Spectrum Punjab Punjab's most credible source of news
Related Articles
ਨਸ਼ੇ ਤੋਂ ਦੂਰ ਰਹਿਣ ਵਾਲੇ ਰਤਨ ਟਾਟਾ ਦੇ ਸਭ ਤੋਂ ਜ਼ਿਆਦਾ ਕਰੀਬ ਕੋਣ ਸੀ? ਕਿਹੜੀ ਕਾਰ ਵਿੱਚ ਜਾਂਦੇ ਸੀ ਸਕੂਲ, ਇੱਥੇ ਜਾਣੋ ਸਭ ਕੁੱਝ
ਬੈਂਗਲੁਰੂ/ਮੁੰਬਈ: ਟਾਟਾ ਟਰੱਸਟ ਦੇ ਚੇਅਰਮੈਨ ਅਤੇ ਟਾਟਾ ਸੰਨਜ਼ ਦੇ ਮਾਲਕ ਅਤੇ ਸਨਮਾਨਿਤ ਕਾਰੋਬਾਰੀ ਰਤਨ ਟਾਟਾ ਦਾ ਸੋਮਵਾਰ ਦੇਰ ਰਾਤ ਮੁੰਬਈ ਦੇ ਬ੍ਰੀਚ ਕੈਂਡੀ ਹਸਪਤਾਲ ਵਿੱਚ ਦੇਹਾਂਤ ਹੋ ਗਿਆ ਹੈ। ਟਾਟਾ ਆਪਣੇ ਪਿੱਛੇ ਇੱਕ ਭਰਾ ਜਿੰਮੀ ਟਾਟਾ ਅਤੇ ਆਪਣੀ ਮਾਂ ਦੇ ਨਾਲ ਦੋ ਸੌਤੇਲੀਆਂ ਭੈਣਾਂ ਨੂੰ ਛੱਡ ਗਏ ਹਨ। ਉਨ੍ਹਾਂ ਦਾ ਇੱਕ ਮਤਰੇਆ ਭਰਾ ਨੋਏਲ ਟਾਟਾ ਵੀ ਹੈ, ਜੋ ਟ੍ਰੇਂਟ ਦਾ ਚੇਅਰਮੈਨ ਹੈ। ਪਰਿਵਾਰਕ ਮੈਂਬਰਾਂ ਤੋਂ ਇਲਾਵਾ ਟਾਟਾ ਸੰਨਜ਼ ਦੇ ਚੇਅਰਮੈਨ ਨਟਰਾਜਨ ਚੰਦਰਸ਼ੇਖਰਨ ਅਤੇ ਟਾਟਾ ਦੇ ਕਰੀਬੀ ਦੋਸਤ ਮੇਹਲੀ ਮਿਸਤਰੀ ਹਸਪਤਾਲ ‘ਚ ਮੌਜੂਦ ਸਨ।
ਰਤਨ ਟਾਟਾ 1962 ਵਿੱਚ ਟਾਟਾ ਸਮੂਹ ਵਿੱਚ ਸ਼ਾਮਲ ਹੋਏ ਸਨ। ਉਨ੍ਹਾਂ ਨੇ 1991 ਵਿੱਚ ਆਪਣੇ ਪੂਰਵਜ ਜੇਆਰਡੀ ਦੀ ਅਗਵਾਈ ਵਿੱਚ ਅਹੁਦਾ ਸੰਭਾਲਿਆ ਸੀ। ਉਨ੍ਹਾਂ ਦਾ ਅਹੁਦਾ ਸੰਭਾਲਣਾ ਭਾਰਤ ਦੀ ਆਰਥਿਕਤਾ ਦੇ ਖੁੱਲਣ ਅਤੇ ਨਤੀਜੇ ਵਜੋਂ ਸੁਧਾਰਾਂ ਨਾਲ ਮੇਲ ਖਾਂਦਾ ਸੀ। ਜਦੋਂ ਉਨ੍ਹਾਂ ਨੇ 74 ਸਾਲ ਦੀ ਉਮਰ ਵਿੱਚ 2012 ਵਿੱਚ ਰਿਟਾਇਰ ਹੋਣ ਦਾ ਫੈਸਲਾ ਕੀਤਾ, ਤਾਂ ਟਾਟਾ ਗਰੁੱਪ ਦੀ ਕੁੱਲ ਆਮਦਨ $100 ਬਿਲੀਅਨ ਸੀ। ਰਤਨ ਟਾਟਾ ਨਵਲ ਟਾਟਾ ਦਾ ਪੁੱਤਰ ਸੀ, ਜਿਸ ਨੂੰ ਰਤਨਜੀ ਟਾਟਾ ਨੇ ਗੋਦ ਲਿਆ ਸੀ, ਜੋ ਜਮਸ਼ੇਦਜੀ ਟਾਟਾ ਦਾ ਪੁੱਤਰ ਸੀ, ਜਿਸ ਨੇ 1868 ਵਿੱਚ ਟਾਟਾ ਗਰੁੱਪ ਦੀ ਸਥਾਪਨਾ ਕੀਤੀ ਸੀ।
