Breaking News
Home / ਅੰਤਰ ਰਾਸ਼ਟਰੀ / ਕੈਪਟਨ ਚੰਨਣ ਸਿੰਘ ਵਲੋਂ ਅਰੂਸਾ ਬਾਰੇ ਸਨਸਨੀਖੇਜ਼ ਖੁਲਾਸੇ

ਕੈਪਟਨ ਚੰਨਣ ਸਿੰਘ ਵਲੋਂ ਅਰੂਸਾ ਬਾਰੇ ਸਨਸਨੀਖੇਜ਼ ਖੁਲਾਸੇ

ਜਰਨਲਰਾਣੀ ਤੋਂ ਕੈਪਟਨਰਾਣੀ ਤੱਕ : “ਸਰਕਾਰ” ਦੀ ਸੇਵਾ ‘ਚ ਦੋ ਪੀੜ੍ਹੀਆਂ

ਅਸੀਂ ਤੁਹਾਨੂੰ ਅਰੂਸਾ ਦੀ ਮਾਂ ” ਜਨਰਲ ਰਾਣੀ” ਦੀ ਕਹਾਣੀ ਦੱਸਾਂਗੇ । ਸੰਨ 1969 ਤੋਂ 1972 ਤੱਕ ਉਹ ਪਾਕਿਸਤਾਨ ਦੀ ਸਭ ਤੋਂ ਤਾਕਤਵਾਰ ਜ਼ਨਾਨੀ ਸੀ ।ਪਾਕਿਸਤਾਨ ਦੇ ਤਾਨਾਸ਼ਾਹ ਜਨਰਲ ਯਹੀਆ ਖ਼ਾਨ ਦੇ ਦਿਮਾਗ ਤੇ ਮਹਿਲਾਂ ਚ ਰਾਜ ਕਰਨ ਵਾਲੀ ਇਸ ਜਨਰਲ ਰਾਣੀ ਦਾ ਅਸਲੀ ਨਾਂ ਅਕਲੀਮ ਅਖਤਰ ਸੀ । ਪਾਕਿਸਤਾਨ ਦੇ ਵੱਡੇ ਵੱਡੇ ਅਫਸਰ ਸਿਆਸਤਦਾਨ ਜਨਰਲ ਰਾਣੀ ਦੇ ਪੈਰਾਂ ਚ ਵਿਛਦੇ ਸਨ ਕਿਉਂਕਿ ਯਹੀਆ ਖਾਨ ਤੱਕ ਪਹੁੰਚਣ ਵਾਲਾ ਇੱਕੋ ਰਾਹ ਅਰੂਸਾ ਆਲਮ ਦੀ ਮੰਮੀ ਅਕਲੀਮ ਅਖਤਰ ਸੀ ।
ਲਹਿੰਦੇ ਪੰਜਾਬ ਦੇ ਗੁਜਰਾਤ ਵਿੱਚ ਇੱਕ ਸਾਦੇ ਪਰਿਵਾਰ ਵਿੱਚ ਜੰਮੀ ਅਕਲੀਮ ਦਾ ਵਿਆਹ ਉਸ ਤੋਂ ਦੁਗਣੀ ਉਮਰ ਦੇ ਇੱਕ ਪੁਲਸੀਏ ਨਾਲ ਕੀਤਾ ਗਿਆ । ਮੁੱਢਲੇ ਸਾਲਾਂ ਵਿੱਚ ਉਹ ਇੱਕ ਚੰਗੀ ਘਰਵਾਲੀ ਵਜੋਂ ਨਿਭੀ ਤੇ ਛੇ ਨਿਆਣੇ ਜੰਮੇ । ਪੁਲਸੀਏ ਨਾਲ ਬਿਤਾਏ ਇਨ੍ਹਾਂ ਸਾਲਾਂ ਵਿੱਚ ਉਹ ਕਦੀ ਬੁਰਕੇ ਤੋਂ ਬਿਨਾਂ ਘਰੋਂ ਨਹੀਂ ਨਿਕਲੀ ਸੀ ।

