Related Articles
12 people were killed after a plane carrying 11 skydivers and a pilot crashed near Butler Memorial Airport in Butler, Missouri.
USA ਅਮਰੀਕਾ ”ਚ ਵੱਡਾ ਜਹਾਜ਼ ਹਾਦਸਾ: ਟੇਕਆਫ ਮਗਰੋਂ ਕ੍ਰੈਸ਼ ਹੋਇਆ ਸਕਾਈਡਾਈਵਿੰਗ ਪਲੇਨ, ਪਾਇਲਟ ਸਣੇ 12 ਦੀ ਮੌਤ
ਅਮਰੀਕੀ ਰਾਜ ਮਿਸੌਰੀ ਤੋਂ ਇੱਕ ਦਿਲ ਦਹਿਲਾ ਦੇਣ ਵਾਲੀ ਖ਼ਬਰ ਸਾਹਮਣੇ ਆਈ ਹੈ। ਇੱਥੇ ਐਤਵਾਰ ਸਵੇਰੇ ਇੱਕ ਸਕਾਈਡਾਈਵਿੰਗ ਜਹਾਜ਼ ਹਾਦਸਾਗ੍ਰਸਤ ਹੋ ਗਿਆ, ਜਿਸ ਵਿੱਚ ਸਵਾਰ ਪਾਇਲਟ ਸਮੇਤ ਸਾਰੇ 12 ਲੋਕਾਂ ਦੀ ਮੌਤ ਹੋ ਗਈ। ਹਾਦਸਾ ਇੰਨਾ ਭਿਆਨਕ ਸੀ ਕਿ ਜਹਾਜ਼ ਟਕਰਾਉਣ ‘ਤੇ ਅੱਗ ਦੇ ਗੋਲੇ ਵਿੱਚ ਬਦਲ ਗਿਆ।
UPDATE: 12 people were killed after a plane carrying 11 skydivers and a pilot crashed near Butler Memorial Airport in Butler, Missouri. -FOX4 https://t.co/UWdylPia1M pic.twitter.com/QyxoXy65Fb
— Breaking911 (@Breaking911) June 14, 2026
ਹਵਾਈ ਅੱਡੇ ਨੇੜੇ ਹੀ ਡਿੱਗਿਆ ਜਹਾਜ਼
ਰਿਪੋਰਟਾਂ ਅਨੁਸਾਰ, ਇਹ ਦੁਖਦਾਈ ਹਾਦਸਾ ਐਤਵਾਰ ਸਵੇਰੇ 11:30 ਵਜੇ ਦੇ ਕਰੀਬ ਬਟਲਰ ਮੈਮੋਰੀਅਲ ਹਵਾਈ ਅੱਡੇ ਨੇੜੇ ਵਾਪਰਿਆ, ਜੋ ਕਿ ਕੈਨਸਸ ਸਿਟੀ ਤੋਂ ਲਗਭਗ 65 ਮੀਲ ਦੱਖਣ ਵਿੱਚ ਸਥਿਤ ਹੈ। ਮਿਸੌਰੀ ਸਟੇਟ ਹਾਈਵੇਅ ਪੈਟਰੋਲ (MSHP) ਨੇ ਦੱਸਿਆ ਕਿ ਜਹਾਜ਼ ਹਵਾਈ ਅੱਡੇ ਦੇ ਨਾਲ ਲੱਗਦੇ ਇੱਕ ਖੇਤ ਵਿੱਚ ਹਾਦਸਾਗ੍ਰਸਤ ਹੋ ਗਿਆ। ਹਾਦਸੇ ਤੋਂ ਤੁਰੰਤ ਬਾਅਦ ਸਥਾਨਕ ਅਧਿਕਾਰੀਆਂ ਨੂੰ 911 ‘ਤੇ ਇੱਕ ਕਾਲ ਮਿਲੀ ਜਿਸ ਵਿੱਚ ਇੱਕ ਜਹਾਜ਼ ਅੱਗ ਵਿੱਚ ਘਿਰਿਆ ਹੋਣ ਦੀ ਰਿਪੋਰਟ ਮਿਲੀ।
ਮੰਜ਼ਰ ਦੇਖ ਕੰਬ ਗਈ ਰੂਹ
ਹਾਈਵੇਅ ਪੈਟਰੋਲ ਸਾਰਜੈਂਟ ਜਸਟਿਨ ਈਵਿੰਗ, ਜੋ ਕਿ ਮੌਕੇ ‘ਤੇ ਪਹੁੰਚੇ, ਨੇ ਸਥਿਤੀ ਨੂੰ ਕਾਫ਼ੀ “ਬੇਰਹਿਮ” ਦੱਸਿਆ। ਉਨ੍ਹਾਂ ਦੱਸਿਆ ਕਿ ਬਚਾਅ ਟੀਮਾਂ ਪਹੁੰਚ ਗਈਆਂ ਹਨ ਅਤੇ ਅੱਗ ‘ਤੇ ਕਾਬੂ ਪਾ ਲਿਆ ਹੈ। ਹਾਦਸੇ ਦੀ ਗੰਭੀਰਤਾ ਨੂੰ ਦੇਖਦੇ ਹੋਏ ਖੇਤਰ ਦੀਆਂ ਸੜਕਾਂ ਬੰਦ ਕਰ ਦਿੱਤੀਆਂ ਗਈਆਂ ਹਨ।
Eleven skydivers and a pilot died in the crash of a private plane in Butler, Missouri, aircraft operator Skydive Kansas City said https://t.co/jwY7mir14T pic.twitter.com/7Swa6Fj7Aq
— Reuters (@Reuters) June 14, 2026
ਜਾਂਚ ‘ਚ ਜੁਟਿਆ ਪ੍ਰਸ਼ਾਸਨ
ਦੁਰਘਟਨਾ ਦੇ ਕਾਰਨਾਂ ਦਾ ਅਜੇ ਪਤਾ ਨਹੀਂ ਲੱਗ ਸਕਿਆ ਹੈ। ਅਧਿਕਾਰੀਆਂ ਨੇ ਦੱਸਿਆ ਕਿ ਮ੍ਰਿਤਕਾਂ ਦੀ ਪਛਾਣ ਅਜੇ ਜਾਰੀ ਨਹੀਂ ਕੀਤੀ ਗਈ ਹੈ। ਬਟਲਰ ਪੁਲਸ ਵਿਭਾਗ, ਬੇਟਸ ਕਾਉਂਟੀ ਸ਼ੈਰਿਫ ਦਫਤਰ ਅਤੇ ਐੱਮਐੱਸਐੱਚਪੀ ਦੀਆਂ ਟੀਮਾਂ ਇਸ ਸਮੇਂ ਘਟਨਾ ਸਥਾਨ ‘ਤੇ ਜਾਂਚ ਅਤੇ ਰਾਹਤ ਕਾਰਜਾਂ ਵਿੱਚ ਰੁੱਝੀਆਂ ਹੋਈਆਂ ਹਨ।
