰਬ ਰੁਪਏ ਦੇਵੇਗਾ ਇਹ ਕਾਰੋਬਾਰੀ
South Korea Divorce : ਦੱਖਣੀ ਕੋਰੀਆ ਦੇ ਮਸ਼ਹੂਰ ਕਾਰੋਬਾਰੀ ਅਤੇ SK Group ਦੇ ਚੇਅਰਮੈਨ ਚੇ ਤਾਏ-ਵੋਨ ਦਾ ਤਲਾਕ ਇੱਕ ਵਾਰ ਫਿਰ ਚਰਚਾ ਵਿੱਚ ਹੈ। ਸਿਓਲ ਹਾਈ ਕੋਰਟ ਨੇ ਪਹਿਲਾਂ ਤੈਅ ਕੀਤੀ ਗਈ ਤਲਾਕ ਸਮਝੌਤੇ ਦੀ ਰਕਮ ਵਿੱਚ ਕਮੀ ਕੀਤੀ ਹੈ ਪਰ ਇਸ ਦੇ ਬਾਵਜੂਦ ਉਨ੍ਹਾਂ ਨੂੰ ਆਪਣੀ ਸਾਬਕਾ ਪਤਨੀ ਰੋ ਸੋਹ-ਯੋਂਗ ਨੂੰ ਲਗਭਗ 944 ਅਰਬ ਵੋਨ (ਕਰੀਬ 940 ਮਿਲੀਅਨ ਅਮਰੀਕੀ ਡਾਲਰ) ਅਦਾ ਕਰਨੇ ਹੋਣਗੇ। ਭਾਰਤੀ ਕਰੰਸੀ ਅਨੁਸਾਰ ਇਹ ਰਕਮ ਕਰੀਬ 8,200 ਕਰੋੜ ਰੁਪਏ (82 ਅਰਬ ਰੁਪਏ) ਬਣਦੀ ਹੈ। ਹਾਲਾਂਕਿ ਮਾਮਲਾ ਅਜੇ ਪੂਰੀ ਤਰ੍ਹਾਂ ਖਤਮ ਨਹੀਂ ਹੋਇਆ। ਜੇ ਦੋਵੇਂ ਧਿਰਾਂ ਚਾਹੁਣ ਤਾਂ ਇਸ ਫੈਸਲੇ ਖ਼ਿਲਾਫ਼ ਦੱਖਣੀ ਕੋਰੀਆ ਦੀ ਸੁਪਰੀਮ ਕੋਰਟ ਵਿੱਚ ਅਪੀਲ ਕਰ ਸਕਦੀਆਂ ਹਨ।
ਕੀ ਹੈ ਪੂਰਾ ਮਾਮਲਾ?
ਸਿਓਲ ਹਾਈ ਕੋਰਟ ਨੇ ਤਲਾਕ ਸਮਝੌਤੇ ਦੀ ਰਕਮ ਘਟਾ ਕੇ 944 ਅਰਬ ਵੋਨ ਕਰ ਦਿੱਤੀ। ਇਹ ਰਕਮ ਭਾਰਤੀ ਮੁਦਰਾ ਵਿੱਚ ਕਰੀਬ 8,200 ਕਰੋੜ ਰੁਪਏ (82 ਅਰਬ ਰੁਪਏ) ਦੇ ਬਰਾਬਰ ਹੈ। ਇਸ ਤੋਂ ਪਹਿਲਾਂ 2024 ਵਿੱਚ ਅਦਾਲਤ ਨੇ 1.38 ਟ੍ਰਿਲੀਅਨ ਵੋਨ ਦੇਣ ਦਾ ਹੁਕਮ ਦਿੱਤਾ ਸੀ। ਇਹ ਹਾਈ-ਪ੍ਰੋਫਾਈਲ ਮਾਮਲਾ ਲੰਬੇ ਸਮੇਂ ਤੋਂ “ਸਦੀ ਦਾ ਸਭ ਤੋਂ ਮਹਿੰਗਾ ਤਲਾਕ” ਵਜੋਂ ਚਰਚਾ ਵਿੱਚ ਹੈ। ਇਸ ਫੈਸਲੇ ਖ਼ਿਲਾਫ਼ ਅਜੇ ਵੀ ਸੁਪਰੀਮ ਕੋਰਟ ਵਿੱਚ ਅਪੀਲ ਕੀਤੀ ਜਾ ਸਕਦੀ ਹੈ।
ਅਦਾਲਤ ਨੇ ਕੀ ਕਿਹਾ?
ਅਦਾਲਤ ਨੇ ਮੰਨਿਆ ਕਿ ਵਿਆਹ ਦੌਰਾਨ ਚੇ ਤਾਏ-ਵੋਨ ਦੀ ਕਾਰੋਬਾਰੀ ਹਿੱਸੇਦਾਰੀ ਅਤੇ ਸੰਪਤੀ ਵਿੱਚ ਵੱਡਾ ਵਾਧਾ ਹੋਇਆ। ਨਾਲ ਹੀ ਅਦਾਲਤ ਨੇ ਇਹ ਵੀ ਮੰਨਿਆ ਕਿ ਰੋ ਸੋਹ-ਯੋਂਗ ਨੇ ਪਰਿਵਾਰ ਦੀ ਦੇਖਭਾਲ, ਬੱਚਿਆਂ ਦੀ ਪਰਵਰਿਸ਼ ਅਤੇ ਸਮਾਜਿਕ ਜ਼ਿੰਮੇਵਾਰੀਆਂ ਨਿਭਾ ਕੇ ਇਸ ਸਫਲਤਾ ਵਿੱਚ ਮਹੱਤਵਪੂਰਨ ਯੋਗਦਾਨ ਦਿੱਤਾ। ਇਸੇ ਆਧਾਰ ‘ਤੇ ਅਦਾਲਤ ਨੇ ਵਿਆਹੀ ਸੰਪਤੀ ਦਾ ਵੱਡਾ ਹਿੱਸਾ ਉਨ੍ਹਾਂ ਨੂੰ ਦੇਣ ਦਾ ਫੈਸਲਾ ਸੁਣਾਇਆ।
ਇਹ ਮਾਮਲਾ ਚਰਚਾ ਵਿੱਚ ਕਿਉਂ ਹੈ?
ਚੇ ਤਾਏ-ਵੋਨ ਦੱਖਣੀ ਕੋਰੀਆ ਦੇ ਵੱਡੇ ਉਦਯੋਗਪਤੀ ਅਤੇ SK Group ਦੇ ਚੇਅਰਮੈਨ ਹਨ। ਉਨ੍ਹਾਂ ਦੀ ਕੰਪਨੀ SK Hynix ਨੂੰ ਆਰਟੀਫ਼ਿਸ਼ਲ ਇੰਟੈਲੀਜੈਂਸ (AI) ਸੈਕਟਰ ਵਿੱਚ ਵਧ ਰਹੀ ਮੰਗ ਦਾ ਵੱਡਾ ਲਾਭ ਮਿਲਿਆ ਹੈ। ਉਨ੍ਹਾਂ ਦੀ ਕੁੱਲ ਹਿੱਸੇਦਾਰੀ ਦੀ ਕੀਮਤ ਕਰੀਬ 5.5 ਬਿਲੀਅਨ ਅਮਰੀਕੀ ਡਾਲਰ ਦੱਸੀ ਜਾਂਦੀ ਹੈ। ਦੋਵਾਂ ਦਾ ਵਿਆਹ 1988 ਵਿੱਚ ਹੋਇਆ ਸੀ ਅਤੇ ਉਨ੍ਹਾਂ ਦੇ ਤਿੰਨ ਬੱਚੇ ਹਨ। 2017 ਵਿੱਚ ਤਲਾਕ ਦੀ ਅਰਜ਼ੀ ਦਾਇਰ ਹੋਣ ਤੋਂ ਬਾਅਦ ਇਹ ਕਾਨੂੰਨੀ ਵਿਵਾਦ ਲਗਾਤਾਰ ਅਦਾਲਤ ਵਿੱਚ ਚੱਲ ਰਿਹਾ ਹੈ।