1963 ਵਿੱਚ ਇੱਕ ਦਿਨ ਉਹ ਆਪਣੇ ਘਰ ਵਾਲੇ ਤੇ ਛੇ ਨਿਆਣਿਆਂ ਨਾਲ ਛੁੱਟੀਆਂ ਮਨਾਉਣ ਮਰੀ ਹਿੱਲ ਗਈ ਦੇਵਦਾਰ ਦੇ ਲੰਮੇ ਰੁੱਖਾਂ ਦੀ ਛਾਵੇਂ ਟਹਿਲ ਰਹੇ ਸਨ ਤਾਂ ਚਾਣਚੱਕ ਨੇਰੀ ਆ ਗਈ ਜਿਹਦੇ ਕਰਕੇ ਅਖ਼ਤਰ ਦਾ ਬੁਰਕਾ ਮੂੰਹ ਤੋਂ ਉੱਡ ਗਿਆ । ਇਹ ਤੁਸੀਂ ਮਹਿਕਮਾ ਪੰਜਾਬੀ ‘ਤੇ ਪੜ੍ਹ ਰਹੇ ਹੋ । ਖੈਰ ਪੁਲਸੀਆ ਗੁੱਸੇ ਵਿੱਚ ਆ ਗਿਆ ਤੇ ਆਪਣੀ ਘਰਵਾਲੀ ਦੀ ਝਾੜ ਝੰਬ ਕਰਨ ਲੱਗ ਪਿਆ । ਵੇਖਦਿਆਂ ਹੀ ਵੇਖਦਿਆਂ ਕਲੀਮ ਅਖਤਰ ਨੇ ਸਾਰਾ ਬੁਰਕਾ ਲਾਹ ਕੇ ਪੁਲਸੀਏ ਵੱਲ ਸੁਟ ਦਿੱਤਾ ਤੇ ਨਿਆਣੇ ਲੈ ਕੇ ਪੇਕੇ ਆ ਗਈ ।ਹੁਣ ਛੇ ਨਿਆਣਿਆਂ ਦੇ ਨਾਲ ਬਿਨਾਂ ਕਿਸੇ ਨੌਕਰੀ ਤੋਂ ਰੋਟੀ ਟੁੱਕ ਦਾ ਔਖਾ ਸੀ । ਅਕਲੀਮ ਅਖਤਰ ਕੋਈ ਤਕੜਾ ਅਤੇ ਅਮੀਰ ਬੰਦਾ ਲੱਭਦੀ ਸੀ । ਉਸ ਨੇ ਕਰਾਚੀ ਦੇ ਨਾਈਟ ਕਲੱਬਾਂ ਵਿਚ ਜਾਣਾ ਸ਼ੁਰੂ ਕੀਤਾ, ਜਿੱਥੇ ਸਿਆਸੀ ਅਮੀਰ, ਫ਼ੌਜੀ ਅਫਸਰ ਤੇ ਵੱਡੇ ਵਪਾਰੀ ਸ਼ੂਗਲ ਮੇਲਾ ਕਰਦੇ ਸਨ । ਹੌਲੀ ਹੌਲੀ ਅਕਲੀਮ ਅਖਤਰ ਦੀ ਵਾਕਫੀ ਬਣਨ ਲੱਗੀ ਤੇ ਉਹ ਡਾਂਸ ਪਾਰਟੀਆਂ ਆਰਗੇਨਾਈਜ਼ ਕਰਨ ਲੱਗੀ । ਉਹ ਲਾਹੌਰ ਦੀ ਹੀਰਾ ਮੰਡੀ ਤੇ ਕਰਾਚੀ ਦੀ ਨੇਪੀਅਰ ਰੋਡ ਤੋਂ ਕੁੜੀਆਂ ਲਿਆਉਂਦੀ ਤੇ ਵੱਡੇ ਫ਼ੌਜੀ ਅਫ਼ਸਰਾਂ ਨੂੰ ਪੇਸ਼ ਕਰਦੀ ।

ਇਨ੍ਹਾਂ ਇੱਕ ਦਿਨ ਉਸ ਦਾ ਪੇਚਾ ਨਾਮੀ ਸ਼ਰਾਬੀ ਤੇ ਜਨਾਨੀ ਬਾਜ ਜਹੀਆ ਖਾਨ ਨਾਲ ਪਿਆ । ਜੋ ਕਿ ਪਾਕਿਸਤਾਨ ਦਾ ਤਾਨਾਸ਼ਾਹ ਜਨਰਲ ਸੀ ।ਇਹ 1967 ਦੀ ਗੱਲ ਹੈ ਜਦੋਂ ਜਹੀਆਂ ਖਾਂ ਆਪ ਮੰਨਣ ਲੱਗ ਪਿਆ ਕਿ ਅਕਲੀਮ ਉਸ ਦੀ “ਜਸਟ ਫਰੈਂਡ” ਹੈ । ਇਉਂ ਅਕਲੀਮ ਅਖਤਰ ਨਾਂ ਦੀ ਮਜਬੂਰ ਜਨਾਨੀ ਜਨਰਲ ਰਾਣੀ ਬਣ ਗਈ । ਜਨਰਲ ਰਾਣੀ ਉਵੇਂ ਜਿਵੇਂ ਮਹਾਰਾਜੇ ਦੀ ਮਹਾਰਾਣੀ ।

