Related Articles
”ਓ…ਮੇਰਾ ਵਿਆਹ ਕਰਵਾਓ” !, 43 ਸਾਲ ਦੇ ਬੰਦੇ ਨੇ EX-MLA ਨੇ ਲਿਖੀ ਚਿੱਠੀ, ਸੋਸ਼ਲ ਮੀਡੀਆ ‘ਤੇ ਹੋਈ ਵਾਇਰਲ
ਰਾਜਸਥਾਨ ਦੇ ਜੈਪੁਰ ਜ਼ਿਲ੍ਹੇ ਦੇ ਚੌਮੂੰ ਖੇਤਰ ਵਿੱਚ ਇੱਕ ਬੇਹੱਦ ਦਿਲਚਸਪ ਤੇ ਅਜੀਬੋ-ਗਰੀਬ ਮਾਮਲਾ ਸਾਹਮਣੇ ਆਇਆ ਹੈ, ਜਿਸਦੀ ਚਰਚਾ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਹੋ ਰਹੀ ਹੈ।
ਕੈਲਾਸ਼ ਸ਼ਰਮਾ ਦੀ ਅਪੀਲ
ਚੌਮੂੰ ਦੇ ਚੀਥਵਾੜੀ ਪਿੰਡ ਦੇ ਰਹਿਣ ਵਾਲੇ 43 ਸਾਲ ਦੇ ਅਣਵਿਆਹੇ ਨੌਜਵਾਨ ਕੈਲਾਸ਼ ਸ਼ਰਮਾ ਨੇ ਸਾਬਕਾ ਵਿਧਾਇਕ ਰਾਮਲਾਲ ਸ਼ਰਮਾ ਨੂੰ ਇੱਕ ਭਾਵੁਕ ਪੱਤਰ ਲਿਖਿਆ ਹੈ। ਇਸ ਪੱਤਰ ਵਿੱਚ ਕੈਲਾਸ਼ ਨੇ ਸਾਬਕਾ ਵਿਧਾਇਕ ਨੂੰ ਅਪੀਲ ਕੀਤੀ ਹੈ ਕਿ ਉਹ ਉਸਦਾ ਵਿਆਹ ਕਰਵਾਉਣ ਵਿੱਚ ਮਦਦ ਕਰਨ। ਕੈਲਾਸ਼ ਨੇ ਦੱਸਿਆ ਕਿ ਉਸਦੀ ਉਮਰ ਹੁਣ 43 ਸਾਲ ਹੋ ਚੁੱਕੀ ਹੈ ਅਤੇ ਉਹ ਅਜੇ ਤੱਕ ਕੁਆਰਾ ਹੈ।
ਵਾਇਰਲ ਚਿੱਠੀ ਦਾ ਕਾਰਨ
ਕੈਲਾਸ਼ ਸ਼ਰਮਾ ਨੇ ਪੱਤਰ ਵਿੱਚ ਦੱਸਿਆ ਕਿ ਉਸਨੇ ਤਿੰਨ ਦਿਨ ਪਹਿਲਾਂ ਸੋਸ਼ਲ ਮੀਡੀਆ ‘ਤੇ ਸਾਬਕਾ ਵਿਧਾਇਕ ਰਾਮਲਾਲ ਸ਼ਰਮਾ ਦਾ ਇੱਕ ਬਿਆਨ ਸੁਣਿਆ ਸੀ। ਰਾਮਲਾਲ ਸ਼ਰਮਾ ਨੇ ਇੱਕ ਸਮੂਹਿਕ ਵਿਆਹ ਸਮਾਗਮ (Collective Marriage Ceremony) ਦੌਰਾਨ ਇਹ ਬਿਆਨ ਦਿੱਤਾ ਸੀ ਕਿ ਉਹ 40 ਸਾਲ ਤੋਂ ਵੱਧ ਉਮਰ ਦੇ ਅਣਵਿਆਹੇ ਨੌਜਵਾਨਾਂ ਲਈ ਵਿਆਹ ਕਰਵਾਉਣ ਦਾ ਪ੍ਰੋਗਰਾਮ ਆਯੋਜਿਤ ਕਰ ਕੇ ਇੱਕ ਸਮਾਜਿਕ ਪਹਿਲ ਕਰਨਗੇ।
ਕੈਲਾਸ਼ ਨੇ ਉਸੇ ਬਿਆਨ ਦਾ ਹਵਾਲਾ ਦਿੰਦੇ ਹੋਏ ਸਾਬਕਾ ਵਿਧਾਇਕ ਤੋਂ ਮੰਗ ਕੀਤੀ ਕਿ ਕਿਉਂਕਿ ਉਹ ਵੀ 40 ਸਾਲ ਤੋਂ ਉੱਪਰ ਹਨ ਅਤੇ ਕੁਆਰਾ ਹਨ, ਇਸ ਲਈ ਉਨ੍ਹਾਂ ਦੀ ਵੀ ਮਦਦ ਕੀਤੀ ਜਾਵੇ। ਕੈਲਾਸ਼ ਸ਼ਰਮਾ ਦਾ ਇਹ ਅਨੋਖਾ ਪੱਤਰ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ ਅਤੇ ਲੋਕ ਇਸ ‘ਤੇ ਵੱਖ-ਵੱਖ ਟਿੱਪਣੀਆਂ ਕਰ ਰਹੇ ਹਨ। ਹਾਲਾਂਕਿ, ਸਾਬਕਾ ਵਿਧਾਇਕ ਰਾਮਲਾਲ ਸ਼ਰਮਾ ਵੱਲੋਂ ਇਸ ਪੱਤਰ ‘ਤੇ ਅਜੇ ਤੱਕ ਕੋਈ ਅਧਿਕਾਰਤ ਬਿਆਨ ਨਹੀਂ ਆਇਆ ਹੈ।