ਇਸ ਕਾਰਨ ਵਿੱਚ ਰਤਨ ਟਾਟਾ ਜਾਂਦੇ ਸੀ ਸਕੂਲ: ਉਸ ਸਮੇਂ ਬੰਬਈ ਵਿੱਚ ਪਲ ਰਹੇ ਨੌਜਵਾਨ ਰਤਨ ਦੀ ਜ਼ਿੰਦਗੀ ਸ਼ਾਨਦਾਰ ਸੀ। ਉਨ੍ਹਾਂ ਨੂੰ ਰੋਲਸ ਰਾਇਸ ਵਿੱਚ ਸਕੂਲ ਲਿਜਾਇਆ ਜਾਂਦਾ ਸੀ। ਕੈਂਪੀਅਨ ਅਤੇ ਫਿਰ ਕੈਥੇਡ੍ਰਲ ਅਤੇ ਜੌਨ ਕੌਨਨ ਵਿਖੇ ਰਹਿੰਦਿਆਂ ਉਨ੍ਹਾਂ ਨੇ ਪਿਆਨੋ ਵਜਾਉਣਾ ਅਤੇ ਕ੍ਰਿਕਟ ਖੇਡਣਾ ਸਿੱਖਿਆ ਸੀ। ਕਾਰਨੇਲ ਵਿੱਚ ਇੱਕ ਵਿਦਿਆਰਥੀ ਹੋਣ ਦੇ ਨਾਤੇ ਟਾਟਾ ਨੇ ਆਪਣੇ ਪਿਤਾ ਦੀ ਇੱਛਾ ਦੇ ਅਨੁਸਾਰ ਇੰਜੀਨੀਅਰਿੰਗ ਦੀ ਪੜ੍ਹਾਈ ਕਰਨ ਵਿੱਚ ਆਪਣੇ ਪਹਿਲੇ ਦੋ ਸਾਲ ਬਿਤਾਏ। ਫਿਰ ਉਹ ਆਰਕੀਟੈਕਚਰ ਵੱਲ ਵਧੇ। ਉਨ੍ਹਾਂ ਨੇ ਬਾਅਦ ਵਿੱਚ ਟਾਟਾ ਗਰੁੱਪ ਦੀ ਇਨ-ਹਾਊਸ ਮੈਗਜ਼ੀਨ ਨਾਲ ਇੱਕ ਇੰਟਰਵਿਊ ਵਿੱਚ ਇਸ ਬਾਰੇ ਕਿਹਾ ਸੀ ਕਿ,”ਮੇਰੇ ਇਸ ਫੈਸਲੇ ਨੇ ਮੇਰੇ ਪਿਤਾ ਨੂੰ ਬਹੁਤ ਪਰੇਸ਼ਾਨ ਕੀਤਾ ਹੈ।”
ਨਸ਼ੇ ਤੋਂ ਰਤਨ ਟਾਟਾ ਸੀ ਦੂਰ: ਉਹ ਸ਼ਰਾਬ ਅਤੇ ਸਿਗਰਟ ਨਹੀਂ ਪੀਂਦੇ ਸੀ। ਰਤਨ ਟਾਟਾ ਪਾਲਤੂ ਜਾਨਵਰਾਂ ਖਾਸ ਤੌਰ ‘ਤੇ ਕੁੱਤਿਆਂ ਨੂੰ ਪਿਆਰ ਕਰਦੇ ਸੀ ਅਤੇ ਟਾਟਾ ਗਰੁੱਪ ਦੇ ਮੁੱਖ ਦਫਤਰ ਬੰਬੇ ਹਾਊਸ ਨੇ ਨੇੜਲੇ ਗਲੀ ਦੇ ਕੁੱਤਿਆਂ ਲਈ ਇੱਕ ਕੇਨਲ ਅਤੇ ਭੋਜਨ ਵੀ ਮੁਹੱਈਆ ਕਰਵਾਇਆ ਸੀ।
ਰਤਨ ਟਾਟਾ ਦੇ ਕਰੀਬੀ ਕੋਣ ਸੀ?: ਦ ਇਕਨਾਮਿਕ ਟਾਈਮਜ਼ ਨਾਲ ਇੱਕ ਇੰਟਰਵਿਊ ਵਿੱਚ ਟਾਟਾ ਟਰੱਸਟ ਦੇ ਤਤਕਾਲੀ ਸੀਈਓ ਆਰ. ਵੈਂਕਟਰਮਨਨ ਤੋਂ ਜਦੋਂ ਆਰ.ਐਨ.ਟੀ. ਨਾਲ ਨੇੜਤਾ ਬਾਰੇ ਪੁੱਛਿਆ ਗਿਆ, ਤਾਂ ਉਨ੍ਹਾਂ ਨੇ ਕਿਹਾ ਕਿ ਚੇਅਰਮੈਨ ਦੇ ਨਜ਼ਦੀਕੀ ਸਿਰਫ ਦੋ ਲੋਕ ਸਨ- ਟੀਟੋ ਅਤੇ ਟੈਂਗੋ। ਬਾਅਦ ਵਿੱਚ ਬੁਢਾਪੇ ਕਾਰਨ ਉਨ੍ਹਾਂ ਦੀ ਮੌਤ ਹੋ ਗਈ। 2008 ਵਿੱਚ ਟਾਟਾ ਨੂੰ ਦੇਸ਼ ਦਾ ਦੂਜਾ ਸਰਵਉੱਚ ਨਾਗਰਿਕ ਪੁਰਸਕਾਰ ਪਦਮ ਵਿਭੂਸ਼ਣ ਨਾਲ ਸਨਮਾਨਿਤ ਕੀਤਾ ਗਿਆ।