ਅਕਲੀਮ ਅਖਤਰ ਯਹੀਆ ਖ਼ਾਨ ਦੇ ਦੌਰ ਦੀ ਸਭ ਤੋਂ ਤਾਕਤਵਰ ਜਨਾਨੀ ਬਣ ਕੇ ਉੱਭਰੀ । ਇਸੇ ਦੌਰ ਵਿੱਚ ਉਸ ਦੀ ਇਕ ਸਹੇਲੀ ਉੱਘੀ ਗਾਇਕਾ ਤੇ ਅਦਾਕਾਰਾ ਨੂਰਜਹਾਂ ਨੂੰ ਇਨਕਮ ਟੈਕਸ ਡਿਪਾਰਟਮੈਂਟ ਵਾਲਿਆ ਨੇ ਹਜ਼ਾਰਾਂ ਰੁਪਈਏ ਜੁਰਮਾਨਾ ਠੋਕ ਦਿਤਾ । ਨੂਰ ਜਹਾਂ ਨੇ ਅਕਲੀਮ ਅਖਤਰ ਨੂੰ ਕਿਹਾ ਤੇ ਅਖਤਰ ਨੇ ਯਹੀਆ ਖਾਨ ਨੂੰ ਇਉਂ ਨੂਰ ਜਹਾਂ ਦਾ ਜੁਰਮਾਨਾ ਮੁਆਫ ਹੋ ਗਿਆ । ਤੁਸੀਂ ਇਹ ਪੋਸਟ ਮਹਿਕਮਾ ਪੰਜਾਬੀ ਤੇ ਪੜ੍ਹ ਰਹੇ ਹੋ ।ਜਨਰਲ ਰਾਣੀ ਦੀ ਇਹ ਬਾਦਸ਼ਾਹਤ 1972 ਤੱਕ ਕਾਇਮ ਰਹੀ l
ਯਹੀਆ ਖਾਨ 1980 ਵਿੱਚ ਮਰ ਗਿਆ ਇਸ ਪਿੱਛੋਂ ਕਲੀਮ ਅਖਤਰ ਨੇ ਕਈ ਪੁੱਠੇ ਸਿੱਧੇ ਧੰਦੇ ਵੀ ਕੀਤੇ । ਜ਼ਿਆ ਉਲ ਹੱਕ ਦੇ ਦੌਰ ਵਿੱਚ ਜਨਰਲਰਾਣੀ ਫੜ੍ਹੀ ਗਈ ਪਰ ਛੇਤੀ ਉਸ ਦੇ ਫੌਜੀ ਯਾਰਾਂ ਨੇ ਛੁਡਵਾ ਲਈ ।

ਜਨਰਲ ਰਾਣੀ ਦੇ ਅਰੂਸਾ ਆਲਮ ਸਣੇ ਛੇ ਦੇ ਛੇ ਨਿਆਣੇ ਆਜ਼ਾਦਾਨਾ ਤੌਰ ਤੇ ਜਵਾਨ ਹੋਏ । 2002 ਵਿੱਚ ਸੱਤਰ ਸਾਲ ਦੀ ਉਮਰ ਭੋਗ ਕੇ ਕੈਂਸਰ ਨਾਲ ਅਕਲੀਮ ਅਖਤਰ ਦੀ ਮੌਤ ਹੋ ਗਈ । ਚੜ੍ਹਦਾ ਪੰਜਾਬ ਉਸ ਦਾ ਸਦਾ ਧੰਨਵਾਦੀ ਰਹੇਗਾ ।
#ਮਹਿਕਮਾ_ਪੰਜਾਬੀ

Check Also

ਸ਼ੈਰੀ ਮਾਨ ਪਰਮੀਸ਼ ਵਰਮਾ ਦੇ ਵਿਆਹ ਵਿਚ ਰੁੱਸਿਆ, ਟੱਲੀ ਹੋ ਕੇ ਮਾਰੇ ਮਿਹਣੇ

ਪੰਜਾਬੀ ਗਾਇਕ ਸ਼ੈਰੀ ਮਾਨ ਕੁਝ ਸਮਾਂ ਪਹਿਲਾਂ ਫੇਸਬੁੱਕ ’ਤੇ ਲਾਈਵ ਹੋਏ ਹਨ। ਸ਼ੈਰੀ ਮਾਨ ਲਾਈਵ …

%d bloggers like this: