Spectrum Punjab Punjab's most credible source of news
Related Articles
Crime News: ਕੁੜੀ ਨੂੰ ਹਨੀਮੂਨ ‘ਤੇ ਵਿਦੇਸ਼ ਨਹੀਂ ਲੈ ਕੇ ਗਿਆ ਜਵਾਈ, ਤਾਂ ਸਹੁਰੇ ਨੇ ਪ੍ਰਹਾਣੇ ਦੇ ਚਿਹਰੇ ‘ਤੇ ਸੁਟਿੱਆ ਤੇਜ਼ਾਬ
Crime News: ਠਾਣੇ ‘ਚ ਝਗੜੇ ਕਾਰਨ ਸਹੁਰੇ ਨੇ ਜਵਾਈ ਦੇ ਚਿਹਰੇ ਤੇ ਸਰੀਰ ‘ਤੇ ਸੁੱਟਿਆ ਤੇਜ਼ਾਬ। ਵਿਵਾਦ ਹਨੀਮੂਨ ਸਥਾਨ ਨੂੰ ਲੈ ਕੇ ਸੀ। ਜਵਾਈ ਕਸ਼ਮੀਰ ਜਾਣਾ ਚਾਹੁੰਦਾ ਸੀ, ਜਦਕਿ ਸਹੁਰੇ ਨੇ ਵਿਦੇਸ਼ ਜਾਣ ਦੀ ਗੱਲ ਕਹੀ ਸੀ।
Crime News: ਮਹਾਰਾਸ਼ਟਰ ਦੇ ਠਾਣੇ ਜ਼ਿਲ੍ਹੇ ਵਿੱਚ ਇੱਕ 29 ਸਾਲਾ ਨਵ-ਵਿਆਹੁਤਾ ਵਿਅਕਤੀ ‘ਤੇ ਕਥਿਤ ਤੌਰ ‘ਤੇ ਹਨੀਮੂਨ ਦੀ ਮੰਜ਼ਿਲ ਨੂੰ ਲੈ ਕੇ ਝਗੜੇ ਤੋਂ ਬਾਅਦ ਉਸ ਦੇ ਸਹੁਰੇ ਨੇ ਤੇਜ਼ਾਬ ਸੁੱਟ ਦਿੱਤਾ।
ਇੱਕ ਅਧਿਕਾਰੀ ਨੇ ਵੀਰਵਾਰ (19 ਦਸੰਬਰ) ਨੂੰ ਇਹ ਜਾਣਕਾਰੀ ਦਿੱਤੀ। ਕਲਿਆਣ ਖੇਤਰ ਦੇ ਬਾਜ਼ਾਰਪੇਠ ਥਾਣੇ ਦੇ ਸੀਨੀਅਰ ਇੰਸਪੈਕਟਰ ਐਸਆਰ ਗੌੜ ਨੇ ਦੱਸਿਆ ਕਿ ਜਵਾਈ ਇਬਾਦ ਅਤੀਕ ਫਾਲਕੇ ਨੂੰ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ ਹੈ, ਜਦਕਿ ਮੁਲਜ਼ਮ ਜ਼ਕੀ ਗੁਲਾਮ ਮੁਰਤਜ਼ਾ ਖੋਤਲ (65) ਫਰਾਰ ਹੈ।
ਗੌੜ ਨੇ ਦੱਸਿਆ ਕਿ ਐਫਆਈਆਰ ਅਨੁਸਾਰ ਫਾਲਕੇ ਨੇ ਹਾਲ ਹੀ ਵਿੱਚ ਖੋਟਾਲ ਦੀ ਧੀ ਦਾ ਵਿਆਹ ਕੀਤਾ ਸੀ ਤੇ ਹਨੀਮੂਨ ਲਈ ਕਸ਼ਮੀਰ ਜਾਣਾ ਚਾਹੁੰਦਾ ਸੀ, ਪਰ ਉਸ ਦੇ ਸਹੁਰੇ ਦੀ ਇੱਛਾ ਸੀ ਕਿ ਨੂੰਹ-ਜਵਾਈ ਵਿਦੇਸ਼ ਵਿੱਚ ਕਿਸੇ ਧਾਰਮਿਕ ਸਥਾਨ ਦੇ ਦਰਸ਼ਨ ਕਰਨ, ਇਸ ਨੂੰ ਲੈ ਕੇ ਦੋਵਾਂ ਵਿਚਾਲੇ ਝਗੜਾ ਹੋ ਗਿਆ।
ਪੁਲਿਸ ਮੁਤਾਬਕ ਫਾਲਕੇ ਬੁੱਧਵਾਰ ਰਾਤ ਘਰ ਪਰਤਿਆ ਤੇ ਆਪਣੀ ਕਾਰ ਸੜਕ ਦੇ ਕੋਲ ਖੜ੍ਹੀ ਕਰ ਦਿੱਤੀ। ਇੱਕ ਅਧਿਕਾਰੀ ਨੇ ਦੱਸਿਆ ਕਿ ਖੋਤਲ, ਜੋ ਕਿ ਫਾਲਕੇ ਦੀ ਉਡੀਕ ਵਿੱਚ ਆਪਣੀ ਕਾਰ ਵਿੱਚ ਬੈਠਾ ਸੀ, ਉਸ ਨੂੰ ਦੇਖ ਕੇ ਤੇ ਕਥਿਤ ਤੌਰ ‘ਤੇ ਉਸ ‘ਤੇ ਤੇਜ਼ਾਬ ਸੁੱਟ ਦਿੱਤਾ, ਜਿਸ ਨਾਲ ਉਸਦਾ ਚਿਹਰਾ ਅਤੇ ਸਰੀਰ ਝੁਲਸ ਗਿਆ।
ਅਧਿਕਾਰੀ ਮੁਤਾਬਕ, ‘ਖੋਟਲ ਆਪਣੀ ਧੀ ਦਾ ਵਿਆਹ ਫਾਲਕੇ ਨਾਲ ਖ਼ਤਮ ਕਰਨਾ ਚਾਹੁੰਦਾ ਸੀ। ਫਿਲਹਾਲ ਉਹ ਫਰਾਰ ਹੈ ਤੇ ਅਸੀਂ ਉਸ ਨੂੰ ਫੜਨ ਦੀ ਕੋਸ਼ਿਸ਼ ਕਰ ਰਹੇ ਹਾਂ। ਉਨ੍ਹਾਂ ਨੇ ਦੱਸਿਆ ਕਿ ਖੋਟਾਲ ਖ਼ਿਲਾਫ਼ ਭਾਰਤੀ ਨਿਆਂ ਸੰਹਿਤਾ (ਬੀ.ਐੱਨ.ਐੱਸ.) ਦੀ ਧਾਰਾ 124-1 (ਜਾਣ ਬੁੱਝ ਕੇ ਤੇਜ਼ਾਬ ਦੀ ਵਰਤੋਂ ਕਰਕੇ ਗੰਭੀਰ ਸੱਟ ਪਹੁੰਚਾਉਣ), 351-3 (ਅਪਰਾਧਿਕ ਧਮਕੀ) ਅਤੇ ਹੋਰ ਦੋਸ਼ਾਂ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ।