Related Articles
Thai Woman Gives Birth On Air India Express Flight, Assisted By Nurse, CrewThe woman went into labour thousands of feet above the ground and gave birth to a baby boy on an Air India Express flight.
ਥਾਈ ਮਹਿਲਾ ਨੇ ਏਅਰ ਇੰਡੀਆ ਐਕਸਪ੍ਰੈੱਸ ਦੀ ਮਸਕਟ-ਮੁੰਬਈ ਉਡਾਣ ’ਚ ਬੇਟੇ ਨੂੰ ਜਨਮ ਦਿੱਤਾ
ਜੱਚਾ ਬੱਚਾ ਦੋਵੇਂ ਠੀਕ, ਮੁੰਬਈ ਦੇ ਹਸਪਤਾਲ ’ਚ ਦਾਖ਼ਲ
ਏਅਰ ਇੰਡੀਆ ਐਕਸਪ੍ਰੈੱਸ ਦੀ ਮਸਕਟ ਤੋਂ ਮੁੰਬਈ ਆ ਰਹੀ ਉਡਾਣ ਵਿਚ ਥਾਈਲੈਂਡ ਦੀ ਇਕ ਮਹਿਲਾ ਨੇ ਬੇਟੇ ਨੂੰ ਜਨਮ ਦਿੱਤਾ ਹੈ। ਏਅਰਲਾਈਨ ਵੱਲੋਂ ਜਾਰੀ ਬਿਆਨ ਮੁਤਾਬਕ ਉਡਾਣ ਦੇ ਅਮਲੇ ਤੇ ਫਲਾਈਟ ਵਿਚ ਮੌਜੂਦ ਨਰਸ ਨੇ ਗਰਭਵਤੀ ਮਹਿਲਾ ਦੀ ਡਲਿਵਰੀ ਵਿਚ ਮਦਦ ਕੀਤੀ।
ਬਿਆਨ ਵਿਚ ਕਿਹਾ ਗਿਆ ਕਿ ਜਿਵੇਂ ਥਾਈ ਮਹਿਲਾ ਨੂੰ ਪ੍ਰਸੂਤਾ ਪੀੜ ਹੋਈ ਤਾਂ ਜਹਾਜ਼ ਦਾ ਅਮਲਾ ਹਰਕਤ ਵਿਚ ਆ ਗਿਆ ਤੇ ਹਰ ਸੰਭਵ ਮਦਦ ਕੀਤੀ। ਇਸ ਦੌਰਾਨ ਜਹਾਜ਼ ਦੇ ਪਾਇਲਟਾਂ ਨੇ ਏਅਰ ਟਰੈਫਿਕ ਕੰਟਰੋਲਰ ਨੂੰ ਅਲਰਟ ਕਰਕੇ ਮੁੰਬਈ ਵਿਚ ਤਰਜੀਹੀ ਲੈਂਡਿੰਗ ਲਈ ਅਪੀਲ ਕੀਤੀ।
ਉਡਾਣ ਦੇ ਮੁੰਬਈ ਵਿਚ ਲੈਂਡ ਕਰਨ ਮੌਕੇ ਮੈਡੀਕਲ ਟੀਮਾਂ ਤੇ ਐਂਬੂਲੈਂਸ ਤਿਆਰ ਬਰ ਤਿਆਰ ਖੜ੍ਹੀ ਸੀ। ਜੱਚਾ ਬੱਚਾ ਦੋਵਾਂ ਨੂੰ ਫੌਰੀ ਨੇੜਲੇ ਹਸਪਤਾਲ ਤਬਦੀਲ ਕੀਤਾ ਗਿਆ। ਫਲਾਈਟ ਵਿਚ ਕੁੱਲ ਮੁਸਾਫ਼ਰਾਂ ਦੀ ਗਿਣਤੀ ਬਾਰੇ ਵੇਰਵੇ ਫੌਰੀ ਉਪਲਬਧ ਨਹੀਂ ਸਨ।
